ارجوا من خبراء ايطاليا مساعدتي في شهر العسل و المقرر بعد شهر

منتدى المسافرون العرب منتديات أوروبا استفسارات ايطاليا ارجوا من خبراء ايطاليا مساعدتي في شهر العسل و المقرر بعد شهر

Viewing 13 reply threads
  • الكاتب
    المشاركات
    • #12932
      Maktoob
      مدير عام

      السلام عليكم و الرحمه اخواني آبيكم تساعدوني بمخطط شهر العسل بيكون 3 اسابيع او زيادة كم يوم
      و اذا تشوفون انه متعب اتمنى احد يعدلي هو

      باريس 5 ايام بالقطار على انسي يومين
      و من انسي لجنيف آو مونترو بالسياره 4 ايام السكن في وحده منها
      و بعدها بالسياره الى انترلاكن يومين
      ومن انترلاكن الي فينيسيا يومين ( ننزل السياره بميلان و نكمل قطار )
      و الرجوع من روما و السكن فيها 4 ايام للراحه او 5

    • #12933
      Maktoob
      مدير عام

      وعليكم السلام ورحمة الله وبركاته

      الاربع ايام حقت جنيف شل منها يومين وحطها في انترلاكن .. والسكن اسكن في لوزان او ديفون افضل وارخص
      وبعد انترلاكن تقدر تنزل مباشرة على ميلان مروراً بــ لوقانو .. ومن ميلان تقدر تطلع بالقطار على فينيسيا ساعتين ونص

      والف مبروك مقدما

    • #12934
      Maktoob
      مدير عام

      الله يبارك فيك اخويممكن فكره بحطها بعين الاعتبار شكرا جدا مواقف السيارات تاخذ رسوم واجد و شلون ؟؟! و تتوقعون بمر بطرق بالأجره كثيره ؟؟

      انتظر أرآء البقيه ..

    • #12935
      Maktoob
      مدير عام

      دامك بتسلم السيارة بميلان فأمورك طيبه لان ايطاليا كل ماتطلع خط سريع تلقى شباك وادفع
      ومواقف السيارات العامة ماهي غاليه اظن يورو او 2 يورو
      اما الفنادق اللي ماتوفر مواقف مجانية تعطيك مواقف بفلوس توصل احيانا 30 يورو لليوم

    • #12936
      Maktoob
      مدير عام

      والله محتاجكم ضروري بحجز هاليومين
      في اقتراحات تحسن من خط السير آو مكان يفضل ازوره ؟؟

    • #12937
      Maktoob
      مدير عام

      شف اخوي .. الاماكن كثيرة .. وكلها على حسب رغبتك .. انت وش تبي .. أرياف ولا مدن .. تبي جبال ومروج خضرا .. ولا شواطىء وساحل

    • #12938
      Maktoob
      مدير عام

      ابي التنوع و بنفس الوقت ما تكون بالحيل متعبه

      يعني باريس تختصر الشوبنق و الاجواء الحلوه
      انسي جميله عندي شعور بتعجب المدام جنننيف و ديفون و منترو و ايفيان نهائيا ما افقه فيها
      و انترلاكن طبيعه و خضار فينيسيا رغبة المدام مع اني اشوف انها بعيده و ما تستاهل ؟؟!
      و كنت بمر زيلامسي بس بعيدة و روما انا ودي امرها كم يوم

      وش رأيك انت ؟؟!!

    • #12939
      Maktoob
      مدير عام

      انت ماشاء الله مخصص 3 اسابيع يعني يمديك بإذن الله
      خل وصولك على ميلان واقعد كم يوم ومنها تقدر تزور فينيسيا وترجع او حتى تبات فيها ليلها دامها بالخاطر ..
      اخر يوم بميلان استأجر سيارة واطلع لوقانو ومنها على انترلاكن كم يوم
      وبعدها لوزان يومين ثلاثه .. من لوزان تقدر تزور جنيف وانسي
      وسلم السيارة في جنيف واطلع بالقطار على باريس والعودة منها

    • #12940
      Maktoob
      مدير عام
      حبيب قلبي

      أخونا تاب ما قصّر
      السؤال اللي يطرح نفسه
      هل حجزت ولا لا ؟
      لإن تخطيطك بإعتقادي مقلوب بعض الشيء
      إنزل ع روما
      والعودة من باريس
      البرنامج كالتالي
      روما
      البندقيّة
      ميلان
      ليوقانو
      ( كل مشاوريك بالقطار وممكن طيران لو تبي الراحة )
      توصل ليقانو
      تاخذ السيارة منها
      وتسلمها في جنيف
      وخلال كل هذه الفترة
      تكون السيارة معاك تخلص كل امورك الخاصة بالطبيعة والمرتفعات
      إنترلاكن وآنسي ولوزان ووو الكثير
      حتّى لو حبيت تضرب مشوار لزيلامسي عادي براحتك
      الأهم
      السيارة تاخذها من ليوقانوا ( لوقانو )
      وتسلميها بجنيق القسم لاسويسري عشان تكون الأسعار طيبة ولا ياخذون رسوم تسليم في دولة ثانية
      وتختم طبعا بباريس اللي تروح لها قطار أو طيران
      شخصيا ، أميل إلى إنّك تلغي روما
      لكن إذا ما عندك مشكلة مع الوقت وكذلك الأسعار
      أفعل ما تشاء
      يمكنك كذلك
      وببساطة
      وأريح لك
      تآخذ سيارة من روما
      وتسلمها في باريس
      بس عاد الله يعينك على الحسبة 🙂
      موفق ومبرووك مقدما يا عريس

       

    • #12941
      Maktoob
      مدير عام

      اشكركم كل الشكر ..للحين ما حجزت بس خلاص باخذ بخطة الاخ ماجد و ببدأ أحجز هاليومين ..

      السؤال الفنداق فيأحتاج فنادق بميلان تكون قريبه من اي مترو و تكون 3 نجوم او 4 بس اسعارها متوسطه

      ثانيا تنصحوني اسكن بجنيف و ازور الضواحي بالسياره ولا العكس اسكن بديفون او منترو بس اخاف ديفون مافيها مثلا سوبر ماركت او صيدليه اذا احتجنا شي ؟؟

      ايضا انترلاكن هل اسكن فيها ام حولها لان الفنادق غاليه بعض الشيء

      سوف الغي روما شكرا على المخطط

    • #12942
      Maktoob
      مدير عام

      اذا تبي جنيف اسكن في لوزان .. ارخص لك حتى انترلاكن تقدر تسكن في Beatenberg .. منطقة مرتفعة 15 دقيقه عن انترلاكن حلوة وهادية
      ميلان اسكن بالدومو تصير محطة القطارات الرئيسية قريبة منك لا بغيت فينيسيا .. كم ميزانيتك لليله ؟

    • #12943
      Maktoob
      مدير عام

      السكن بالضواحي ما يتعدى مثلا 500

      ميلان 700
      باريس على حسب الفندق الي القاه مناسب لي

    • #12944
      Maktoob
      مدير عام
    • #12945
      Maktoob
      مدير عام

      شكرا جزيلا ما قصررت
      اخذت نظره على الفنادق و بختار منهم بإذن الله

Viewing 13 reply threads
  • يجب تسجيل الدخول للرد على هذا الموضوع.