#13691 | نشر في: 14-10-11

الاخ االعزيز Jarahh

بالنسبه للجو بإيطاليا بنوفمبر السنه الماضيه, يعتبر نهاية الخريف, حتى كان الاوراق الصفراء المتساقطه كثيره..

لكن مو مثل خريفنا حااار..

كان بارد لطيف.. خصوصا بجنوب ايطاليا.. وكل ما تصعد شمال تزيد بروده..

مثلا بروما.. كان الجو بالنهار مايحتاج جاكيت لبسه عاديه صيفيه على شتويه.. بس بالليل يبرد بعض الشي..

المطر كان خفيف وقليل جدا..

فلورانسا فوق روما بـ ٣٥٠ كيلو لو ماخانتني الذاكره كان جوها لطيييف بردها حلو وغيووم , لكن فيها مطر متواصل وخفيف..

بس مايعرقل الرحله..

فنيسيا جلست فيها ٣ ايام كانت ممطره ماتوقف المطر الا يوم واحد.. والجو بارد لكن بعد حلوو..

ميلان كانت باارده تحتاج جاكيت..

بشكل عام حسيت امطار ايطاليا بنوفمبر خفيفه.. جاكيت جلدي او مظله مع جاكيت عادي وصلى الله وبارك..

ان كنت ناوي, لاتأجل.. يا حلو اغلب دول اوروبا بنوفمبر.. لازحمه واسعار فنادق ممتازه.. والجو اعتبره ميزه..

تحياتي لك.. ومعذره للأخت أنا غير.