#5983

ألف مبروك يا عريس ، ربي يجمعكم على خير ويسعدكم في الدارين.

صراحة الجو روعة في جدة اليومين هادي ، ح تنبسطو مرة ان شاء الله. أنصحكم تاخدو عمرة في مكة  ، انا صراحة ما طلعت عمرة في شهر العسل لاني كنت برة المملكة ولا كان ودي.

المولات:

مول العرب ، ردسي مول ، عزيز مول

مطاعم حلوة للعرسان:

الملتقى ، بيبلوس ، الشاليه ، المطاعم الي في شارع الاندلس، المرجان

الفنادق:

الروز وود ، من أجمل فنادق جدة. الفندق عليه عرض الان في موقع بوكينج

موفنبيك النورس ، روعة بس غالي

هيلتون

ولو تبغى فنادق أرخص عندك: ميريديان ، كروان بلازا

 

الحلو في جدة أنو فيها أماكن كثيرة للتنزه ، عندك الاسواق والمناطق القديمة في البلد ، أبحر والمنتجعات الي فيها (درة العروس مثلا) و الشلال كمان في شمال جدة.

أتمنى أني أفدتك وأسأل الله ان يبارك في زواجكم ، لو في أحد عندو اقتراحات ثانية ياريت لو تكتبوها عشان تفيدو عبدالله.