رابع مره اروح المغرب بس محتار وين اروح

[Maktoob]

السلام عليكم
انا توني راد من المغرب وثالث مره كانت
وودي اقعد 14 يوم بالمغرب
وبقسمها بين كازا والرباط واغادير
اغادير بخليها اخر رحله 7 ليالي
انزين شلون على كازا والرباط جم يوم اقسم بيناتهم ؟

وجم التكلفه حق 14 ليله بالمغرب ؟ يعني المصروف بدون السكن كم في كازا وكم في الرباط ؟

تنصحوني اروح في الصيف شهر 6 او 7 ؟

او اخليها في شهر 9 أو 11 ؟

محتار هالبلد عجيب غريب سحر وجمال وشعب طيب مضياف

ارتاح مناك

المهم ساعدوني حيل محتار

[Maktoob]

افضل الاوقات اللي ما فيها اجازه
يعني 10 و 11
5 كازا يومين الرباط
تحياتي

[Maktoob]

في كازا ربما التكلفة يوميا تصل الى 1500 ريال سعودي او 110 دينار كويتي لو كنت كويتي حسب ما يبدو من لهجتك والرباط اقل بنسبة 30٪ تقريبا وعموما الصرف يختلف من شخص لآخر حسب نظام الشخص ويوم يفرق عن آخر ومدينة وأخرى لذلك للقاعدة ثابتة ولكن هذا المتوسط تقريبا وفي ناس يكفيها 1000 درهم مغربي وفيه آخرين أضعاف وكل شيخ وطريقته
طبعا المغرب بلد جميييييييل ولا خلاف على ذلك وانت رأيت بنفسك وسترى وكل الشهور جميلة لكن شهور 10 و 11 افضل من هذا الوقت واشهر الربيع أيضاً حلوة ولكن اذا حجزك جاهز فسير لان المغرب جميل في كل الفصول

[Maktoob]

ونعم بك ياكويتي اذا انت تحب الزحمه والعالم يمينك ويسارك
من جميع الجنسيات هذي بتلقاها في الصيف وتبي الصراحه
ونا اخوك اربط شنطتك في الصيف وسافر لأي بلد يعجبك
لأنه ان عدا الصيف وانت قاعد في الديره راح تنقهر وتتحسف
ياخي معروف ارتبط السفر عند اغلب الناس في الصيف .
وانا والعياذ من انا سافرت في أي اوقات كثيره وكلها جميله
ولكن الاجمل الصيف ترا ديرتنا حر حر حط خطين تحت
كلمة حر .
ملاحظة: اشوف انك مكثر الايام في اقادير 7 ايام ؟؟؟

[Maktoob]

7 ايام في اغادير طبعا كافيه
لان مره قعدت 6 ايام قلت بزيدهم وزدتهم ثاني سفره

وطبعا رحت كازا 6 ايام
والرباط ييتها زيارة وبروحها مره اليايه بقعد 4-5 ايام
ومراكش رحتلها من قبل وماعجبتني لان يبيلها قرووب ( مجموعة شباب)

مره اليايه بروح زيارة لستات مازرتها ولا مره
وهم يومين بمدينة آسفي ماشفتها ولا مره

ولكن السفره القادمه مخطط على مناطق جديده مازرتهم مادري جم يوم يبيلهم ؟

أما
افران – الجديدة – فاس – مكناس
جم يوم حق كل مدينه ؟

ضروري عشان اخطط حق السفره

 

[الكاتب]

المشاركات