المصروف في لندن

Viewing 17 reply threads
  • الكاتب
    المشاركات
    • #14121
      Maktoob
      مدير عام

      السلام عليكم ورحمة الله وبركاته

      حبيت اعرف شو رايكم في فندق ذاستل ماربل ارج

      وشو الاماكن اللي اقدر اروح لها مشي من الفندق خاصه الاسواق والحدايق

      وابا اعرف المصروف لمدة 12 يوم كم يكفي غير شامل (الفندق + التذكرة).

      واريد اعرف وين في محلات حلوه اتبيع ملابس شباب اعمارهم من 12 سنه الى 17 .

      اتريا ردودكم 🙂

      وربي يجزيكم الجنة

    • #14122
      Maktoob
      مدير عام

      وعليكم السلام ورحمة الله وبركاته

      هلا وغلا الغالي ..

      الفندق هو المفضل لدي للأمانه بسبب ان الغرف حجمها كبير ..

      وتقدر أتروح أغلب الأماكن مشي وخصوصاً إذا انت اتحب لمشي فراح تستانس ..

      الهايدبارك وشارع اكسفورد وأدجول رود قريبه منك وااااااجد ..البيكاديلي قريبه منك ..هارودز في الطرف الثاني من الهايدبارك وتقدر اتروح له مشي ..الكوفنت قاردن قريبه منك وتقدر اتروح له مشي ..

      على مسئوليتي ..أسكن الفندق وانت مرتاح ..

      وأي خدمه أحنا تحت أمرك الغالي ..

    • #14123
      Maktoob
      مدير عام

      تسلم اخويه والله ماقصرت بس عندي استفسار تنصحني باي تاكسي اروح من المطار للفندق ومن الفندق للمطار؟

      وبغيت اعرف بعد المصروف لمدة 12 يوم كم يكفي غير شامل (الفندق + التذكرة).

      واريد اعرف وين في محلات حلوه اتبيع ملابس شباب اعمارهم من 12 سنه الى 17 .

      و بطاقة التلفون من وين اخذها من مطار هيثرو ولا من وين؟؟

      وشو احسن نوع؟

    • #14124
      Maktoob
      مدير عام

      ليش تبون تاكسي !! التاكسي بياخذ عليكم 55 باوند من المطار لين الفندق :108:

      أما الميني كاب بياخذ 35 باوند ..:24:

      وتقدرون تاخذون القطار بس يعتمد على عددكم كم :114:

      والملابس مابين 12 إلى 17 أنصحج في برايمارك في اكسفورد ..أسعاره روعه ومحلهم كبير واجد:101:

      ونفس الوقت شارع أكسفورد كله محلات ويصلح لمختلف الأعمار ..

      والمصروف يعتمد على عددكم كم !! ونفس الوقت وين راح ايكون أكلكم:114: هل أكلكم بيكون في السكن او كله في المطاعم !!

      وكرت التلفون أخذيه من المحلات الي في ادجول رود ..انا عن نفسي أستخدم فودا فون هناك ..

      واي خدمه أحنا في الخدمه ..

    • #14125
      Maktoob
      مدير عام

      الميني كاب لازم احجز قبل بكم يوم وعن طريق شو؟

      انا بسير مع اختي واخوي الصغير

      الفندق عليه وجبة الافطار فقط

      وعن كرت التلفون سمعت عن شبكة 3

      شو رايك فيها؟؟

      وهل بحصل شبكة تلفون في مطار هيثرو

      نحن بنكون هناك انا واختي واخويه الصغير

      وجبة الفطور بتكون في الفندق اما الوجبات الثانية بتكون في المطاعم

      وعن كرت التلفون شو رايك ف شبكة 3 !

      هل بحصله في مطار هيثرو ولا وين؟

      وشو من شبكات التلفون اقدر اشتريها من مطار هيثرو ؟؟؟

      السموحه عالازعاج

    • #14126
      Maktoob
      مدير عام

      نحن بنكون هناك انا واختي واخويه الصغير

      وجبة الفطور بتكون في الفندق اما الوجبات الثانية بتكون في المطاعم

      وعن كرت التلفون شو رايك ف شبكة 3 !

      هل بحصله في مطار هيثرو ولا وين؟

      وشو من شبكات التلفون اقدر اشتريها من مطار هيثرو ؟؟؟

    • #14127
      Maktoob
      مدير عام

      وبغيت اعرف عن صندوق الامانات هل موجود في ذاستل ماربل آرج في الفندق ولا بس الغرف

      ووين اامن نترك جوازاتنا؟

    • #14128
      Maktoob
      مدير عام

      هلا وغلا أختي ..

      وبالعكس أبركها من ساعه ولا فيه أي أزعاج 🙂

      الواحد يتشرف انه يعاون معاكم ..

      بالنسبه للميني كاب ..أما تتصلين فيهم او ادزين لهم أيميل أو فاكس قبل السفر بيوم او يومين ..وكل ماكان الحجز بدري كل ماكان أفضل ..

      وبما أنكم 3 فالأفضل لكم والأوفر هو الميني كاب ..

      بالنسبه لشركة 3 جي ..سمعت عنها في سفرتي الأخيره الي كانت في شهر 5 ..الشركه هذي بالذات امدحوا قطعة الفلاش الي تنحط في الاب توب عشان يشبك على النت من أي مكان في لندن ..بس بالنسبه للجوال ماعندي خلفيه عنها ..خلفيتي في هذي الشركه هي القطعه مالت النت ..وماأدري الصراحه إذا كانوا ايبيعون كروت في المطار ولكن اتوقع انهم يبيعون في المطار ..

