- This topic has 5 ردود, مشارك واحد, and was last updated قبل 11 سنة، شهر by .
-
المشاركات
-
-
السلام عليكم ورحمة الله وبركاته
بإذن الله بنروح لأوروبا إذا كنا من الحيين
من 9 – 29 اغسطس
وعندي بعض الإستفسارات من الخبراء
الله يعطيهم العافية
وجعل ما يقدمون بميزان حسناتهم
1- الشنغن من وين نستخرجها إي سفاره أفضل ؟
2- عندي 3 اطفال بجواز واحد واعمارهم بين 2 – 11 سنة عادي بالنسبة للشنغن والإ لازم أفصلهم كل واحد بجواز ( مع العلم إني حجزت الحين الطيران وقضيت )
3- الذهاب راح يكون على موينخ والعودة من باريس
أبي برنامج خلال هالمدة من 9 – 29 اغسطس
يكون يشمل الطبيعة والأماكن اللي فيها ترفيه للأبناء4- بالنسبة للحجاب ( العباية و النقاب ) وخاصة في فرنسا لإن العودة راح تكون من باريس وش وضعه هناك ؟
5- هل انترلاكن تكفي عن زيارة زيلامسي ؟
لإن سويسرا أكثر شي معجبتني
والإ الأيام كثيره نروح لهذي وهذي ؟6- هل فيه سكن يكفي لإفراد العائله أنا والمدام و 3 أطفال ( عبارة عن شقة ويوجد فيها مطبخ )
لو يكون بأغلب الأماكن لا للكل
لإن الأرياف أوسع صدر وأقل زحمة وسمعت إنها أقل سعر.7- بالنسبة للسيارة وش الأفضل ( فيه شركة معينه ) ومتى نستلمها ومتى نسلمها ؟
8- الميزانية الحالية من غير التذاكر المدفوعه 35 ألف ريال سعودي هل تكفي ؟
9- البطاقات الإئتمانية مسبقة الدفع تمشي هناك وخاصة إن أحرفها بارزه ؟
10- متى نبدأ بحجز السكن ؟
وأخيراً
أشكر المشرف الغالي
Medo 77اللي آشار علي بفتح موضوع مستقل بهالقسم
لكم جميعاً
التقدير والإحترام
-
السلام عليكم ورحمة الله وبركاته ::
حياك الله اخوي راعي الكام ..والله يسهل لكم سفرتكم .
نقول بسم الله ..وهات الاسئلة :
1- الشنغن من وين نستخرجها إي سفاره أفضل ؟هذا السؤال المفروض يجي متأخر شوي .
والافضل انك تحدد المخطط بالاول ..ثم الشنجن من وين تطلع .
لأن الشنجن مرتبط بالدولة الاكثر اقامة في مخططك .وهذه خليها شوي.
2- عندي 3 اطفال بجواز واحد واعمارهم بين 2 – 11 سنة عادي بالنسبة للشنغن والإ لازم أفصلهم كل واحد بجواز ( مع العلم إني حجزت الحين الطيران وقضيت )
والله ليس لي تجربة مع تأشيرات الاطفال …لكن اللي اعرفه ان كل طفل تعبي له ابليكشن خاص فيه .
وهذه خليها شوي .
3- الذهاب راح يكون على موينخ والعودة من باريس
أبي برنامج خلال هالمدة من 9 – 29 اغسطس
يكون يشمل الطبيعة والأماكن اللي فيها ترفيه للأبناءالمخطط المقترح لخط سيرك :
ميونخ ثلاثة ايام
زيلاميسي اربعة ايام
كونستانس يومين
انترلكن خمسة ايام
اليوروب بارك يومين
باريس اربعة اياموالانشطة في هذا المخطط متنوعة جدا .
فيبقى الاكثر اقامة راح تكون في ألمانيا …والتأشيرة الشنجن تطلع من الالمانية ..من مركز التأشيرا ت الموحد ..في الشرقية وجدة والرياض .
