مرحبا ، في هذا التقرير حابة اشارك معاكم نصائح من تجربتي في جزيرة موريشيوس ، تشمل على افضل مناطق السكن والأنشطة وغيرها.
افضل مناطق السكن في جزيرة موريشيوس
حسب تجربتي افضل مناطق السكن الجنوب بالدرجة الاولى و الشرق (مو جنوب شرق او شرق جنوب).. و الفعاليات كلها هناك اذا هدف الزيارة انشطة مو تسوق
و اساسا ما شفت في سوقهم شيء يستاهل غير اللي بتأخذوه هدايا و بعد مكاسر تقريبا صرفت ١٠٠٠ ريال بس تسوق.
بالنسبة للشاهي الافضل تشتروه من السوبر ماركت مو المزرعه (نفس الشركة و السعر ارخص بكثير).
انشطة جميلة في جزيرة موريشيوس
- وادي الالوان
- البارشوت
- الTube ride
- كل الانشطة البحريه المجانية في المنتجع (ابو بلاش كثروا منه )
- الهايكنج في الجنوب و تحديدا جبل لي مورون و المطل اللي بالجنوب
- ارض الالوان السبعه الشلال اللي فيها
انشطة ما تستاهل ريال:
- حديقة كاسيلا
- المشي تحت المويا (اجراءات السلامه صفر و واحد يسحبك من رجلك و الثاني يضغط على راسك، شخصياً استرديت المبلغ و ما كملت بعد خبالهم )
منتجعات انصح فيها عن تجربة
1. كوخ Bubble Lodge Bois Chéri
سكنت في كوخ Bubble Lodge اول ليلة و كان مناسب جداً للاسترخاء و جوه لطيف. مناسب للعرسان وعندهم زيارة مجانية لمقهى الشاي للنزلاء و تجربة اصناف الشاي المختلفة.
موقعه في جنوب الجزيرة، و كل شيء فيه جميل من تجهيزات و أكل و طاقم عمل
يوفر أنشطة مجانية للزوار وتشمل:
- مقهى الشاي
- جولة بالدراجة حول المزرعه
- الاستمتاع بمنظر الشجر والبحيرة و الغزلان
- التجديف في البحيرة
تقييماته في موقع بوكينق
Booking.com2. منتجع preskil Island Resort
سكنت فيه ثلاث ليالي و الهدف منها كان الاستمتاع بالبحر و الالعاب البحرية المجانية. موقعه بين الشرق و الجنوب و الجو فيه حار جداً.
طاقم الادارة مو احترافي (من وجهة نظري)، الاكل طيب و الشاطئ حلو للاستمتاع بمنظر الشعب المرجانية و عندهم العاب بحرية مجانية و فيه مدفوعة.
جربت كم وحدة منها بس لان بعضها تبدأ فترة الظهر و الحر لا يطاق. وعندهم فعاليات بالليل حسب المناسبة و كل يوم دجي جي او بيانو في البار
انصح به للشباب فقط مو عوائل او عرسان
تقييماته في موقع بوكينق
Booking.com3. فندق لابوردونيه ووترفرونت
فندق خمس نجوم و خدمته فوق الممتازة، حلو تحجزوا فيه اخر ليلتين للتسوق قبل السفر.. و تجربوا اكل الشوارع لان قريب منهم شارع حي بهذا النوع من الأكل.
الإفطار عندهم طيّب، و حلو المنظر من البلكونه اللي تطل على المينا و منظر السفن
تقييماته في موقع بوكينق
Booking.com4. منتجع C Mauritius – All Inclusive
هذا المنتجع شهادتي فيه مجروحه و في مستوى الخدمة و طاقم العمل. الشاطئ جميل و الأكل خيارات محدودة بس لذيذ خصوصاً الحلى عندهم
عندهم العاب بحرية مجانية و قريب منهم شاطئ تقدروا تجربوا فيه البارشوت و الTube ride و تقدروا تروحوا له مشي
و كل اربعاء عندهم رحلة هايكنج لجبل مطل على المدينه و المنظر من هناك لا يوصف
المنتجع صغير و لكن جو لطيف و فيه حميمية و عندهم سبا و منطقه تأمل خرافيه
انصح فيه للعوائل و الشباب و العرسان اللي ما تهمهم الخصوصيه بشكل كبير.
تقييماته في موقع بوكينق
Booking.comانظر أيضًا: ملخص رحلتي الى موريشيوس | اسعار الفعاليات | المنتجعات | شرائح الانترنت
نصيحتين اخيرة:
- اول ما تدخلوا المنتجع اسألوا عن كل شيء مجاني و كل شيء بيدفعوكم عليه عشان تضمنوا حقوقكم.
- ابتكروا في طريقه سفركم و النزهات اللي تروحوها لاني اللي لاحظته ان السواقيين خط سيرهم واحد و فيه اماكن حلوه ما يودوا لها بحجة بعيد و هي الأجمل
و اللي يبغى اساعده بالحجز في الاماكن اللي زرتها، اللي يحيه.
تحياتي
كاتبة التقرير: نهال أيوب
