يا أهل أبو ظبي ممكن مشورتكم

[Maktoob]

السلام عليكم ورحمة الله

انا قد جيت الامارات وبالذات دبي وعجبتني صراحه الامارات واهلها الطيبين

فقررت ان ازورهم مره ثاني ولكن في أبو ظبي ودبي معا

راح اقضي ليلتين في أبو ظبي والصراحه ماني عارف وين اسكن هل في وسط أبو ظبي او في جزيرة ياس اللي فيها عالم فيراري والالعاب المائية
انا حاط في بالي ان المولات بخليها في دبي وأبو ظبي بخليها نوع من الاستجمام والراحة
وصراحه جزيرة ياس عجبتني وفيه كم فندق عجبني واسعارهم طيبه

تنصحوني اسكن في جزيرة ياس ؟

[Maktoob]

وعليكم السلام ورحمة الله وبركاته

هلا فيك أخوي بأبوظبي فأي وقت

برأي بما انك تقضي يومين في أبوظبي وهي فترة مو طويلة تركز على السكن في المنطقة الي فيها الفعاليات اللي تحب تروحها. واذا كان عالم فيراري والمدينة المائية هي اختيارك فأقترح تكون اقامتك بجزيرة ياس

هذه بعض الفنادق الموجودة في جزيرة ياس يمكن تقرأ رأي اخواني المسافرين عنها

من أخي الثـ بياض ـلج

فندق ياس ابوظبي لايطوفكم بالصور ..

من أخي القيصر العيناوي

فنــــــــــــــــدق يــــاس اتفضلوا يا اخواني واخواتي

وهذه بعض الفعاليات في جزيرة ياس واللي ممكن تساعدك تنظم رحلتك بشكل أكبر

جزيرة ياس وما أدراك ما جزيرة ياس! منبع التسلية والحماس

عطلة أسبوعية في جزيرة ياس (جدول سياحي)

واليك معلومات كاملة عن فنادق أبوظبي لتساعدك في اختيارك

معلومات عن كامل الفنادق في أبوظبي والعين والمنطقة الغربية والجزر

[Maktoob]

الله يجزاك كل خير يا مسافر

مشورتك بأذن الله وبتوكل على الله

ولكن انا قلقان من شي واحد

هو اني حجزت يوم 22 / 6

وبوصل بالليل الى ابو ظبي

واليوم اللي بعده الموافق 23 / 6 بروح عالم فيراري ولكن هذا اليوم راح يوافق الاثنين وسمعت ان يوم الاثنين مغلق

هل هذا الكلام صحيح او ان كل الايام بأذن الله مفتوحه ?

[Maktoob]

السلام عليكم أخوي rest-ksa

هلا وغلا فيكم فأي وقت

تنور أبوظبي بوجودكم ان شاء الله

والله حسب موقع عالم فيراري أيام الدوام هي جميع أيام الأسبوع من الساعة 11 صباحا ١١ – ٨ مساء

لكن هناك بعض الأيام اللي يكون عندهم مناسبات خاصة ويكون عالم فيراري محجوز بالكامل ومغلق للجمهور . تقدر تتعرف على الجدول في يوم زيارتك بالتحديد من هني.

أنا تأكدت بتاريخ ٢٣ وما وجدت أي فعالية ان شاء الله تلاقيه مفترح.

[الكاتب]

المشاركات