منتدى المسافرون العرب منتديات أوروبا استفسارات ايطاليا ارجوا من خبراء ايطاليا مساعدتي في شهر العسل و المقرر بعد شهر


تقارير ايطاليا - استفسارات ايطاليا

  • الكاتب

    موضوع

  • #12932

    السلام عليكم و الرحمه اخواني آبيكم تساعدوني بمخطط شهر العسل بيكون 3 اسابيع او زيادة كم يوم
    و اذا تشوفون انه متعب اتمنى احد يعدلي هو

    باريس 5 ايام بالقطار على انسي يومين
    و من انسي لجنيف آو مونترو بالسياره 4 ايام السكن في وحده منها
    و بعدها بالسياره الى انترلاكن يومين
    ومن انترلاكن الي فينيسيا يومين ( ننزل السياره بميلان و نكمل قطار )
    و الرجوع من روما و السكن فيها 4 ايام للراحه او 5

Booking.com
  • الكاتب
    الردود
  • #12933 | نشر في: 01-08-13

    وعليكم السلام ورحمة الله وبركاته

    الاربع ايام حقت جنيف شل منها يومين وحطها في انترلاكن .. والسكن اسكن في لوزان او ديفون افضل وارخص
    وبعد انترلاكن تقدر تنزل مباشرة على ميلان مروراً بــ لوقانو .. ومن ميلان تقدر تطلع بالقطار على فينيسيا ساعتين ونص

    والف مبروك مقدما

  • #12934 | نشر في: 01-08-13

    الله يبارك فيك اخويممكن فكره بحطها بعين الاعتبار شكرا جدا مواقف السيارات تاخذ رسوم واجد و شلون ؟؟! و تتوقعون بمر بطرق بالأجره كثيره ؟؟

    انتظر أرآء البقيه ..

  • #12935 | نشر في: 01-08-13

    دامك بتسلم السيارة بميلان فأمورك طيبه لان ايطاليا كل ماتطلع خط سريع تلقى شباك وادفع
    ومواقف السيارات العامة ماهي غاليه اظن يورو او 2 يورو
    اما الفنادق اللي ماتوفر مواقف مجانية تعطيك مواقف بفلوس توصل احيانا 30 يورو لليوم

  • #12936 | نشر في: 01-08-13

    والله محتاجكم ضروري بحجز هاليومين
    في اقتراحات تحسن من خط السير آو مكان يفضل ازوره ؟؟

  • #12937 | نشر في: 01-08-13

    شف اخوي .. الاماكن كثيرة .. وكلها على حسب رغبتك .. انت وش تبي .. أرياف ولا مدن .. تبي جبال ومروج خضرا .. ولا شواطىء وساحل

  • #12938 | نشر في: 01-08-13

    ابي التنوع و بنفس الوقت ما تكون بالحيل متعبه

    يعني باريس تختصر الشوبنق و الاجواء الحلوه
    انسي جميله عندي شعور بتعجب المدام جنننيف و ديفون و منترو و ايفيان نهائيا ما افقه فيها
    و انترلاكن طبيعه و خضار فينيسيا رغبة المدام مع اني اشوف انها بعيده و ما تستاهل ؟؟!
    و كنت بمر زيلامسي بس بعيدة و روما انا ودي امرها كم يوم

    وش رأيك انت ؟؟!!

  • #12939 | نشر في: 01-08-13

    انت ماشاء الله مخصص 3 اسابيع يعني يمديك بإذن الله
    خل وصولك على ميلان واقعد كم يوم ومنها تقدر تزور فينيسيا وترجع او حتى تبات فيها ليلها دامها بالخاطر ..
    اخر يوم بميلان استأجر سيارة واطلع لوقانو ومنها على انترلاكن كم يوم
    وبعدها لوزان يومين ثلاثه .. من لوزان تقدر تزور جنيف وانسي
    وسلم السيارة في جنيف واطلع بالقطار على باريس والعودة منها

  • #12940 | نشر في: 01-08-13
    حبيب قلبي

    أخونا تاب ما قصّر
    السؤال اللي يطرح نفسه
    هل حجزت ولا لا ؟
    لإن تخطيطك بإعتقادي مقلوب بعض الشيء
    إنزل ع روما
    والعودة من باريس
    البرنامج كالتالي
    روما
    البندقيّة
    ميلان
    ليوقانو
    ( كل مشاوريك بالقطار وممكن طيران لو تبي الراحة )
    توصل ليقانو
    تاخذ السيارة منها
    وتسلمها في جنيف
    وخلال كل هذه الفترة
    تكون السيارة معاك تخلص كل امورك الخاصة بالطبيعة والمرتفعات
    إنترلاكن وآنسي ولوزان ووو الكثير
    حتّى لو حبيت تضرب مشوار لزيلامسي عادي براحتك
    الأهم
    السيارة تاخذها من ليوقانوا ( لوقانو )
    وتسلميها بجنيق القسم لاسويسري عشان تكون الأسعار طيبة ولا ياخذون رسوم تسليم في دولة ثانية
    وتختم طبعا بباريس اللي تروح لها قطار أو طيران
    شخصيا ، أميل إلى إنّك تلغي روما
    لكن إذا ما عندك مشكلة مع الوقت وكذلك الأسعار
    أفعل ما تشاء
    يمكنك كذلك
    وببساطة
    وأريح لك
    تآخذ سيارة من روما
    وتسلمها في باريس
    بس عاد الله يعينك على الحسبة 🙂
    موفق ومبرووك مقدما يا عريس

     

  • #12941 | نشر في: 01-08-13

    اشكركم كل الشكر ..للحين ما حجزت بس خلاص باخذ بخطة الاخ ماجد و ببدأ أحجز هاليومين ..

    السؤال الفنداق فيأحتاج فنادق بميلان تكون قريبه من اي مترو و تكون 3 نجوم او 4 بس اسعارها متوسطه

    ثانيا تنصحوني اسكن بجنيف و ازور الضواحي بالسياره ولا العكس اسكن بديفون او منترو بس اخاف ديفون مافيها مثلا سوبر ماركت او صيدليه اذا احتجنا شي ؟؟

    ايضا انترلاكن هل اسكن فيها ام حولها لان الفنادق غاليه بعض الشيء

    سوف الغي روما شكرا على المخطط

  • #12942 | نشر في: 01-08-13

    اذا تبي جنيف اسكن في لوزان .. ارخص لك حتى انترلاكن تقدر تسكن في Beatenberg .. منطقة مرتفعة 15 دقيقه عن انترلاكن حلوة وهادية
    ميلان اسكن بالدومو تصير محطة القطارات الرئيسية قريبة منك لا بغيت فينيسيا .. كم ميزانيتك لليله ؟

  • #12943 | نشر في: 01-08-13

    السكن بالضواحي ما يتعدى مثلا 500

    ميلان 700
    باريس على حسب الفندق الي القاه مناسب لي

  • #12944 | نشر في: 01-08-13
  • #12945 | نشر في: 01-08-13

    شكرا جزيلا ما قصررت
    اخذت نظره على الفنادق و بختار منهم بإذن الله

استفسارات ايطاليا
تقارير ايطاليا

يجب تسجيل الدخول للرد على هذا الموضوع.