التسجيل

تسطيع تسجيل الدخول عن طريق الفيس بوك



كلمة المرور سوف ترسل الى بريدك الألكترونى.

فزعتكم مسافر فررررررررررررش



تقارير جنوب أفريقيا - استفسارات جنوب أفريقيا

  • الكاتب

    موضوع

  • #14273
    مرحبا
    ياشباب ابي فزعتكم انا ناوي اسافر لجنوب افريقيا سمعت عنها كثير وحبيت اسافر لها في الصيفيه
    الجاية شهر 7 او 8 ميلادي ابي فزعتكم معي تكفووون لان الدولة اول مرة اروح لها يعني فرررررش مدري وش الطبخه ابي تعطوني معلومات عن الاماكن المهمه هناك وتكلفتها
    وجدول للمدن السياحيه والهامه لان الميزانية على قدي يعني من 20000 الى 22000
    طبعا احنا شخصين انا وزوجتي 15 يوم تقل يوم او تزيد يوم انا

    طبعا السفره مو شهر عسل بس تجديد لشهرالعسل الله يخلي لكل واحد زوجته وعياله

    وايهما افضل استئجار سيارة او القيادة
    الله يعطيكم الف عافيه
    كثرت بربرة 

     

Booking.com
  • الكاتب
    الردود
  • #14274 | نشر في: 05-02-13

    حياك الله اخوي …

    بالنسبة لجنوب افريقيا .. خيار مناسب جداً للعوائل 

    لكن موسم جنوب افريقيا يبداء من سبتمبر وحتى نهاية فبراير 
    وشهر مارس و وبدايات ابريل مقبول السفر 

    شهر مايو جون وجولاي يكون الجو بارد واغلب الانشطة مغلقة 

    لذا انصحك انك تسافر في فترة الموسم افضل ..

    و 15 يوم حلوه ومناسبة
    6 كيب تاون 
    4 القاردن روت
    2 صن سيتي
    3 جوهانسبيرج

    واذا اخترت الوقت الفعلي لرحلتك انا اضمن لك ما تزيد عن ميزانيتك ..

  • #14275 | نشر في: 05-02-13

    هلا اخوي فوكس يعطيك الف عافية
    يعني برايك ما تصلح ابداا الواحد يروح في الصيفيه علشان مع العطله والناس
    طيب في نهاية شهر 8 بعد الاجازة الصيفية مباشرة هل الجو يكون مناسب والانشطه مفتوحه او لا

    بالنسبه للجدول اللي عطيتني انا ابي المدن المهمه ذات الطبيعه وتجمع الناس والانشطه لاني من الناس اللي يحب الهيصه ههههههههه
    لان فيه ناس ما ينصحون بالصن سيتي في بعض المواضيع طبعا انا مع كلامك اذا كانت كويسه راح اروح لها بس ابي تفيدني الله يعافيك
    في المدن اللي قلت عنها مناسبه لي لاني ناوي احجز بدري الله يعافيك

    تبدا الدراسه للعام الجديد 31/8م راح تكون السفره في وقتها اذا انت ما تاييد بشكل كبير السفر في الصيفية

    وهل استئجار السيارة افضل من التاكسي هناك

    ياليت تتحملني ياغالي الاسئلة كثير

  • #14276 | نشر في: 05-02-13

    يعني وش الحل اغير الوجهه او اروح في نهاية اغسطس وبداية سبتمبر لاني الى الان ما حددت الوقت علشان ابدا في باقي التفاصيل
    فهمت علي ؟؟؟
    انا اول ابي وقت مناسب لي انا اقدر اسافر من بداية جولاي حتى منتصف سبتمبر لمدة 14 يوم اتمنى تعطوني الوقت المناسب خلال الفترة هذي
    بعدين ندخل في التفاصيل الثانية لاني ما ودي ادخل في التفاصيل بعدين ما احصل الوقت المناسب واكنسل الرحله ويضيق صدري على المواضيع الجميله
    اللي شاهدتها لاني اخذت نبذه بسيطه بس

    الله يعاطيكم الف عافيه ويبارك فيكم

  • #14277 | نشر في: 05-02-13

    يعني وش الحل اغير الوجهه او اروح في نهاية اغسطس وبداية سبتمبر لاني الى الان ما حددت الوقت علشان ابدا في باقي التفاصيل فهمت علي ؟؟؟ انا اول ابي وقت مناسب لي انا اقدر اسافر من بداية جولاي حتى منتصف سبتمبر لمدة 14 يوم اتمنى تعطوني الوقت المناسب خلال الفترة هذي بعدين ندخل في التفاصيل الثانية لاني ما ودي ادخل في التفاصيل بعدين ما احصل الوقت المناسب واكنسل الرحله ويضيق صدري على المواضيع الجميله اللي شاهدتها لاني اخذت نبذه بسيطه بس الله يعاطيكم الف عافيه ويبارك فيكم

     

    حياك الله ياغالي 
    معنى ذلك ارشح لك بداية سبتمبر 
    لأنه يكون موسم الشتاء على نهايته و أغلب الأنشطة رجعت تفتح 
    تحيتي

     

استفسارات جنوب أفريقيا
تقارير جنوب أفريقيا

يجب تسجيل الدخول للرد على هذا الموضوع.