#15265 | نشر في: 26-03-14
مبروك مقدما الزواج وربي يهنيكم وييسر رحلتكم العسليه 

مثل ما تفضل اخونا بو فيصل جدولك يحتاج ترتيب 

انا بكل رحلاتي خط سيري يكون كالتالي : 
(1)
سيلانجور – البراميد 3 ليال 

(2) 
لنكاوي 
طيران ( طيران اسيا) 
او الماليزيه 

انصحك بالوستن طالما انت معرس او فندق ذا دانا يمدحونهم وايد 
وتستاهل تدلع العروس

(3) 
بيبنانغ اما طيارة او عبارة ( الفيري) 
لك الحرية 

انا جربت العبارة ( الفيري ) مرتين ما عندي اي اعتراض عليه 
ومدته 3 ساعات ونص الي بينانغ ويوصل بالوقت المحدد 

الفنادق في بينانغ يفضل السكن في شارع الباتو فرنجي : 
وافضل فندق القولدن ساندس 
او هوليدي ان 
او بارك رويال ( عن تجربه 3 سفرات متتاليه) 
انت بوسط السوق الليلي والمطاعم طووووووووول الشارع 
يعني متعه ما بعدها متعه والتمشي على كيف كيفك بالليل 

الفندق اللي اخترته الفلامنجو بعيد عن الباتو الفرنجي وهو الشارع الحيوي في بينانغ 
تحتاج تكسي 

(4) 
كوالالمبور 
اما تكسي خاص او باص 
او طيران 

انا جربت الباص 3 مرات الطريق روعه والباصات نظيفة وتوقف باستراحات تقريبا مرتين للحمامات عزكم الله
وتشتري ما تحتاجه من السوبرماركت بالمحطة اللي توقفون عندها او تصلي او تريح على راحتك 

لا يطوفكم الفاكهه الفرش المقطعه باكياس 
لذيذة

المدة تقريبا 4 – 5 ساعات لكنها جميله وتجربه روعه بما انك اول مرة تروح 
وفيه شركات كثيرة للحجز 
مذكورة بالمنتدي 
افضلها الأيرولاين ومكتبهم في سيلانقور عند البوابه الرئيسية لمدينة صن واي لاقون 
وفي مكتب ثاني في بينانغ في احد المجمعات الكبيرة (كوينسبي مول)

كوالالمبور 
فنادقها كثيرة 
تبي عند البرجين يمدحون التريدرز 

تبي عند مجمع البافلوين 
يصلح لك رويال شولان 

باختصار ميزانيتك تحدد لك الفنادق 

واي مساعدة حاضرين