#15403 | نشر في: 21-03-14
مساكم الله بالخير جميعا اخوانيمساك الله بالخير اختي شموخ عتيبه

اسف عالرد المتأخر لاني انشغلت بتضبيط شقتي وعناء الاثاث الله يخارجنا

اختي شموخ

انا اخطأت في عدد الايام الي راح اقضيها في ماليزيا حيث اني قلت انها 15 يوم
ولا كن الاصح 17 يوم من وقت وضع اقدامي على ارض ماليزيا الساعه 1:50 مساءً
الي يوم 26 يونيو وقت عودتي اتوقع الساعه 6 مساءً

المهم عزيزتي جدولك كان جدا رائع ولاكن غيرت فيه بعض الفنادق لغلائها
وبعض الاماكن … وانتي لو تكرمتي قوليلي ايش رايك فيها
وكمان رأي الاعضاء ايضا ماراح استغني عنهم كلكم على العين والراس

الجدول كالتالي
3 ايام سيلانجور … فندق صن واي بيراميد


جعلتها 3 ايام لانه وقت وصولي لماليزيا مطار كوالالمبور الساعه 1:50
فااتوقع انه راح علي الوقت وماراح استفيد من اليوم الاول شيء

5 ايام لنكاوي … بصراحه محتار بين فندقين بين فندق بست ستار وفندق في جزيره خاصه اسمه rebak island resort

فبماذا تنصحوني

3 ايام بينانغ … فندق هوليداي ان ( مبنى الشاطئ ) مطله على البحر

5 ايام كوالالمبور … كمان محتار بين اثنين فندق traders ( مطله على البرجين)
وفندق 
melia ماادري ايش معناها بس اخترت هالنوعيه من الغرفه ( بريميوم ) خخخخ



باقي يوم ما ادري اعطيه اي ولايه من الي سجلتها

سبب تغيري لبعض الفنادق الميزانيه خيبت ضني بشي قليل لانه الاسعار نار في الاجازه الصيفيه
فايش رايكم في الجدول والفنادق واليوم الاخير هذا اضمه لأي ولايه
واذا شايفين فيه فندق افضل من الي اخترته انا لا تبخلو علي بتصحيح المسار

هذا ولكم جزيل الشكر والعرفان
اخوكم عماد الشريف