لا تتصل عليهم ..روح لهم بنفسك وخذ الطلبات وكل الاستفسارات ..عشان تتأكد 100 %
جوازات الاطفال + حضور العائلة عند تقديم الاوراق للبصمة + الطلبات والشروط …الخ .اذا اتصلت عليهم راح يردو عليك الكول سنتر ..والله بالخيييييير .
4- بالنسبة للحجاب ( العباية و النقاب ) وخاصة في فرنسا لإن العودة راح تكون من باريس وش وضعه هناك ؟
ان شاء الله ماعليك خلاف .
الكثير ينزلو مطار جنيف بالنقاب ولا حد اعترضهم .
صحيح راح تواجه نظرات الاستغراب والاستهجان ..لكونه شي جديد عليهم ..وممكن استبدال العباية السوداء بواحدة بيضاء او لباس فضفاض مع النقاب .
زي ما تشوف النسوان في الحرم في مكة الله يعمرها .5- هل انترلاكن تكفي عن زيارة زيلامسي ؟
لإن سويسرا أكثر شي معجبتني
والإ الأيام كثيره نروح لهذي وهذي ؟ممكن تلغي زيلاميسي وتوزع ايامها على انترلكن وكونستانس .
لكن ميزتها ارخص من انترلكن …لكن مو احلى طبعا ..الجودة السياحية في سويسرا على مستوى عالي.
6- هل فيه سكن يكفي لإفراد العائله أنا والمدام و 3 أطفال ( عبارة عن شقة ويوجد فيها مطبخ )
لو يكون بأغلب الأماكن لا للكل
لإن الأرياف أوسع صدر وأقل زحمة وسمعت إنها أقل سعر.اذا كنسلت زيلاميسي ..ممكن في انترلكن تاخذ شقة بنظام اسبوعي .
ومو شرط في وسط انترلكن …توجد قرى قريبة منها باردة شوي لأنها مرتفعة ..مثل جريندلوالد او اكسالب او بيتنبيرج .
وفي حدود 20 كم عن انترلكن .وسعرها معقول.
وكلها بدون مبالغة ..بدون مكيفات ..لأن الجو عليل بالليل .
وهذا رابط راح يفيدك :
لمن يبحـث عن شقق واكواخ بسويسرا ودول أوروبا7- بالنسبة للسيارة وش الأفضل ( فيه شركة معينه ) ومتى نستلمها ومتى نسلمها ؟
نعم ..شركة سيكست في المانيا قوية جدا واسعارها رائعة ..من وجهة نظري طبعا .
ووتوجد ضريبة اذا استلمتها في المانيا وسلمتها في فرنسا ..يعني مو ذاك الشي الكبير .
وممكن تتفاداها انك تسلم السيارة بعد قضاء يومين في اليوروب بارك مدينة الالعاب ..وتطلع بالقطار الى باريس .وممكن تشد خط الى باريس مرة واحدة بالسيارة وتسلمها لهم هناك …مع دفع الضريبة هذه .
ادخل على موقعهم وشوف الاسعار المتاحة .
على فكرة ..الاطفال الصغار لازم لكل واحد منهم كرسي طفل خاص فيهم ..وهذه تحجزها لهم من نفس الموقع حق شركة سيكست ..في الخيارات الاضافية ..الاكسترا .
8- الميزانية الحالية من غير التذاكر المدفوعه 35 ألف ريال سعودي هل تكفي
؟
ممممممم ..لمدة عشرين يوم ..تعتمد على الفنادق والشقق اللي بتاخذها ..شوف سعرها بالاول .
والا الميزانية لكم تقريبا 200 يورو في اليوم تمشيات واكل وشرب وبنزين ..في اليوم الواحد …تراها حسبة تقريبية ..ممكن تنقص وممكن تزود.
