#12530 | نشر في: 23-01-14

غبار الوورد ,,

ما دامكم حجزتوا وما فيه امكانية لتغيير الحجز فتوكلوا على الله ,, وسويسرا صغيرة وتقدرون توصلون لكل مكان فيها في نفس
اليوم ,,

زيورخ 3 ايام ,,
اليوم الاول يوم الوصول
اليوم الثاني زيارة كونستانس وشلالات الراين
اليوم الثالث زيارة هايدي لاند في الصباح والمسا تتمشون في زيورخ واسواقها

انترلاكن 9 ايام ,,

اليوم الاول يوم الوصول زيارة هاردر كلم والمساء اخذ جولة بالباخرة في بحيرة برينز
اليوم الثاني ,, بحيرة الاوشن سي والزحليقة اللي فيها ومن ثم البلوسي
اليوم الثالث ,, شلال تروميل باخ وقمة جونغفرو
اليوم الرابع ,, ممكن توصلون انسي وبعدها جنيف
اليوم الخامس ,, شلال جيس باخ وشلال ريخن باخ وتضيفون له خوانق الار
اليوم السادس ,, مصنع الشوكلاته ومصنع الجبن وجبل ميلسون والاستمتاع بالزحليقة فيه وفي طريق العودة تمرون على شلال الجان
اليوم السابع ,, غشتاد وبعده قمة جلاسير الثلجية واللي فيه اعلى زحليقة صيفية وبعده ممكن تمرون مونترو وتتعشون فيها
اليوم الثامن ,, جرينوالد والزحليقة الي فيها pfingstegg HOME وبعدها تروحون كهوف سانت بيتوس
اليوم التاسع ,, ممكن توصلون زيرمات

لوزيرن ,,

اليوم الاول الوصول والتمشي في لوزيرن
اليوم الثاني قرية انجيلبيرج وفيها قمة تتلس ومن ثم الزحليقة الصيفية اللي فيها
اليوم الثالث ,, قرية ساتيل واللي فيها اطول جسر معلق وزحليقة صيفية
اليوم الرابع ,, اليورب بارك
اليوم الخامس ,, قمة بيلاتوس وفي المسا تمرون على مركز تسوق ايمين سنتر وهو قريب من لوزيرن
Emmen Center – Shopping erleben | Emmen Center
كل يوم مفتوح الى الساعه 6,30 المسا وايام الاربعاء والجمعه الى الساعه 9 المسا
اليوم السادس ,, لوجانو والاوت لت اللي فيها
السابع ,, يوم مفتوح ,, تسوق وراحات في لوزيرن وممكن تركبون الباخرة واخذ جولة في البحيرة او تزورون التلفريك المكشوف

بالنسبة لتوزيع الايام ممكن توزعونهم على حسب ما يناسبكم

والمسافة بين لوزيرن ومطار زيورخ 67 كم

والبلاك بيري ما عندي معلومات عنه وعلى اي شبكة تفتحونه لاني من الامارات وان شاء الله بيفيدونك الاعضاء والخبراء اللي من السعودية فيه

وبالتوفيق