تقارير البحرين - استفسارات البحرين

  • الكاتب

    موضوع

  • #7428

    السلام عليكم ومساكم الله بالخير ياهل البحرين
    بغيت استفسر عن المطاعم الشعبيه بالبحرين مثل احسن مطاع حق الجباتي والسمبوسه وبعد لاهنتم خباز هولي حق الخبز مال اول اللي كان بالشرقيه
    واي اضافات منكم تشكرون عليها

Booking.com
  • الكاتب
    الردود
  • #7429 | نشر في: 25-07-13

    مسامحه وبعد مطعم قلقامش وين مكانه ؟؟

  • #7431 | نشر في: 25-07-13

    وعليكم السلام
    يا هلا ومرحبا بك في البحرين، اماكن السمبوسة والجباتي في البحرين كثيره وما في اماكن محدده بس عندك مثلا في عراد محل سمبوسة عبدالقادر معروفة ومشهورة … وعندك مكانين للسمبوسة بالقرب من جمعية التربية الاسلامية (نادي الخليج سابقاً) وفي محل جديد في منتزه الأمير خليفة اسمه كرك وجباتي… عندك بعد آلو بشير في سوق لمحرق … وترى محلات السمبوسة مثل قلت كثيره في البحرين أغلبها في لمحرق وعراد والمنامة…

    أما إذا كنت تقصد مطاعم شعبية فعندك مطعم زعفران بسوق لمحرق وفي فرع ثاني بالرفاع عند قلعة الفاتح.. ومطعم بن رشدان في منتزه دوحة عراد… ومطعم البادكير في منطقة عراد … ومطعم الليوان في جزر أمواج …

    بالنسبة عن الخباز عندك في منطقة لمحرق بفريج البنعلي وفي منطقة الحجيات بالرفاع الشرقي وعندك خباز مميز في منطقة بوكواره جريب من the walk مب هولي بس يسوي انواع من الخبز عجيبه وغريبه اسمه خباز الأبواب السبعة أو خباز السبعة أبواب..

    بالنسبة مطعم جلجامش ما عندي فكره عنه بس سمعت عن قاعة جلجامش للأفراح في فندق راديسون بلو على ما اعتقد

    من الموبايل
  • #7432 | نشر في: 25-07-13

    يعطيك العافية اخوي محمد ومساحة على التاخير في الرد

  • #7433 | نشر في: 25-07-13

    كل اللي تبيه تحصله في سوق المنامة الشعبي (باب البحرين)

    يعني السمبوسة والجباتي والخبز الإيراني والفطور الشعبي تحصله إذا توغلت شوي بالسوق وهلون أما إذا تبي الفطور الشعبي بس بطريقة راقية وعلى طريقة المطاعم ال5 نجوم فعليك أنك تروح باب البحرين وتدخل المول الخاص ( باب البحرين مول ) اللي بيكون على اليمين وتروح محل اسمه زعفران

  • #7434 | نشر في: 25-07-13

    تسلم اخوي محمد بس سؤال لاهنت باب البحرين ماغيره او في مكان ثاني ؟؟؟ لأني جيته من زمان لقيت فيه محلات عادية بس مافيه شي شعبي

    من الموبايل
  • #7435 | نشر في: 25-07-13
     المشاركة الأصلية كتبت بواسطة ناوي غرامك 
    تسلم اخوي محمد بس سؤال لاهنت باب البحرين ماغيره او في مكان ثاني ؟؟؟ لأني جيته من زمان لقيت فيه محلات عادية بس مافيه شي شعبي

    من الموبايل

    اي باب البحرين ما غيره … الحين عدلوه وسو مجمع على شكل سوق شعبي (صغير) هاي فيه زعفران واذا تبي الخباز والسمبوسة امش كله سيده من الباب حوالي 200 متر او اكثر وفي هالدواعيس بتحصل الخباز والسمبوسة واسال الهنود اللي اهناك ومن المحلات الشعبية الو بشير / قهوة المسيلة وإلخ

  • #7436 | نشر في: 25-07-13

    حلو حلو سبق زرته باب البحرين من زمان بس ماعجبني وماطبيته من يومها الحين اشتقت لزيارته من كلامك ماقصرت اخوي محمد يعطيك العافية

استفسارات البحرين
تقارير البحرين

يجب تسجيل الدخول للرد على هذا الموضوع.