9- البطاقات الإئتمانية مسبقة الدفع تمشي هناك وخاصة إن أحرفها بارزه ؟
البوابة الايطالية والفرنسية والالمانية سمعوو الهواش حقنا في هذا الموضوع :
هل البطاقات مسبقة الدفع تقبلها شركات التأجير؟
الزبدة …الرحلة معتمدة على السيارة ..فروح طلع وحدة ائتمانية ب 200 ريال ولا اقل احسن لك من البهدلة لا قالو لك ما نقبل اللي عندك اللي هي مسبقة الدفع .
وخلي الائتمانية هذه احتياااااااااط ..ابدا لا تستعملها الا في الشديد القوي .
10- متى نبدأ بحجز السكن ؟
ألحين .
هههه
لا امزح ..اقصد اذا اعتمدت المخطط خلاص وتوزيع الايام ..تبدأ بالسكن فورا …لأن الطيب من بدري يروووح .
======================
العفو اخوي ..اتمنى اكون افدتك .
واي استفسار اخر نحن حاضرين .
وبالتوفيق
-
-
-
المشاركة الأصلية كتبت بواسطة راعي الكام 
السلام عليكم ورحمة الله وبركاتهعليكم السلام ورحمة الله وبركاتهبإذن الله بنروح لأوروبا إذا كنا من الحيينروح ياخي حد ماسكك
من 9 – 29 اغسطس 2013وعندي بعض الإستفسارات من الخبراءالله يعطيهم العافيةوجعل ما يقدمون بميزان حسناتهم1- الشنغن من وين نستخرجها إي سفاره أفضل ؟اذا هذا جدولك طلعها من الفرنسية اسهلهم اجرائات لكن فيها بصمة سمعت يعني لازم موعد وسوالف لكن خلها بعدين اخر شي الفيزا نتكلم فيها زي ماقال ميدو اول رتب الايام والاماكن واحجز حجوزاتك2- عندي 3 اطفال بجواز واحد واعمارهم بين 2 – 11 سنة عادي بالنسبة للشنغن والإ لازم أفصلهم كل واحد بجواز ( مع العلم إني حجزت الحين الطيران وقضيت )مو لازم تفصلهم كل واحد فيهم فيزا بصفحه من الجواز يعني بالجواز بيكون 3 فيز3- الذهاب راح يكون على موينخ والعودة من باريس
أبي برنامج خلال هالمدة من 9 – 29 اغسطس
يكون يشمل الطبيعة والأماكن اللي فيها ترفيه للأبناءحلو جدا وانا مشيت هالخط من قبل وصلت ميونخ ورجعت من باريس
بس اذا بتستأجر سيارة حط في بالك بآخر يوم من ميونخ تستلمها وتسلمها باول يوم من وصولك لباريس لانهم زحمة وماتصلح السيارة فيهم4- بالنسبة للحجاب ( العباية و النقاب ) وخاصة في فرنسا لإن العودة راح تكون من باريس وش وضعه هناك ؟في كل الدول عادي مع العلم بتشوف شوي نظرات منا ومناك لكن طنش تعش اما فرنسا خذ العلم الاكيد لاتضمن يجيك شرطي بالشارع ويقولك خلها تكشف يالله عاد تعال فهمه بذلك الوقت ماتدريبه وش يقول ولاتدري وش لون ترد عليه ولاتقدر تلزخه على عينه
هههههه
المهم في فرنسا ممكن تتعرضون لشي من هذا القبيل5- هل انترلاكن تكفي عن زيارة زيلامسي ؟لا لكل منهم جوه الخاص فيه شوف انا طبعي احب الخليجين وين هم بوووه اروح اسير عليهم وتلقاهم بزيلامسي وانترلاكن لذا احب اسلم على الجميع واسير عليهم في محلهم ههههه
