رداً على: ترتيب شهر العسل الميزانية والبرنامج…مشورتكم وارائكم..تهمني

#10000 | نشر في: 13-07-13

الله يتمم على خير
الجو راح يكون مايل للبرد
وافضل لو إنك تقدر يكون سفرك في بدايات سبتمبر
يكون الجو مشمس وممكن تجيك أيام ممطره وغائمه

وراح اعطيك وجهة نظري … مع ان الشباب كفو ووفو
واقترح عليك هالمسار

4 ايام فيينا
4 ايام سالزبورغ
4 ايام زيلامسي
يومين ميونخ ( أو 3 أيام اذا ناوي تروح لقارمش )

واذا ميزانيتك 30 الف … فراح تكفيك باذن الله
شامل التذاكر + السكن + المصروف الشخصي والتمشية + التسوق ( بحدود معقولة )

وإن شاء الله تحصل التذاكر ما بين 2500 الى 3000 ريال لكل شخص
ومتوسط سعر السكن ما بين 400 الى 600 لليله ( وراح تحصل بأعلى من هالسعر حسب موقع وفئة الفندق)
وانصحك باستأجار سيارة … وانا كاتب عن السيارة في موضوعي بالتفصيل

أسعار المطاعم … عادة سعر الطبق ما بين 8 الى 15 يورو … وتتفاوت الأسعار حسب نوع المطعم
انصحك دائما بشراء الماء والفواكه من السوبر ماركت … مثلا الماء سعره في السوبر ماركت بـ 0.50 يورو وفي الكشكات بـ 1.20 يورو تقريبا
تجنب الأسواق وركز على الجولات السياحية … راح توفر عليك

أنا اعطيتك مسارات للرحلة مريحه وفيها أماكن جميله ومن الصور ان شاء الله تعجبك … ولا يكون همك إنك مريت دول كثيرة
ففي ناس يروم للنمسا والمانيا وسويسرا وفرنسا … تكون الرحلة متعبه ولا يعطي كل مدينه حقها … بس عشان يقول لأخوياه إني مريت 4 دول اوربية
هذي تنفع للناس اللي ميزانيتهم مفتوحه وعندهم وقت طويل

ابدأ الحجوزات من الحين وطلع التاشيرة ا… الدنيا بدات تزدحم
اي استفسار حاضرين
وهذا موضوعي اذا حبيت تستفيد اكثر
http://travel.maktoob.com/vb/travel816830/