التسجيل

تسطيع تسجيل الدخول عن طريق الفيس بوك



كلمة المرور سوف ترسل الى بريدك الألكترونى.

عدة نقاط بعد زيارة زيلامسي/كابرون + تجربتي بدون سياره

السلام عليكم ورحمة الله وبركاته

الحمدلله رجعت من السفره الي تعبت عليها وتعبت المنتدى والاعضاء بكثرة الاساله 😆 وحسيت لازم ارجع اكتب تجربتي ومنها اشكركم خاصه اختي هدوء العالم واخواني رعبوب وشخص ما وكل الي ساعدوني بردودهم

عدة نقاط بعد زيارة زيلامسي/كابرون + تجربتي بدون سياره

اول شي بكتب عن السلبيات او الصدمات:

  •  الشعب النمساوي ماعجبوني ابدا وهذي اكبر صدماتي في هذي السفره. حصلت لي مواقف معاهم وقفت بنت توني بفتح فمي بسألها اشرت لي بيدها اسكتي ومشت!! وفيه محل ايس كريم في زيلامسي بالسنتر صغير كانت تسولف مع زبونات يتكلمون الماني وتضحك معاهم لما جا دوري كانت نفسيه لدرجه انها صرخت علي تقولي تلمسين القزاز بصوت عالي واسلوب مستفز!! تركناها ومشينا بهدوء. طبعا ما اقدر اعم لان فعلا فيه ناس كويسين منهم. كل الي ساعدونا اذا سألنا يكونون اهلنا الخليجيين الله لا يحرمنا والاجانب السياح خاصه الامريكان.

 

  • النقطه الثانيه الي ماعجبتني ان التاكسي ماعليه عداد. اخذنا فان من سنتر زيلامسي لقمة شميتين هويه قالتلنا على كل شخص 2 يورو قلتلها حتى البيبي الي عمره ثلاث سنين؟؟ قالت ايه ليش ماتحسينه انسان؟؟ هههه فشلتني بس كانو اهلي خلاص ركبو السياره ولا كان نزلتهم بس بالرجعه التاكسي الثاني اخذ على كل شخص يورو.
    وبرضو لمن وصلنا ميونخ اخذنا تاكسي قال اوصلكم ب400 يورو وجلس ساعه يقنعنا انه احسسسن سعر وماحنلاقي زيه وعطانا رقمه بس وانا في زيلامسي اتفقت مع تاكسي بياخذنا ب350.

 

  • النقطه الاخيره بطاقات زيلامسي/كابرون قالتلنا صاحبة الشقه ان الباص ببلاش بس الى اخر يوم وهم ياخذون على كل بالغ يورو وبعضهم على الطفل نص يورو مع اني كل مره اركب اقولهم انها ببلاش يقولون لا ومادري الصح على مين.

الايجابيات:

  •  السكن في كابرون افضل من زيلامسي
    كنت جداا محتاره احنا عائله 9 اشخاص بدون سياره حجزت اول شي اوتيل في زيلامسي بس ماكنت مقتنعه لان حسيت الاماكن هذي وعلى عددنا بتكون الشقه افضل واونس فصرت اشيك على بوكنق هنا شبه يوما لمن حجزت شقه اسمها مارغريت. كنت محتاره بالبدايه بس صور لي اخوي شخص ما الله يجزاه خير صورها من برا وانبسطت وتحمست والحمدلله كانت حلوه. ولو اني حسيت مافيه امان مره لان الشقه مرتفعه جزء منها على الجبل وبابنا صاير له ممر من الشارع فوق
    عموما انا بالطريق كنت جدا متوتره اقول يارب ما اكون غلطت واخترت كابرون وتركت زيلامسي بس لمن وصلنا وشفت الثنتين حمدت ربي فعلا خيره.

