استفسار عاجل جدا

Viewing 7 reply threads
  • الكاتب
    المشاركات
    • #14584
      Maktoob
      مدير عام

      السلام عليكم إ خواني طلبتكم الفزعه

      أنا إ ن شاء الله بسافر في شهر اوقست سويسرا وفرنسا والمانيا ومابعد سويت حجز فنادق ولاطيران وابي مشورتكم

      انا حاط ببالي بالنسبة لسويسرا : جنيف وانترلاكن وزيوريخ ولوقانو
      يعني جنيف 7 ايام وطبعا هالسبعة ايام بيكون من ضمنها القرى الفرنسيه على الحدود السويسريه وودي تذكرون هالقرى كلها لي وحيكون من ضمن ال7 ايام مونترو
      وانترلاكن 6 ايام
      وزيوريخ يومين

      وميونيخ بالمانيا يومين

      ثم بالقطار من جنيف لباريس وحتكون المده بباريس 7 ايام

      فانا حبيت استفسر عن 1- رأ يكم في عدد الايام في جنيف كثيره والا قليله وهل المدن المحيطه بجنيف ممكن ادخلها من ضمن السبعة ايام اللي بقضيها بجنيف بحكم قربها يعني تبعد ساعه او 45 دقيقه على ماعتقد زي مونترو والاقليم الفرنسي كلللللله ( ولوقانو ) هل اخصص لها يوم اولا او تكون من ضمن السبعة ايام وانا ودي اجي كل شي واذا ممكن تذكرون الاماكن في جنيف وغيرها بالتفصيل من مطاعم واسواق واماكن ومتاحف ومتنزهات وكل شي يستحق الزياره
      2- رأيكم في عدد الايام في انترلاكن وهل ادخل من ضمن 6 ايام مدينه قريبه لانترلاكن اروح وارجع منها لانترلاكن بنفس اليوم
      3- رأيكم في عدد الايام في زيوريخ
      4- رأيكم في عدد الايام في ميونيخ الالمانيه ووش الاماكن اللي فيها تستحق الزياره و هل اوروبا بارك داخل ميونيخ والا في قريه اسمها رست والا وشو وكم تبعد
      5- رأيكم في عدد الايام في باريس 7 ايام هل تكفي لاني ابي اجي كل شي في باريس ماخلي ولاشي ووش الكافيهات اللي يجون فيها ربعنا من الناس الهاي والعوائل الهاي من السعوديين وخاصة اهل الرياض سواء امراء او اسر معروفه ابي اسماء الكافيهات اللي يركزون عليها هالطبقه
      وكم المصروف اليومي بباريس انا ادري انه يختلف من شخص لشخص لكن انا بروح متنزهات وبجي متاحف وبجلس بكافيه ومصروف اكل ياغداء ياعشاء بس واذا ممكن تقولونها بالريال السعودي
      وياليت تعطوني اسعار تذاكر لكل متحف بباريس واسعار تذاكر للمتنزهات وترانا 3 كبار بس
      مثل غابة بولونيا وغيرها من الحدائق وتذاكر برج ايفل وتذاكر كل متحف وكم سعر القهوه اوالكابتشينو في الفوكيت وفي المادريقال وفي الماريوت وفي لودوفيل وغيرها اذكروا انتوا اسعار الباقي
      وكيف انتقل داخل باريس هل التاكسي غالي علموني وش استخدم انا اسمع بالمترو والباص وش الاحسن من ذولي كلهن ووش الاوفر والاخصر للوقت في التنقل
      وبالنسبة لشرائح الجوال كيف الطريقه يعني اشتري شريحة فرنسيه والا استخدم الجوال السعودي
      وكم يجي في الشريحة الفرنسيه وكم سعرها وياليت احد يورينا شكلها
      وهل هنالك مشاكل باللغه حيث انني لا اجيد لافرنسيه ولا انجليزيه بس عربي
      وودي بقائمه شامله للكافيهات وقائمه مثلها للمطاعم ومثال على اسعار المطاعم العربيه وغيرها
      ووش الاسواق اللي تستحق الزيارة بباريس ( المجمعات)
      وودي اعرف هل للمصممين العالميين شركه اومكان اومحلات ازورها سواء ملابس نسائيه اورجاليه

      6- انا من الرياض فهل اخلي الرحله من الرياض لميونيخ الالمانيه اول شي ثم سويسرا ثم بعدها فرنسا
      والا الرياض ثم جنيف اوزيوريخ واطلع من ( زيوريخ ) سويسرا برا لميونيخ وارجع والا كيف

