#3715

اليوم الاول: اول شي روح شارع الشانزليزيه و هو مليان محلات و مطاعم و مقاهي بعدين روح لساحة الكونكورد فيها المسلة المصرية وقوس النصر و في الليل يعرضوا افلام حلوة على شاشات كبيرة ممكن تكمل السهرة هناك.
اليوم الثاني: متحف اللوفر ويفتح الساعة 9 الصباح و حتحتاج فيه وقت طويل عشان تشوف كل شي بعدين ممكن تروح تتغدا في ساحة الاوبرا فيها مطاعم كثيرة و بعدين تروح الغاليري لافييت للتسوق.
اليوم الثالت: ممكن تزور ادوار برج ايفل الثلاثة و في كل دور حتشوف شي مختلف و احلى وقت للزيارة وقت العصر لحد غروب الشمس. بعدين ممكن تتمشى على نهر السين في الليل لأنه فعلا جميل و تاخذ قارب سياحي يشمل وجبة عشاء.
اليوم الرابع: زيارة قصر فرساي و يفتح من 9 الصباح لين 6 بعدين ممكن ترجع الفندق ترتاح بعدين تروح قصر الدفاع و في المنطقة في مجمع اسمه le dome فيه محلات و مقاهي.
اليوم الخامس: ديزني لاند و دي ممكن تقضي فيها اليوم كله او تروح بعدها قرية لافيلاج و فيها اسواق للماركات باسعار ارخص
اليوم السادس: منطقة مونماتغ و من قمتها تقدر تشوف باريس كلها و في المنطقة في مطاعم و رسامين و مهرجين حتنبسط كتييير. بعدين ممكن ترجع ترتاح في الفندق و بعدين تنزل الحي اللاتيني و هو حي تاريخي مليان مقاهي و مكتبات فيه مطاعم عربية كتيرة.
اليوم السابع: ممكن اخر يوم تقضيه في جولة بالباص الاحمر السياحي اللي يمر على اهم معالم باريس و بقية اليوم تستكشف الشوارع و المطاعم او تتسوق.