#15304 | نشر في: 27-03-14
السلام عليكم
وعليكم السلام ورحمة الله وبركاته
بحاول اجاوبك على اللي الله يقدرني عليه
اخواني بعض الفنادق في بوكنج تقول الدفع لاحقاً
عادي
ولا يشترطون دفع ولو عربون
احسن
وهذي الفنادق اخاف اني احجز ويلغون حجزي بعدين لاني مادفعت شيء
لاتخاف من هذه الناحيه الموقع مضمون باذن الله
واذا صارت معك
راسل او اتصل على موقع بوكينج
ولاتنسى تاخذ صوره من الحجز
وعشان تتاكد راسل الفندق بعد ماتحجز
واطلب منهم تاكيد على حجزك من عندهم
وهم بيردون عليك

قليل من الفنادق اللي يكنسل الحجز من راسه
وايضاً يكتبون تحت وقت تسجيل الوصول

طيب لو اتأخر ؟ وش الحل ؟
الحل ياطويل العمر
انك تراسل الفندق وتقولهم انك بتوصل المطار الساعه كذا ولاتدري كم بتاخذ على ماتخلص الجوازات
ومسافة الطريق والزحمه
وشف وش بيردون عليك
هل الاستقبال عندهم يتم فاتح الى اوقات متاخره او لا
لان انا راح اوصل في 2 يونيو ومتأخر يعني يمكن اطلع من المطار الساعة 11 بالليل

وهم شارطين تسجيل الوصول بوقت ابكر من هذا

والفيزا وش وضعها ؟ هل لازم فيزا ؟ طيب لو حبيت ادفع كاش باقي المبلغ حق الفندق
ممكن اذا وصلت الفندق يسألك الفندق تبغى اخصم المبلغ من الفيزا او بتدفع كاش (هذا اللي يحصل معي اذا حجزت من بوكينج)
بس وقت الحجز طبعا وبكل تاكيد تحتاج تكون معك فيزا سارية المفعول حتى لو مافيها فلوس (هذا بالنسبة لبوكينج)
اما موقع اجودا لازم يكون فيها فلوس لانه بيخصم المبلغ على طول
ولو الفندق كان من النوع اللي ادفع كامل المبلغ وقت الحجز هل لازم اسجل وصولي؟ او خلاص متى ماوصلت وصلت لاني دافع وخالص؟
الاحسن انك تعطيهم خبر
مثل انك وصلت المدينه بس باخذ لي كم لفه وبجيكم
وايضاً الان لو حجزت مثلاً من يوم 2 يونيو الاثنين الى 6 يونيو الجمعة
المجموع 4 ليالي السؤال هنا يوم الجمعة هو يوم الخروج او اجلس يوم الجمعة كامل ؟
يوم الجمعه هو يوم الخروج
ماتجلس الا الى الساعه 2 الظهر
لان فيه فنادق راح احجز فندقين في يوم واحد مثال :
احجز من 2 يونيو الى 6 يونيو في كوالامبور
واحجز من 6 يونيو الى 10 يونيو في بينانج 
هل اللي سويته صحيح ؟ او يصير الحجز يبدأ من 7
ايه نعم اللي سويته صحيح
تسلم الفندق في تاريخ 6
وتستلم الفندق في تاريخ 6
في نفس اليوم
شرح بسيط
اعتبر انك ساكن في نفس المدينه
بس بتسكن يومين في فندق ويومين في منتجع
ف يكون تسليم الفندق واستلام المنتجع في نفس اليوم
نفس الحكايه مع مدينه ومدينه ثانيه
اتمنى فهمتوني واعذروني على كثرة اسألتي

بإنتظاركم وشكراً لكم

تحياتي لك واتمنى اني افدتك