      تكفووووون طلبتكم انا متوهق مرررره انا قريت مواضيع المنتدى بس ماقدرت اركز ومحتاج ايضاح اكثر
      لاتخيبون املي فيكم الله يخليكم شاكر لكم تجاوبكم

    • #14585
      Maktoob
      مدير عام

      اخووي بس حطلي كم يووم اجازتك في اوربا … عشان اررتب لك سفررتك .. ومين اللي معك …

      وايش تفضل مدن .. وكم حدود السعر اللي تقدر علييه بالنسبه للفندق … وبعدها ابشرر بالخيير

    • #14586
      Maktoob
      مدير عام

      تسلم الله يبيض وجهك خوي بعدين اسافر

      انا تقريبا 24 يوم بقضيها بأوروبا
      واللي معي شخصين وانا الثالث كلنا كبار

      والمدن ابي اجي سويسرا كلها (جنيف +مونترو +لوزان +يعني مدن بحيرة جنيف وبحيرة ليمان كلهن +قرى الاقليم الفرنسي على حدود سويسرا +انترلاكن +زيوريخ )
      المانيا(ميونيخ ومايحيط بها إذا أمكن )
      فرنسا (باريس)
      الفنادق ( 3 نجوم ) لكن الفنادق مو مشكله أنا بتصرف فيها

      لكن ودي اسألك هل في باريس والشانز تحديدا فنادق رخيصه 3 نجوم وأقل وكذلك سويسرا وميونيخ الالمانيه
      وتكفى ابي تفاصيل عن كل التساؤلات اللي طرحتها بموضوعي ادري انه انا بتعبك لكن معليش والله محتار
      وماأستغني عن نصايحك وارشاداتك

      منتظرك خوي والف الف شكر لتجاوبك

    • #14587
      Maktoob
      مدير عام

      وكمان فيه لوقانو بسويسرا

    • #14588
      Maktoob
      مدير عام

      ابي اعرف الوقت اللي فيه باريس والشانز رجه وصرقعه وحركات ابي الوقت اللي فيه السعوديين كثير انا سمعت انه باوقست لكن ابي اعرف اي اسبوع باوقست تحديدا

    • #14589
      Maktoob
      مدير عام

      الايام صاروا 17 ترى واحذف زيوريخ السويسريه وميونيخ الالمانيه
      هل الافضل يورو ديزني والا يوروب بارك ؟ وش الافضل منهن للكبار ؟

    • #14590
      Maktoob
      مدير عام

      قلت لي 17 يووم فقط ..

      طيب وش رايك لو خلينها جنيف وماحولها ست ايام …

      وبعدها النمسا والمانيا خمس ايام .. وبعدها باريس ست اياام …

      وبعدين راح نقسم المدن … بس ترى باعتبار كل مدينه يومين فقط ماعدا باريس

      لانها فعلاا اقل شي ست اياام … والصررقعه على حسب الاجازة وتصادف

      هالسنه اووغست …خلنا من الصررقعه ذا الحين وقلي وش رايك بالتقسيم

      عشان نحدد المدن …

    • #14591
      Maktoob
      مدير عام

      تسلم خوي بعدين اسافر الف الف شكر لتجاوبك وانا اتابع مواضيعك ماتقصر
      بس خوي المانيا انا كنت حاط ببالي ميونيخ فيها لكن حذفتها وانا ابي اجي الدوله الوحده ولا اخلي فيها شي يعني اركز على المدن الرئيسيه بكل دوله وهذا يبيله ايام كثيره
      عشان كذا بستبعد المانيا والنمسا لان هالثنتين يبيلهم رحله لوحدهم تعرف (فيينا – سالزبورغ – زيلامسي- ميونيخ والغابة السوداء بادن بادن في المانيا ) شغله طويله وبتستهلك وقت وتنقلات لو اضفت عليهم جنيف بسويسرا ثم باريس
      أنا ابي اركز على سويسرا ( جنيف وماحولها مثل مونترو ولوزان بالاضافة للاقليم الفرنسي القريب من جنيف + لوقانو في جنوب سويسرا وهي قريبه من ميلانو الايطاليه يعني الاقامه في لوقانو واطلع يوم لميلانو وارجع + انترلاكن في وسط سويسرا )
      يعني سويسرا راح تكون من 4 اوقست الين 15 اوقست
      وباريس من بعد 15 اوقست ولمدة اسبوع
      انتظرك تكفى مامعي وقت
      وياليت ياليت ترجع للتساؤلات الموجوده ببداية سؤالي الاول لاني حريص على ادق التفاصيل

Viewing 7 reply threads
  • يجب تسجيل الدخول للرد على هذا الموضوع.