طبعا زيلامسي وانترلكن جميعهم طبيعة وبحيرات لكن هي مناطق مركزية تعتبر لزيارة القرى والاماكن القريبة يعني بدال ماتسكن كل شوي وانت شاد شديدك لفندق استقر بزلامسي مثلا او انترلكن وزور الاماكن القريبة علشان كذا السيارة مهمه في النمسا وسويسرازيلامسي جنبها سالزبورغ وساتسفيلد وكابرون وبرامج سياحية كثيره
وانترلكن جنبها جريندلوالد وجنيف وزيورخ ومانفيلد ووووو واجدلإن سويسرا أكثر شي معجبتني
والإ الأيام كثيره نروح لهذي وهذي ؟ايامك كثيرة واحسب ميزانيتك بناءً عليها وخوش اجازة 20 يوم كافيه لزيارة هذه الدول وزيادة لكن الاستقرار زين يعني لاتكثر فنادق اوفر واحسن لك6- هل فيه سكن يكفي لإفراد العائله أنا والمدام و 3 أطفال ( عبارة عن شقة ويوجد فيها مطبخ )نعم يوجد شقق كثيره ومتوفره واسعارها زينها بس استقر على الاماكن الي تشوفها والايام فيها ونبحث لك لو تبيني اروح انا بنفسي احجز لك هناك واعاين المنطقة واجي اقولك ههههه بس التمويل عليكلو يكون بأغلب الأماكن لا للكل
لإن الأرياف أوسع صدر وأقل زحمة وسمعت إنها أقل سعر.7- بالنسبة للسيارة وش الأفضل ( فيه شركة معينه ) ومتى نستلمها ومتى نسلمها ؟تستلمها اخر يوم من ميونخ وتسلمها باول يوم من وصولك لباريس او اخر يوم وبعلمك بكل شي بس خلنا نحدد ايامك اول8- الميزانية الحالية من غير التذاكر المدفوعه 35 ألف ريال سعودي هل تكفي ؟ان شاء الله تكفي بس لوتزيدها بعد شوي احسن لان ايامك واجد 20 يوم احسب باليوم معيشة وبنزين وخلافه 500 ريال اقل شي9- البطاقات الإئتمانية مسبقة الدفع تمشي هناك وخاصة إن أحرفها بارزه ؟افضل لك الرسمية العادية مو مسبقة الدفع هي تمشي لكن يمكن في اجار السيارة يصير يقولونك مانقبلها لذا اخذ احتياطك بفيزتين ان قدرت ستاند باي للضروف المفاجئة10- متى نبدأ بحجز السكن ؟من اليوم لو حبيت وكل مابكرت كل مالقيت اسعار ارخص وخيارات افضل لكن احرص الحجز الالغاء مجاني للطوارئ
وأخيراًأشكر المشرف الغالي
Medo 77اللي آشار علي بفتح موضوع مستقل بهالقسملكم جميعاًالتقدير والإحترامحياك الله اخوي وحاضرين بالخدمة
-
بقولكم البرنامج المقترح من حظرتي
3 ليالي بميونخ من 9 – 12
المسافة بينهم km 169
6 ليالي بزيلامسي ( أو شي حولها رخيص وكويس ) من 12 – 18
المسافة بينهم km 479
6 ليالي انترلاكن ( والصدز ب Sachseln يقولون فيها أكواخ رخيصة ) من 18 – 24
المسافة بينهم km 213
2 ليلتين يورب بارك من 24 – 26
المسافة بينهم km 548
3 ليالي باريس من 26 – 29
ابعدت كونستانس كسكن لإنها تبعد عن Sachseln مسافة km 152
اروح وارجعلها
مثل لوبغيت اروح لوغانو وارجع وهي تبعد km 174
وش رايكم ؟؟؟
وهل اقدر اسلم السيارة بألمانيا ( لإني مستلمها من ميونخ ) واروح طيران داخي لباريس ذهاب فقط ؟توفير من جهة وراحة من جهة ؟
وأشكر من القلب تفاعلكم
-
- يجب تسجيل الدخول للرد على هذا الموضوع.
