#6897 | نشر في: 13--2--0

مشكورين على المساعدة

انا شفت قدر طبخ الرز في المول حوالي 650 بيسو بس ما اشتريته قلت يمكن ما ينفع
لكن طالما انت مجربه ان شاء الله بشتريه

ايضا بالنسبة للنودل عندهم انواع كثيرة هل في نوع معين تنصحوني فيه
حسب ما شفت المكونات ما فيه مشتقات خنزير بس في ( نكهة دجاج ) ما ادري ايش وضعها

وانا الحمد لله اعرف اطبخ بس لما رحت اشتري الخضار عشان اطبخ لقيت اسعارهم مبالغ فيها
رحت ayala , jy square واكثر من سوبر ماركت
مثلا حبتين طماطم بحوالي 125 بيسو يعني تقريبا 11 ريال
ونفس الشي الجزر حتى الفواكه
فهل في سوق خضار ممكن الاقي فيه ارخص يا ريت تكتبوا العنوان

انا سألت قالوا لي روح كارفور ارخص بس حسب كلامهم يبعد 20 دقيقية بالتكسي
انا ابغى مكان قريب ( انا ساكن في lahug )

طبعا انا ممكن اطول في البلد اكثر من سنة فلازم انوع في الاكل ما اقدر اقضيها كلها سمك