ابي مطاعم مميزة بالبحرين

[Maktoob]

السلام عليكم

ابي نصايحكم وتجاربكم عن مطاعم البحرين
انا دايما اروح هالثلاث مطاعم
مطعم الابراج
مطعم زيارة
مرمريز

واكثر زياراتي تكون لمطعم الابراج اللي بالمحرق, لان طعم الاكل ممتاز والخدمة طيبة, والاسعار اكثر من معقووولة وديكور المطعم هادي جدا ورايق

وهالمره ودي اغير واجرب مطاعم ثانيةتكون بنفس الاطباق اللي بهالمطاعم, او حتى لو شي مختلف ومميز

فياليت لو تنصحوني بمطاعم على ذوقكم واكون لكم من الشاكرين

+

اي سينما بالبحرين تسمح لدخول الاطفال للي عمرهم اقل من سنتن؟

شكرا مقدما

[Maktoob]

والله ياخوي أغلب المطاعم اللي بالبحرين بشارع الجفير
مثل مطعم اصفهان حلو بس لاتطلب لحم أطلب اي شي مثل دجاج وبحريات
المهم شارع الجفير كله مطاعم ومقاهي وروعه هالشارع

[Maktoob]

 المشاركة الأصلية كتبت بواسطة لوفتهانزااا 

والله ياخوي أغلب المطاعم اللي بالبحرين بشارع الجفير
مثل مطعم اصفهان حلو بس لاتطلب لحم أطلب اي شي مثل دجاج وبحريات
المهم شارع الجفير كله مطاعم ومقاهي وروعه هالشارع

Thanx a lot

[Maktoob]

فيه مطعم بالسيف الدور الثاني جهة السينما الجديدة بوفيه مفتوح بصراحه رائع وكل شي فيه والسعر للشخص 5 دينار فقط بس والله الجلسه راقيه والاكل مميز…. يعني كنك شفت فلم و طالع من السينما تمسك اليساروانت ماشي واول مايخلصون المحلات هو اخر واحد يسار…. انا شفت الاكل ضيعت المطعم…. وهادي مره ونظيف…. وبالتوفيق

[Maktoob]

جرب nue asia أكله جيد واسعاره مقاربه للمطاعم الي ذكرتها
مطعم اسيوي فيه اكل هندي تاي صيني ياباني
له فرع في باركنج مجمع العالي والثاني في مدينة عيسى أفضله شخصيا لانه اهدئ وانظف

[Maktoob]

وفي فرع جديد بشارع البديع

[Maktoob]

السلام عليكم
شوف تقاريري فيها كم مطعم
اخر تقرير الحب الابدي فيه مطعم فيلا مامز
وهذا بمنطقة سار

وفي مطاعم حلوووة وايد بالعدلية
مثل كوكوز

في مطاعم بشارع الشباب بالجفير
اي مطعم موجود
وكل الشارع مطاعم بتعجبك ان شاءالله

المطعم اللي بالسيف عند جهة العاب الاطفال تلاقي
كاتبه عنه في تقرير النحشه مالي ههههه

اسم المطعم رنديفوو

بوفيه منوع وسعر زين
ويعطيك العلفيه

السينما ممكن تسالهم اذا يدخلون الطفل قبل لا تقص التذكره
واخذ معاك بطانيه للطفل لان السينما بارده ثلج هههه
انا ثلجت فيها
واي شي احنا حاضرين للاجابه

[Maktoob]

اي نسيت اخوي
ياريت تروح جزر امواج
مكان جمييل وجديد بيعجبك
كله مطاعم وجلسات حلوووة
وعليك بالعافيه

[Maktoob]

ما قصروا الجماعة ربي يعطيهم العافية
بس حبيت أضيف لك مطعم أكله حلو بس مكانه صغير وهو موتي محل بشارع الجفير

[Maktoob]

صراحة أخوي/أختي آنا أحلى مطعم عندي ولا يعلى عليه مطعم ليلو واتوقع مكانه بالعدلية بس صراحة ما يتطوف وأكله بسيط ولذيذ بنفس الوقت.

[الكاتب]

المشاركات