الرئيسية > التقارير > امريكا > كندا > مــا أروعــ ( كيبيكQuébec ) ـــــــــك

مــا أروعــ ( كيبيكQuébec ) ـــــــــك

السلام عليكم ورحمة الله وبركاته مــا أروعــ ( كيبيكQuébec ) ـــــــــك واسعد الله مسائكم وحياكم الله في هذا اليوم الجميل البديع الحلو الي يهبل

المهم يا سادة ياكرام كان يامكان في قديم الزمان واحد تخرج من الجامعه وقال لأهله انا عازم اني اشد الرحال للخارج … مررره مررره لا تحاولون رايح رايح الله لا يعوق بشر .. والله لو يجي عمي بكبره يقولي لا قلت ادزلب وجهك انت وكرشك اهلي قالوا بقريح وش علينا منك <<< توني ادري اهلي حليلين مهوب يقولون شئ

يوم شفتهم كذا قلت اجل بروح للاس فيجس بروح ادشر عشان تكون الدشره الاخيره
مادريت الا بريق الشاهي جاني من الوالد قدس الله سره يقول وغيييير هالحتسي طيب ؟؟
قلت طيب خلاص بروح لكندا وامري لله
وانا الي اشوف لي معهد بتورنتو واحاتسي لي عائله تضفني اذا وصلت ورتبت كل اموري وانحاش عن حر هالديره على اساس اني بطس 3 شهور وابشركم جلست 6 شهور
وماتشوف الا دموع اربع اربع

وفمان الله يامسافر
عسىىىى الله يسمح دروووووووووبك
وترجع بالساااااااااالااااااااامه
مع ان ماودي احرص على الرجعه ولكن الشكوى لله

تكفى لاتطلع عن الموضوع
********> ياخي طيب ياخي

الهدف من الروحه دراسه بالاضافة بنروح نشوف وش هالكندا الي صاجينا فيها العالم <<< ملقوف
على طاري اللقافه تصدقون رايح جيزان من اللقافه بشوف وشي

<<<<< مشكلتي لازم اطلع عن الموضع .. تحملوني عاد

المهم
اكثر ماكثر الله عندهم هالاجازات كل مامرت فتره قالوا عندكم يوم اجازه
تكون مثلن يوم الجمعه ومع السبت والاحد تطلع لك 3 ايام حلوه او تكون سبت واحد واثنين
قلت استغلها واروح لي مدينة ثانيه مليت من تورنتو ابي اشوف شئ جديد
وقع الاختيار على كيوبك او كيبيك وهي من اجمل المدن السياحية في كندا

هالولايه اللغه الرسميه فيها الفرنسيه يعني كلهم يجااااجغون يعني يتكلمون فرنسي
حتى المطاعم المنيو فيها فرنسي يعني منتهين
وطلبنا بمطعم وحتسينا معهم انجليزي قالت اصبر وجاني واحد يتكلم انجليزي

طبعا راح نبدا بنبذه عن هالمدينة وماراح اجيبها من الوكيبيديا ابد :p

مقاطعة كيبك أكبر المقاطعات الكندية مساحة ، أذ تبلغ مساحتها (1,540,668 ) ، عرفت أول اكتشافها بفرنسا الجديدة ، أو كندا وذلك في سنة 941 هـ -1534 م حتي سنة 1177 هـ -1763 م ، ثم عرفت باسم مقاطعة كوبيك حتي سنة 1205 هـ -1790 م ، ثم عرفت بعد ذلك باسم كندا الدنيا ، ثم كندا الشرقية ، وبعد انضمامها للاتحاد الكندي أطلق عليها مقاطعة كوبيك ، وجرت محاولة لفصلها عن كندا في سنة 1400 هـ -1980 م ، وتأتي في المرتبة الثانية بين الولايات الكندية من حيث عدد السكان ، عاصمتها مدينة كوبيك ، وأهم مدنها مونتريال ، وبولاية كوبيك اللغة الرسمية هي الفرنسية . تقع في شرقي كندا ، تحدها الولايات البحرية من الشمال والشرق ، وتحدها ولاية أنتاريو وخليج هدسن من الغرب ، والولايات المتحدة من الجنوب ، وتشرف على خليج سانت لورانس من الشرق .

وهذا مكانها بالخريطه والصوره طبعا انا مصورها يوم نتعيد هاك السنه بالقمر
عجبني شكل كندا وصورتها

مشيت انا والي معي و ضفينا اغراضنا وركبنا الباص
خويي الياباني سحب علي ويشاخر الين وصلنا لكيبك يقولون شعب منتج
اما انا فاق خشتي على المناظر الي بالخط اشوف المناظر والعن روضة خريم

طبعا حنا مشينا بالليل

المهم صرنا نمشي نمشي نمشي ….. وبرضو نمشي والي مو عاجبه يطلع برا

وصلنا هناك وكان على الساعه 6 الصباح وهذي صورة الفندق الجميل الحلو

الفندق بشكل عام اعطيه 6 من 10
المشكله ادور صور من الداخل بس خشتي المليحه رازها بكل قرنه

يعني اخاف احطها وتطيحون من الخقاق و اخذ اثمكم انقلللللللللللللللللللللللللللللللع
اسف والله ماعاد اعيدها

طبعا الحماس وما أدراكما الحماس
حطينا اغراضنا ودزيييييز نبي نفطر عشان نلحق على المدينه القديمه قبل لاتطير

الجو بكيبك يكون ابرد من تورنتو واكثر امطار :11ld::rain:
يوم كنا هناك كان الجو غائم الا غايم جزئي مع كثيبان رملية <<< الله يرحم ايامك يا كراني :frown:

افتراضي

هل كانت الصفحة مفيدة؟

شارك المقال:

حمل تطبيق المسافرون

كل هذه المعلومات وأكثر موجودة في التطبيق

أضف تعليق