هنا تجربتي في دبي زي ما وعدتكم لمدة سبعة أيام كانت جميلة جداً والرحلة كانت مرتبه لأن التخطيط المسبق مهم.
الوصول :- وصلنا الفجر دبي الساعة ٣
المواصلات :- توجهنا لمكاتب تأجير السيارات كانت النية بدجت لكن الموظف ما كان موجود وحولنا على الوفاق خذينا سيارة اقتصادية سبارك اجار ٧ أيام ب٨٠٠ مع التأمين والوديعة ١٠٠٠ . كذلك خذينا خصم على الاجار باستخدام بطاقة المعلم وعطونا تذاكر للقرية العالمية.
أول يوم الوصول والسكن
طلعنا من المطار واستلمنا السيارة، بعدها توجهنا للفندق وحجزنا كان في فندق موفنبيك أبراج البحيرات جميرة
حجزته على بالي انه في المارينا لكن طلع في منطقه غير.
حجزنا كان في غرفه عاديه بدون بلكونه لكن الموظف التونسي اللي كان في الاستقبال استقبلنا استقبال جميل وسوا لنا ترقيه لغرفه أوسع وفيها بلكونه.
ارتحنا في الفندق للظهر وتوجهنا لدبي مول. كان الغداء في باركرز لذيذذ لذيييذ لذيييذ خصوصا باستا المشرووم شيء خيالي وتسوق وسينما. وتقهوينا في مقهى Gran Caffe كل شيء كان عندهم لذيذ ومميز والاطلالة جميله
اليوم الثاني
كان فطور في الفندق وبعدها توجهنا على ١١ لحديقة الزهور كان الجو شمس قويه وحرررر وماعجبتنا مره . طلعنا منها ورحنا لحديقة الفراشات عجبتنا مممممره انبسطنا فيها اكثر من حديقة الزهور وجلسنا فيها لين ٣.
بعد حديقة الفراشات مشينا للقرية العالمية وجلسنا فيها لين قفلت حلووه بس برررررد والمشي متعب فيها.
اليوم الثالث
كان من نصيب دبي باركس بعد ما فطرنا في الفندق توجهنا لموشن جيت عالم الخيال كانت التذاكر بمبلغ وقدره
لكن مو خساره فيه استمتعنا كثيرررررررر. مكان جممميل جمممميل وكان وقتنا بداية حالة المطر غيوم ورشات مطر وجو يفتح النفس طبعاً دخلناها ١٢ ماطلعنا الا ٨ . من المغرب بدت الزحمه وصار فيه طوابير انتظار طويله توصل ل ٤٥ دقيقه لكن اول اليوم ابداً ما فيه انتظار تدخل وتلعب على طول.
بعد الموشن جيت رحنا لريفرلاند كملنا باقي اليوم فيه مع المطر زاد جمال المكان وركبنا سفينه واستمتعنا بالجو الحلو. تعشينا في شمواه اتوقع اسمه كذا مطعم اماراتي للاسف كان اخر اليوم ومو متوفر الا مجبوس دياي ولحم والباقي مخلص وقرب دوامهم ينتهي فجربنا الموجود وكان لذيذ مره .
ريفلاند دبي
اليوم الرابع
توجهنا لسيتي ووك الصباح وافطرنا في سايا فطورهم يجنننن يجننن ذوقي بس اسعارهم مرتفعه. و بعدها توجهنا ل السيف القديمه وقضينا باقي الوقت فيها. الظهر والعصر ركبنا سفينه ومرينا السيف الجديدة كانت القديمه اجمل. وجربنا مقهى وافلز بلجيكي كان سيء نوعاً ما ، تاخير في الطلب + نوع الشوكلاته مو حلوو بعدها تعبنا
بعد السيف توجهنا لـ لأمير وقضينا باقي الوقت فيه تعشينا في سو غاوي وكان لذيذ لذيذ لذيذ لغاويص
سايا كافيه سيتي ووك
اليوم الخامس
كان الفطور في بيت الشاي طبعا تجربه جميله وكان انتظارنا طويل لكن في النهايه نتيجه حلوه طعم لذيذ وخدمه ممتازه ومكان يفتح النفس.
بعد بيت الشاي توجهنا لسوق جميرة كانت النية نروح للمقاهي اللي على الشاطئ. لكن للأسف من الجو قفلو المنطقة وما قدرنا نروح ، خذينا لفه على المكان بصراح كان مكان جممميل وفخم مره انصح فيه .
وبعدها توجهنا ل ذا بوينت المكان اللي اسرني وحبيته مررره كان ما فيه زحمه عشان كذا حبيبته. تقهوينا في Guylian Belgian Chocolate Café كان عندهم الذ كابتشينو ذقته في دبي من يوم جيتها طعم غير شكل
وحلاهم شيء ثااااااني لذاااااذه واطلاله اجمل
بعد ذا بوينت توجهنا لـ الجي بي ار تمشينا لـ بلو واترز منطقه حلوه وجميله جلسنا فيها ساعه ونص ورجعنا لـ الجي بي ار للسينما. وبعدها عشاء في اواني اللي ما عجبني ابدا ابدا ابدا.
طبعا الإمكان اللي رحنا لها كانت مواقفها مجاناً ( من حظنا الحلو ) الا الجي بي ار وزين تذكرنا ناخذ خصم من المطعم نستفيد منه شوي
سوق مدينة جميرا
Guylian Belgian Chocolate Café
ملاحظه:- للي يدور حضانه في الجي بي ار ترا فيه وحده في نص المكان وامنه
اليوم السادس
قررنا فيه نرجع لدبي مول ونتسوق الغداء كان في لقمة كان لذذذيذذذذ وتقهوينا في ليتو عشقي وغرامي
حلاهم لذذذيذ والقهوه العربيه ممتازه عندهم.
اليوم السابع ل تجربتي في دبي
يوم المطارات والعوده للوطن
في الاخير شكراً شكراً لمن ساعدني او نزل تجربه او جدول وفادني في تجربتي في دبي ،
شكراً للجميع وأن شاء الله مو أخر زيارة لي لدبي باذن الله ، والحمد لله أولاً وأخراً .