ابي مطاعم مميزة بالبحرين

Viewing 9 reply threads
  • الكاتب
    المشاركات
    • #7048
      Maktoob
      مدير عام

      السلام عليكم

      ابي نصايحكم وتجاربكم عن مطاعم البحرين
      انا دايما اروح هالثلاث مطاعم
      مطعم الابراج
      مطعم زيارة
      مرمريز

      واكثر زياراتي تكون لمطعم الابراج اللي بالمحرق, لان طعم الاكل ممتاز والخدمة طيبة, والاسعار اكثر من معقووولة وديكور المطعم هادي جدا ورايق

      وهالمره ودي اغير واجرب مطاعم ثانيةتكون بنفس الاطباق اللي بهالمطاعم, او حتى لو شي مختلف ومميز

      فياليت لو تنصحوني بمطاعم على ذوقكم واكون لكم من الشاكرين

      +

      اي سينما بالبحرين تسمح لدخول الاطفال للي عمرهم اقل من سنتن؟

      شكرا مقدما

    • #7049
      Maktoob
      مدير عام

      والله ياخوي أغلب المطاعم اللي بالبحرين بشارع الجفير
      مثل مطعم اصفهان حلو بس لاتطلب لحم أطلب اي شي مثل دجاج وبحريات
      المهم شارع الجفير كله مطاعم ومقاهي وروعه هالشارع

    • #7050
      Maktoob
      مدير عام
       المشاركة الأصلية كتبت بواسطة لوفتهانزااا 
      والله ياخوي أغلب المطاعم اللي بالبحرين بشارع الجفير
      مثل مطعم اصفهان حلو بس لاتطلب لحم أطلب اي شي مثل دجاج وبحريات
      المهم شارع الجفير كله مطاعم ومقاهي وروعه هالشارع

      Thanx a lot

    • #7051
      Maktoob
      مدير عام

      فيه مطعم بالسيف الدور الثاني جهة السينما الجديدة بوفيه مفتوح بصراحه رائع وكل شي فيه والسعر للشخص 5 دينار فقط بس والله الجلسه راقيه والاكل مميز…. يعني كنك شفت فلم و طالع من السينما تمسك اليساروانت ماشي واول مايخلصون المحلات هو اخر واحد يسار…. انا شفت الاكل ضيعت المطعم…. وهادي مره ونظيف…. وبالتوفيق

    • #7052
      Maktoob
      مدير عام

      جرب nue asia أكله جيد واسعاره مقاربه للمطاعم الي ذكرتها
      مطعم اسيوي فيه اكل هندي تاي صيني ياباني
      له فرع في باركنج مجمع العالي والثاني في مدينة عيسى أفضله شخصيا لانه اهدئ وانظف

    • #7053
      Maktoob
      مدير عام

      وفي فرع جديد بشارع البديع

    • #7054
      Maktoob
      مدير عام

      السلام عليكم
      شوف تقاريري فيها كم مطعم
      اخر تقرير الحب الابدي فيه مطعم فيلا مامز
      وهذا بمنطقة سار

      وفي مطاعم حلوووة وايد بالعدلية
      مثل كوكوز

      في مطاعم بشارع الشباب بالجفير
      اي مطعم موجود
      وكل الشارع مطاعم بتعجبك ان شاءالله

      المطعم اللي بالسيف عند جهة العاب الاطفال تلاقي
      كاتبه عنه في تقرير النحشه مالي ههههه

      اسم المطعم رنديفوو

      بوفيه منوع وسعر زين
      ويعطيك العلفيه

      السينما ممكن تسالهم اذا يدخلون الطفل قبل لا تقص التذكره
      واخذ معاك بطانيه للطفل لان السينما بارده ثلج هههه
      انا ثلجت فيها
      واي شي احنا حاضرين للاجابه

    • #7055
      Maktoob
      مدير عام

      اي نسيت اخوي
      ياريت تروح جزر امواج
      مكان جمييل وجديد بيعجبك
      كله مطاعم وجلسات حلوووة
      وعليك بالعافيه

    • #7056
      Maktoob
      مدير عام

      ما قصروا الجماعة ربي يعطيهم العافية
      بس حبيت أضيف لك مطعم أكله حلو بس مكانه صغير وهو موتي محل بشارع الجفير

    • #7057
      Maktoob
      مدير عام

      صراحة أخوي/أختي آنا أحلى مطعم عندي ولا يعلى عليه مطعم ليلو واتوقع مكانه بالعدلية بس صراحة ما يتطوف وأكله بسيط ولذيذ بنفس الوقت.

Viewing 9 reply threads
  • يجب تسجيل الدخول للرد على هذا الموضوع.