المره الاولى لي في uk

Viewing 4 reply threads
  • الكاتب
    المشاركات
    • #14141
      Maktoob
      مدير عام
      السلام عليكم ورحمة الله وبركاته

      اخواني….. انا إن شاء الله راح اقضي الاجازه في لندن في شهر نوفمبرالقادم . اليوم الحمد لله قدمت على الفيزا في المنطقه الشرقيه وكانت الامور تمام ولله الحمد ما اخذت معي اكثر من ساعتين . وان شاء الله راح تكون جاهزه بالكثير الاسبوع القادم . عندي اكثر من استفسار بما انها راح تكون هذه السفره الاولى لي في حياتي خارج العالم العربي .

      ماهي افضل الشركات السياحيه في المنطقه الشرقيه ؟ علما إن المده راح تتراوح بين 710 ايام في لندن والميزانيه مابين 15000-19000ريال مع التذاكر والفندق هل هي كافيه علما ان ما عندي بطاقه إتمان .. كاش فقط
      هل هنالك اجراءت في المطار بما انها اول مره لي في UK ؟
      هل هنالك مكان لتحويل النقود في المطار من الريال الى الباوند ؟ 
      هل صحيح انك تستطيع التنقل في لندن عن طريق underground بتذكره ليوم كامل ؟
      هل هنالك بالفندق صندوق امانات ؟ علشان اقدر احط اغراضي الشخصيه المهمه كالجواز وغيره …
      هل هنالك تكاسي موجوده في انتظار القادمين زي ماهو في السعوديه ولا لا ؟
      هل هنالك اماكن لبيع الشرائح ؟؟ 

      واعذروني على كثرة الاسئله بس ودي اكون متاكد من كل شي قبل لا اسافر و اتوهق 

    • #14142
      Maktoob
      مدير عام

      أولا تروح وترجع بالسلامه يالغالي
      راح ابدأ بالاجابات بدون مقدمات اخرى :
      ج1 : المبلغ حسب صرفك اذا كان للتسوق فهو غير كافي وانصحك انك تقتصد علشان يمشي معاك المبلغ
      ج2: الاجراءات في المطار سهله جدا ولا توجد تعقيدات
      ج3 : لا اتذكر اني شاهدت تحويل نقود في المطار .. لكن انصح بالتحويل في المملكه والباقي يكون في الرصيد اامن لك
      ج4: الاندرقراوند تقدر تاخذ تذكره لرحله او ليوم او لاسبوع ولك الخيار 
      ج5:غالبيه الفنادق فيها صندوق امانات وهذا الشي تستفسر الفندق عنه 
      ج6: هناك شركات في المطار للنقل ممكن الاخوه يفيدونك فيها لانني لم استعملها قط
      ج7: الشرائح موجوده بكثره في شارع ادجوررود وغيرها لكن انصحك بشريحة ليبارا فهي رخيصه للاتصال الدولي
      ………..
      ان شاء الله اكون وفيت معاك وتروح وترجع بالسلامه

    • #14143
      Maktoob
      مدير عام

      الله يسلمك يالغالي 
      بالنسبه لتسوق ما عندي نيه اني اتسوق بس ودي اتمشى فقط 
      وبالنسبه للفلوس عندي بطاقه صراف وفيها مبلغ طيب غير اللي ذكرته لضروره القصوى 
      سمعت من بعض الناس انه لا ينصح بالتجول بعد الساعه 9 ليلا !!فهل هذا الكلام صحيح؟
      وهل سوف يكون في شهر نوفمبر ((برد))

      وفي انتظار بقية الاعضاء 

    • #14144
      Maktoob
      مدير عام

      الصرف موجود بمطار هيثروا صراف.. لاتحاتي
      البطاقات والشرايح ليبارا اتصال دولي / وخذلك اورنج خمسة باوند للبلاك بيري او فودا فون او أو تو
      الأندرقراوند تقدر تتمشى بتكت يومي لكن تقدر تاخذ اويستر تشحنها لمدة اسبوع تطلع اوفر عليك
      التكاسي اول ماتطلع تلقاهم ولكن انصحك تحجز ميني كاب اوفر لك بقيمة قد تصل لنصف السعر.. شوف موضوع القطري فيه طريقة حجز ميني كاب
      الفنادق الغالبية وليس الكل فيه صندوق امانات وعادة يكون الصندوق داخل الغرفة

      سؤالك عن المكاتب السياحية بالشرقية ياترى ليش؟؟ منت في حاجة لهم ابداً دور بالنت الخطوط الارخص واحجز عليها وشفلك فندق مناسب واحجزه وانتهى الموضوع

      العملية اسهل مما تظن وبالتوفيق

    • #14145
      Maktoob
      مدير عام

      هلا فيك أخوي .. أهنيك على توجهك للندن ..

      واعتقد ان الاخوان والاخوات ماقصروا معاك ..

      لكن .. بخصوص المكاتب السياحية .. أنا بالكويت ..

      أنا دشيت على النت .. ودشيت على كل الخطوط القطرية الكويتية الامارتية الاتحاد الخليج البريطانية الهولندية .. الخ

      وشف اسعارهم .. وضبطت معاي القطرية ..

      ورحت لمكتب الخطوط القطرية نفسها موجودة عندنا بالكويت .. وحصلت نفس السعر اللي بالنت ..؟!

      والفندق بحثت بالنت .. وضبط معاي فندق اسمه central park hotel .. فيه خزان امانات داخل غرفتك انت تحط الرقم السري ..

      نجي على موضوعنا .. وعجبني سعرهم .. 5 ليال بـ 160 د.ك .. مادري كم ريال ؟؟

      ورحت لمكتب لحجز الفنادق فقط !! .. وقلت أبي الفندق الفلاني .. وخذيته نفس السعر بالضبط ؟!

      انت أبحث بالنت وخطط .. وشوف شنو الارخص .. وروح أحجز من المكاتب .. بس أنصحك .. إذا تبي تحجز مثلاً على الامارتية .. تروح لمكتب الخطوط الاماارتية تكون أرخص من المكاتب السياحية اللي تاخذ عمولة جداً بهيظة ..

      وبالتوفيق لك أخوي ورحلة ممتعة بإذن الله ~

Viewing 4 reply threads
  • يجب تسجيل الدخول للرد على هذا الموضوع.