الرئيسية > التقارير > شرق اسيا > إندونيسيا > تقرير لجزيرة هاواي الاندونيسية ” لومبوك ” مدعمة بالصور

تقرير لجزيرة هاواي الاندونيسية ” لومبوك ” مدعمة بالصور

أبدا تقريري ب “بسم الله الرحمن الرحيم “. وأقول ,, – تقع جزيرة لومبوك بالقرب من بالي والمسافة بينها وبين بالي بالطائرة حوالي 30 دقيقة. ومن جاكرتا بالطائرة بالضبط ساعتين .
– تتميز بالهدوء التام وحلوة مرة , توجد بها اغلب المطاعم , احلى مجمع بها اسمة ” ماترام مول ” .
– ملاحظة ” اسم الجزيرة ماترام وليست لومبوك “.
– الرحلات اليها على النحو التالي :
* اذا على طيران جارودا فهي دايركت دون توقف . وسعرها ذهاب وإياب 1,600000 روبية .
*و اذا على شركات الطيران الاخرى فتكون ترانزيت كالتالي ” جاكرتا , سورابايا , لومبوك ” . طبعا اقل من جارودا ولكن لا اتذكر السعر .
– احلى وافخم الفنادق موجودة على طريق اسمة ” طريق سنقيقي ” من ضمن هذي الفنادق “شيراتون و جاياكرتا“. وهذا الطريق عبارة عن طريق يمر بمحاذاة البحر , وجميع الفنادق مطلة على البحر . وهذي صورة لجزء من الطريق

ماسبق كان جزء مبسط عن الجزيرة , اما عني فسوف ابدا بتقريري الان :
دائما قبل سفري ارتب حجوزاتي قبل موعد السفر بوقت كافي حجزت التذكرة وكان سعرها في 28 محرم  بــ 2250 ريال , كان موعد الرحلة الساعةة العاشرة والربع من مطار الرياض على الخطوط السعودية دون توقف الى ارضنا الثانية, اقلاعنا بالطائرة الدولية المعتادة والمسماة ” بالجامبو ” وكل شوق الى بيتي وجزيرتي لومبوك , تم قضاء حوالي 9 ساعات ونحن في اجواء المحيط الهندي وكان السماء جميلة قضيناة والحمدلله دون مطبات هوائية مزعجة .
– وصلنا وبحمد الله الى الارض المحبوبة الى قلوبنا جميعا وبأجوائها الممطرة , طبعا اول مانفسك تنفتح وانت شايف المطار حقهم والخضرة الخلابة منن حولها .
– كالمعتاد خرجنا من الطائرة وذهبت الى كونتر الجوازات , طبعا لاتنسون المنظر الغير حضاري من قبل بعض الشباب والله انة ازعجني بصراحة يعطون عمال النظافة كم روبية واحنا واقفين في الطابور عشان يخلصون جوازاتهم من وراء , الله يهديهم . ونتمنى إننا نتكاتف ونمنع هذة الظاهرة من خلال منتدانا . – كنت اخر واحد في الطابور للتفيز , فمسكوني كل واحد يقولي هدية هدية , رديت عليهم وقلت انت تستلم راتب قال نعم , وقلت وليش تطلب هدية . طبعا كلامي شوية اندونيسي على انجليزي .
– رحت على كونتر التختيم واشتغلوني هدية هدية وروح انت جبل جبل كويس , طفشوني .
– اخذت شنطتي وذهبت على كونتر الجارودا وحجزت على طول على لومبوك اليوم اللي بعدة مباشرة , وسكنت بالقرب من المطار في فندق يبعدد حوالي 3 كم عن المطار , لكن الله لايوريكم من فندق , فندق الهم.
– اصبحنا و كان التوصيل للمطار على حساب الفندق , وكانت رحلتي للومبوك حوالي بعد الظهر .
– وصلت مطار عمنا سوكارنو المطار الداخلي طبعا افطرت وتغديت وانتظرت في صالة الانتظار والتقطت بعض الصور ولاتنسون اني مشغوف ومولع بالطائراتت واليكم الصور ……..

– اقلعنا على متن الجارودا ولاتسألون عن الخدمات احلى من الحلوة , ناسي قورنق وحركات , مو وجبة موية وبف الحمدلله بس .
– وصلت مطار لومبوك بحمدلله العصر , اول ماتدخل المطار على يدك اليمين واليسار ايجار فنادق و سيارات , اخذت غرفة في فندق جاياكرتا مطل علىى الشاطئ غرفة كبيرة بحمام وشرفة حلوة على البحر 500.000روبية وصلت قبل المغرب وانا منهمك ادور الفراش ابي النوم , عشان بكرة ودي ادشر في لومبوك , لاني في المطار اتفقت مع شخص يأخذني من الصبح الى العصر في ربوع لومبوك ” هاواي ” مع ركوب لانش والذهاب بي الى ثلاث جزر بالقرب من بعضها ولكن لايحضرني اسمها . وهذي صور مطلة على المسبح وطبعا لقرب الغرفة من الشاطئ فكانت الامواج تتلاطم بالقرب من غرفتي …

طبعا انا هذي رابع مرة اسافر فيها نظامي كالتالي : انام الساعة عشرة ليلا واصحى الصباح بدري عشان استمتع بالمناظر , ونصيحتي لاتركب سيارة في لومبوك اركب دباب لان الجو مرة حلووووووووووو وهواء نظيف .
– صحيت اليوم الثاني طبعا الفندق خمس نجوم وبالتالي الفطور مجانا , الا هذا السواق قدامي ومشينا على طريق سنقيقي , وطلبت منةالذهاب بيي الى جبل بركاني ” اسمة جبل رنجاني” بحكم اني جيولوجي اريد ان اذهب للجبل وقال لي توجد هناك شلال لكن ماتقدر تطلع الجبل لانة صعب قلت توكل على الله .وهذي صور للطريق والشلال معا ………
صور للطريق “

واخرى ….