 

  • زيلامسي كانت مره زحمه وحواريها ضيييقه جدا والاوتيلات الي بالسنتر صغيره والبلكونات اصغر وتطل على الحواري. نصيحتي الي بيسكن في زيلامسي يا أما يسكن في لافيلا او قراند هوتيل او يسكن عند الجبل فوق بس السنتر ماعجبني طبعا اقصد للعائلات الكبيره لكن البحيره جميله جدا وزحمتها حلوه.
    بينما كابرون هدوء جميل ووسيعه وشرحه بس مافيها مطاعم كويسه ابدا بس عادي احنا نفطر ونتعشا بالشقه والغدا يا أما في زيلامسي او مطاعم الاماكن السياحيه الي نزورها

 

  • برضو من مميزات كابرون الاماكن السياحيه قريبه منها زي القمه الثلجيه والممرات الخشبيه الي اسمها زيغموند رحنا لها بالباص ورجعنا مشي للشقه عجبنا الطريق.

 

  •  والميزه الثانيه انه فيها زحليقه صيفيه صغيره بس تونس وفيها العاب اطفال.

 

  •  برضو كنت اقول لاخواتي لا تتحمسون مافيه سياكل لان الشقه ماتوفرها لنا بس لمن وصلنا كابرون شفنا كثير محلات تأجرها ومع الاسف ماعرف كم سعرها لان كل ماقررنا نروح يجي مطر ونهون.

 

الان بكتب تجربتي السفر بدون سياره
هذا الموضوع كان شاغل بالي كثير لان احنا عائله بدون رجال كبير الي معانا عمره 17 مانقدر نستاجر سياره ونخليه يسوق وبعضهم قالولي لا تروحون ماتسوى السفره بدون سياره!! بس قلت مارح احرم نفسنا من السفر عشان سياره

الموضوع سهالات ومانحتاج سياره ولا شي الباصات تاخذ على كل شخص يورو زي ماقلت واساسا الموضوع كله باص واحد في كابرون رقم 660 اذا نبغى الاماكن السياحيه الي هي قمة كابرون الثلجيه والممرات الخشبيه نروح الجهه اليمين واذا نبي زيلامسي نوقف الجهه المقابله وننتظر الباص ياخذنا هذا كل الموضوع طبعا اذا رحنا زيلامسي بنلاقي باصات ثانيه تاخذ اماكن سياحيه زي قمة شميتن هويه اعتقد باص 71 مع الاسف نسيت لان احنا ضيعنا محطة الباصات فأخذنا تاكسي بس عموما كل اعتمادنا على الباصات الي كانت تجي كل نص ساعه الا وقت الظهر تجي كل ساعه ومكتوب عند الستيشن اوقات الباصات وبرضو مكاتب الاستعلامات مليانه في زيلامسي وفيه واحد في كابرون جمب محطة الباص كل يوم ادخل اسير عليهم اسأل الي ابي ويجاوبوني

 

بعد ماجربنا الباصات قلت الحمدلله اني ماسعمت كلام الناس الي يقولون لي لا تسافرون ماتسوا عليكم وووو… لان الحمدلله السفره كانت جدا موفقه ولا احتجنا السياره ابدا صح ممكن السياره تكون اريح بس ماهي شرط لان كل شي موفرين له وسيلة نقل وانصح اي احد متردد ترا الموضوع سهل جدا والباص اصلا مليان خليجيين وسياح في حال احتجتو تسألون وقبل السفر اعملو مخطط واكتبو اسماء الباصات الي هي اصلا بس اثنين او ثلاثه 660 في كابرون وحقات زيلامسي نسيتهم بس اتذكر حق قمة شميتن هويه انه بالسبعين وفيه باص لشلالات كرايميل ماعرفه لان ماقدرنا نروح لها كان اليوم كللله مطر

اتمنى موضوعي يكون واضح ومفيد واذا اي احد حاب يسأل انا بالخدمه.

 

 

انظر ايضًا: فنــــادق النمسا



Booking.com

أكتب تعليق

عنوان بريدك الالكتروني لن ينشر.