#13280 | نشر في: 05-06-13

الله يسلمك ويعافيك

 

حتى الشخص اللي اعرفه ما كان عنده هالجواز 
قلب ام البيت ولا لقاه
يعني نفس الوضع 
قالهم الجواز هذا ضايع ,, وش اجيب غيره كأثبات
طلبوا: شي يثبت ان ابوه وامه وهو شخصيا كان هناك مثلا شهاده دراسيه او تعريف او اي شي 
المهم صاحبنا جاب: ورقه تثبت ان ابوه كان متواجد هناك + شهادة دورة انجليزي لأمه + رخصة ابوه + سوشل سكيورتي لابوه وامه + بطاقة بنك لابوه + بعض الصور له يوم كان بامريكا
وطبعا شهادة الميلاد الامريكيه وهذا اهم شي .

 

يقول صاحبنا الصور ما ركزوا عليها كثير

 

ولو عندك كرت التطعيم او اي شي يثبت اقامتك لمده طويله بيكون من صالحك
ولو ما احتجتها الحين
راح تحتاجها بعدين

 

بس باقي تجيب شي يثبت لأمك
اي حاجه ..
بطاقه صراف
بطاقه اشتراك في اي حاجه
بطاقه مستشفى
اي شي فيه اسم امك … حتى لو فاتوره

صاحبي جاب لهم شهاده انجليزي سنه ،، وجاب سوشل
ومشت الامور

 

طيب ممكن اعرف ايش كان رد خويك يوك سالوه ليه توك تقدم علي الجواز

هو ما كان سؤال بمعنى سؤال ،، لكن استغراب بس
المهم كان رده : ما كنت احتاج الجواز لاني عايش بالسعوديه ،، والحين لمن قررت اسافر امريكا صار ملزم علي اني اطلعه علشان اقدر اسافر لامريكا ..

سألوه : ليش تبغى تسافر لامريكا .
رد عليهم : للدراسه

 

يقول الموضوع معقد والله
واصلا ما يحتاج كل هالتعقيد
لكن يحس ان الموظفين يحاولون يطفشونه ويصعبون الامور وهي سهله
يعني ما يحتاج كل هالاثباتات وهو عنده اهم اثبات وهو شهادة الميلاد ..
وكل هالتعقيد لان الجواز اللي كان مضاف فيه مو موجود … لو كان موجود ( بالاضافه الى شهادة الميلاد ) يتوقع الامور سهالات

ويقول على حسب الموظف …
واذا ردك واحد ،، حاول ترجع مره ثانيه بعد فتره علشان لعل وعسى تطب عند موظف ثاني يكون اطيب واسهل.
وممكن تكون الطلبات مختلفه عن الثاني

ولك مني اجمل تحيه

وعطنا اخبارك
واي استفسار حاضرين باللي نقدر عليه
بالتوفيق
ولا تنسانا من الدعوات