#13278 | نشر في: 05-06-13

اعرف واحد طلع جوازه الامريكي وعمره تجاوز الثلاثين .الكلام هذا قبل اكثر من سنتين بشوي.

بخصوص التأخير : اي نعم يقول استغربوا من التأخير ، وسألوه ليش تأخرت في استخراج الجواز ..

المهم طلبوا منه بعض الطلبات
1- شهادة الميلاد الامريكيه … وكان وقتها عنده صوره منها بس ،، لكن جاب بديل لها من موقع بالنت يجيب الشهادات من امريكا … المهم جابها.
2- الجواز السعودي اللي كان مضاف فيه يوم كان في امريكا … ما كان موجود …
3- اثباتات ان الام والاب كانوا في امريكا وقت ولادته … وجاب شي يثبت انهم كانوا متواجدين هناك.
4- طبعا الاستماره
5- الصور
6- الرسوم 7- جوازه السعودي الحالي
8- اذا كان عندك سوشل سكيورتي جيبه معك
9- يقول شال معه بعض الصور يوم انه في امريكا ،، وشال معه بعض البطائق البنكيه لابوه ورخصه ابوه
10- اممممم والله نسيت ان كان في شي ثاني ( لو تذكرت ارجع اقولك )

وبعد اسبوعين او ثلاثه اسابيع جاته رساله من القنصليه على الايميل ان جوازه موجود ـ ويبغونه يجي يستلمه.

نصيحه: لا تستهون بإي ورقه او بطاقه او اي شي … لانه ممكن تحتاجها في امور ثانيه غير الجواز ،، مثل استخراج سوشل سكيورتي نمبر ،، او استخراج جوازات للابناء مستقبلا ( بشروط معينه )

اي استفسار كذا ولا كذا ،، انا بالخدمه بحاول افيدك باللي اقدر عليه
والخبراء هنا وخصوصا المشرفين والمراقبين ما يقصرون وانا اشهد على هذا الشي

بالتوفيق