#13632 | نشر في: 09-05-12

اذا وصلت بحمد الله وسلامته الى مطار كازا وبعد تختيم الجواز توجه الى صالة الخروج واصرف الف ريال او الفين ( 1000 ريال = 2200 درهم تقريبا ) من الصرافين اللي في صالة الخروج على يسار البوابة وبعدها اما تاخذ طاكسي ليوصلك الى كازا ب 250-300 درهم او بامككانك استخدام القطار اللي في الدور تحت الارضي للمطار وكل ساعة فيه رحلة وتستغرق حوالي 30 دقيقة الى محطة كازا فوياجور وبعدها خذ طاكسي احمر صغير ب 30او 40 درهم الى مقر سكنك سواء فندق او شقة …
كازا فيها احلى مكان اسمه عين الذياب وفيه الفنادق والمقاهي واكيد بتعجبك وعندك الماكدونالد والفرايديز وتروبيكانا والمناطق المحيطة بها كلها روعة جدا عموما اسكن بفندق فال دي انفا كلوب اللي في عين الذياب او اللي مقابله فندق السويس او الحوض الجميل
في كازا عندك اماكن التمشية طبعا عين الذياب و الحبوس وبوابة مراكش وقصر ابو متعب ومسجد الحسن الثاني وموروكو مول والتوين سنتر وكذلك بامكانك الخروج خراج المدينة والذهاب الى طماريس .
المقاهي زي مقهى لاكوستير وايضا فيه مقهى حلو اسمه السندريلا في شارع موسى ابن نصير قريب من التوين سنتر يصلح بعد العصر و فيه معسل وفيه كمان مقاهي بالتوين سنتر بالدور الثالث بين البرجين وفي كازا لاتفوتك عين الذياب وموروكو مول الذي يعد الاكبر في افريقيا وقد افتتح منذ 5 شهور تقريبا ومسجد الحسن الثاني وايضا قصر ابو متعب وبوابة مراكش والحبوس لوكنت من عشاق الاسواق الشعبية .
الرباط ، الرباط مدينة انيقة ومرتبة جدا لانها العاصمة وفيها اماكن للتمشية حلوة جدا زي الاوداية وشالة وغابة المعمورة ووادي ابي الرقراق والسويقة ضريح الحسن الثاني والميقامول , عموما المدينتين كلهم حلوين

في مراكش خلك 4-5 ايام واسكن في الشقق اللي بحي قليز التي تقع خلف الماكدونالد وهذا مكان شهير ويسمونه اهل مراكش الماكدو وعند النافورة ,فيه مقهى حلو على يمين الماكدو اسمه laflame او تسكن بفندق الميريديان او اي فندق في شارع محمد الخامس ولكن الافضل انك تروح منتجع النخيل وحاول تحجز عندهم بدري
وطبعا مراكش مليانة اماكن للتمشية زي المنارة والكتبية وحديقة ماجوريل وساحة الفنا وعلي بالفلاح وسيتي فاطمة واوريكا 
اغادير جوهرة الجنوب وميامي المغرب واحلى السهرات والمدينة صغيرة وكل الفنادق واماكن السهر على الشاطئ او قريبة منه واغادير عندها احلى شاطئ في المغرب ويسمونة اللاكوط ( الكورنيش ) المطاعم افضلها مطعم اسماعيل مقابل فندق صحاري لا يفوتك خصوصا اللحم المندي والرز( 120 درهم) على الطريقة المغربية وكذلك السمك وعنهم طواجن روعة المطعم غالي شوي بس يستاهل لانك تحس بالشبع فيه وتلاقي اكل يناسبنا نحنا السعوديين وعندك مطعم شواية النهظة واوسيانا والقلعة 
تمشى في اغادير حول اللاكوط والماكدونالد وسوق الاحد واغادير حلوة وصغيرة وبتعجبك اكيد والطاكسي اي مشوار 10 درهم او 20 او اشترط عليه يشغل العداد قبل لاتركب معاه وهذا في كل مدن المغرب لكن في الليل تزيد اسعار الطاكسي خصوصا عند السهر ويطلبوا 50 درهم
بخصوص التنقل بين المدن فالافضل والاوفر تاخذ القطار بين كازا ومراكش والسبراتور او الستيام( زي النقل الجماعي عندنا ) بين مراكش واغادير واذا كانت ميزانيك طيبة فابامكانك استئحار سيارة بسائق ليتجول بك بين المدن كيفما تحب ..