الشلال …

اكمل لكم بعد ذلك رحلتي الى جزر “هاواي الاندونيسية “

– لاتنسون اني كرهت الروحة الى هذا الشلال مع انة في غاية الجمال ورووووعة والمطر اللي يحبه قلبك , ليش كرهته ؟ لانة مشوارة من طريق سنقيقي العام حوالي 3ساعات رايح فقط تخيلو , المهم راح ذلك اليوم في مشوار جبل وشلال رنجاني . وصلت البيت وانا تعبان بعد العصر .
– رحت أتمشى على الشاطى الى أذان المغرب تعشيت وصليت العشاء وبعدها نوم من التعب .
– اليوم الثاني رحنا لشاطئ مررررة حلو واحلى من الحلو ياحلوين الموية نظيفة , والبحر بكر شي لايصدق من جمال الشاطئ … واليكم الصور ,,,,,,

طبعا الشاطئ موش بعيد كثير عن طريق سنقيقي وحوليه مطاعم , ودقيت الغدوة هناك اللي يحبها قلوبكم مع السواق , ولكن للاسف وأعتذر لم اسجل اسم الشاطئ الجميل , طبعا رجعت بدري وعلى مجمع ” ماترام مول ” مجمع ولا احلى 4 ادوار ” الدور الارضي كنتاكي و سوبر ماركت كبير ” والادوار الباقية كل ماهب ودب , ويوميا مهرجان مسلي لهذة المنطقة داخل المجمع جلست في المجمع الين قرب المغرب وذهبت الى الفندق ” ولاتنسون ترى طريق سنقيقي مظلم فلا انصح بالتأخر عن الفنادق الموجودة على طريق سنقيقي “” كالعادة صليت العشاء ونمت .. استعدادا لليوم التالي ,
– صحيت اليوم التالي عشان نروح للجزر الثلاثة افطرت في الفندق وحصلت الماس قدامي وتوكلنا على الله رحنا على طول طريق سنقيقي وهو يمرر بمحاذاة الشاطئ عمنا السواق يعرف كم واحد المهم ” فترة محرم كانت الامواج شدة في الهيجان كل مارحنا لواحد قال مانقدر رحنا تقريبا الى اربعة اشخاص واليكم صور للشواطي اللي رحنا لها والامواج الهائجه ,,,,,,,,,

زعلت :112:وطرطعت:112: وولعت :105:لاركبنا لانش ولا شفنا الجزر الثلاثة , بسبب العوامل الطبيعية …
– اخذني على ” مجمع ماترام مول وداعية ” لاخر يوم والمغرب وانا في الفندق وعملت مساج على الشاطئ يحبة قلبك بعد المغرب وبعد العشاء واناا نايم ,وكانت رحلتي اليوم التالي على جاكرتا الساعة 2 ظهرا على جارودا .
– صحيت ورحت افطرت وتمشيت على الشاطئ , بعدين رحت الغرفة ورتبت عفشي في انتظار السواق , جاء السواق واخذني الى المطار , خلصتت اجرائتي وانتظرت في الصالة مع كميرتي السوني ” التقط بعض الصور لمطار لومبوك ,,,,,, واليكم الصور ……..
– شوفوا الصور مطار لكم الله يفتح النفس ولاتنسون انه داخلي مو مطاراتنا ………


وصلت جاكرتا والحمدلله ومن المطار على فندق جاياكرتا …

**

وصلت جاكرتا وجلست قرابت يومين لاني اكره جاكرتا , اليومين كانت وداعية واشتريت اغراض للعائلة .
قرب موعد السفر وكلكم عارفين مواعيدنا للرحلات الدايركت للسفر الى الديار . صور لمحركات الجامبو ……


طبعا كنت راكب درجة اولى مرة اصحى ومرة انوم , ولكن كنت متابع نظام الملاحة الجوية والخريطة اللي حاطينها امامك , المهم لمن انتهينا من رحلةة المحيط الهندي دخلنا على الربع الخالي , والتقطت هذي الصور للربع الخالي , سبحان الله ,,,,,,,,, واليكم الصور ……

-طبعا لاتنسون ان الطائرة في ارتفاعها العادي اللي هو 12 كلم .
-ولكن انا من هواة التصوير ولاأحب اترك وراي شئ ماصورته .
– هذا والله اعلم واجل سبحانه ,,,,,,,,,
– اعتذر عن القصور , واتمنى للجميع رحلة موفقة , وخلي الناس تقول اللي تقول ” اندونيسيا لن اترك السفر لها ابداً ” . – وانا مستعد لاي استفسار لزملائي .
– وشاكر لكم متابعتكم لي , وجراعاتكم المشجعة لكتابة تقريري
والسلام خير ختام .

هل كانت الصفحة مفيدة؟

شارك المقال:

حمل تطبيق المسافرون

كل هذه المعلومات وأكثر موجودة في التطبيق

أضف تعليق