- This topic has 3 ردود, مشاركَين, and was last updated قبل 4 سنوات، 3 أشهر by .
-
المشاركات
-
-
السلام عليكم ورحمة الله وبركاته
كيف حالكم ياجماعة الخير ان شاء الله طيبين
الله يسلمكم انا اول مره بخرج برى السعودية
ماني عارف اي شي المهم قررت اني اسافر لدبي بس ماني عارف اي شي
عندي عدة اسئلة وتحملوني شوي لاهنتم
قبل اطرحها انا حجزت لمدة 6 ليالي سبعة ايام بـ احدى الفنادق في البرشاء
المهم
ودي ارتب جدول امشي عليه في الاماكن السياحية
ممكن تنصحوني في اماكن كويسه ازورها مع العلم اني لوحدي مابي شي تراث ابي شي سياحي مثل حديقة ملاهي او ماشابه وايضآ برج خليفة وكيف اتنقل للاماكن السياحية انا فندقي قريب حسب علمي من محطة البرشا
الحين مثلا لو بروح برج خليفة اركب محطة المترو لوين ؟ واذا وصلت المحطه هل لازم مواصلات اخرى مثل لموزين او نقل عام عشان ينقلني لبرج خليفة ولا نفس برج خليفة فيه محطه قريبه منها ؟
الشي الاخر وين النافورة اللي يقولون عليها الراقصه
وايضآ كيف اسعار تنقلات بدبي
مع العلم الفكرة مبدئيآ اطلع لدبي انا بمكه افكر اروح خط للرياض اخليها هناك السيارة واركب نقل جماعي لدبي
بس سؤالي هو في افضل من هذي الفكرة لآن الرياض تبعد عن دبي 13 ساعه بنقل جماعي تقريبآ 900 كيلو فيه مكان اقرب غير الرياض لدبي ؟
ونسيت اقولكم ترى حجزت بموقع بوكينق حق الفندق
واذا فيه نصايح ياليت تعطوني اياها تكفون اول سفرية لي ودي اطلع بشي كويس خاصة ان ميزانية حتى وان كانت متواضعه فهي مبلغ كبير بالنسبة لي على قد الحال
ابي كل قرش احطه بمكانهوايضآ كيف اروح من دبي لـ ابو ضبي عشان ابي ازور عالم فيراري سمعت انه حتى تذاكر فيه فروقات بعالم فيراري
مافهمتها والسؤال الاخير معليش فيه حاجه ثانيه تستاهل امرها بـ ابو ضبي غير عالم فيراري عشان قاعد اخطط لما اروح من بي لآبو ضبي ازورها يوم كامل اقضيه بعالم فيراري وحاجه اخرى كويسه ثم ارجع للفندق
بعضكم يسئل ليه ماتروح بسيارتك لدبي ما اقدر لان سياره مهي بـ اسمي وصاحبها ميت
وكان ودي استاجر سياره من احدى شركات سياره بدبي لكن سمعت لازم رخصة دولية + فيزآ حقتي ماتكون مسبقة الدفع للاسف انا رخصتي فقط سعودية وفيزآ اللي معي مسبقة الدفع تسوق من الراجحي
ملاحضة ماعندي ترى جواز سفر فقط بطاقة الاحوال النوع الاخير ام اسود وابيض
آسف على الاطالهفي انتضاركم وشكرآ
-
-
-
-
- يجب تسجيل الدخول للرد على هذا الموضوع.