      وصندوق الامانات موجود في الغرف في فندق ثيستل فلاأتشيلين هم 🙂

      وخلي الجوازات وأغراضكم في صندوق الأمانات الي عندكم في الغرفه ..
      هذا عنوان الميني كاب

      AIRLINE CAR SERVICE
      A London P.C.O Registered Company.
      Licence Number: 00338/01/01
      Phone:+44 020 7433 3330
      Fax:+44 020 7794 1780

       

      وأي سؤال راح اتلاقينا بالمرصاد :11ight:

       

    • #14129
      Maktoob
      مدير عام

      السلام عليكم و رحمه الله و بركاته …

      شكلي داخل عرض بس حبيت استفسر منج اختي انا شفت لج رد في موضوع ثاني انج حجزتي في ثستل ماربل ارج !!!

      ممكن اعرف اب كم حجزتيه و عن طريق النت و لا مكتب و لو مكتب شو اسم المكتب ؟؟؟ لاني ناوي اسير لندن تاريخ 15-7 الى 25-7

    • #14130
      Maktoob
      مدير عام

      اذا تبين محلات حلوه عندك ريجنت ستريت وسليفرجز اللي في اكسفورد
      احلا الماركات هناك
      بريمارك في اكسفورد مقابل تستل ماربل آرش بس للامانه انا اخذت منه وتراه رخيص مرررره لكن مافيه اي جوده من اول غسله ينعدم

    • #14131
      Maktoob
      مدير عام
       المشاركة الأصلية كتبت بواسطة Abu_Dhabi مشاهدة المشاركة
      السلام عليكم و رحمه الله و بركاته …

      شكلي داخل عرض بس حبيت استفسر منج اختي انا شفت لج رد في موضوع ثاني انج حجزتي في ثستل ماربل ارج !!!

      ممكن اعرف اب كم حجزتيه و عن طريق النت و لا مكتب و لو مكتب شو اسم المكتب ؟؟؟ لاني ناوي اسير لندن تاريخ 15-7 الى 25-7

       

      عليكم السلام والرحمه

      حي والله ولد بلادي 🙂

      هيه انا حجزت

      لشخصين + طفل

      شفنا السعر في Booking.com online hotel reservations بدون الضريبه وبدون الريوق

      واتصلت للفندق وحجزنا عن طريقهم مباشره ب2184 باوند تقريبا =) مع الريوق والضريبة

      لو تبا عن طريق مكتب اتصل زوم للسفريات ف دبي اسعاره وايد زينه اتصل البداله وبيعطونك الرقم ، كلم محمد عبدالرحمن 🙂

      واذا بغيت تسال عن شي

      لا يردك الا الكيبورد :109:

    • #14132
      Maktoob
      مدير عام

      احنا اربعه اشخاص كم يبغالنا مصروف لليوم الواحد بدون السكن والتزاكراهل الخبره افيدوني وجزاكم الله خييييييييييييييييير

    • #14133
      Maktoob
      مدير عام

      بالنسبه للاكل الوجبه الرئيسيه للشخص بحدود 15 باوند في المطاعم العربيه ولا تنسى اكل ثلاثه يكفي اربعه.

      بالنسبه للتاكسي المشوار داخل لندن من 5- 15 باوند حسب المسافه

      الباص رخيص للشخص الواحد حدود 4 باوند طول اليوم والاسبوع اوفر

      والاماكن السياحيه بعضها مجاني والاغلب في حدود 25باوند للكبير و 17 للصغير للدخول

      وادا بتتقضون من البقالات العربيه بحدود 50 باون بتكفيكم حق 5 اايام من مجاميعه.

      هدا من من واقع خبره وانا الحين في لندن:24:

    • #14134
      Maktoob
      مدير عام
       المشاركة الأصلية كتبت بواسطة ماجد_0001 مشاهدة المشاركة
      بالنسبه للاكل الوجبه الرئيسيه للشخص بحدود 15 باوند في المطاعم العربيه ولا تنسى اكل ثلاثه يكفي اربعه.

      بالنسبه للتاكسي المشوار داخل لندن من 5- 15 باوند حسب المسافه

      الباص رخيص للشخص الواحد حدود 4 باوند طول اليوم والاسبوع اوفر

      والاماكن السياحيه بعضها مجاني والاغلب في حدود 25باوند للكبير و 17 للصغير للدخول

      وادا بتتقضون من البقالات العربيه بحدود 50 باون بتكفيكم حق 5 اايام من مجاميعه.

      هدا من من واقع خبره وانا الحين في لندن:24:

      50 باااااوند لمدة 5 ايااااااااام ولوووووو احس قليل جدا

    • #14135
      Maktoob
      مدير عام

      اما بالنسبه للمصروف هذا راجع لك اما بالنسبه للفندق -حلو حيل واجزم غرفه اكبر غرف فى لندن انا اتكلم عن الغرف التى ليست استاندر — وبالنسبه للفندق ميه بالميه
      فيه بيت شعر فيه هذا الفندق
      اكيد زينن دايم ريمه وطت فيه — بنتن تزين كل قاعن وطتها
      اتمنى لك التوفيق

    • #14136
      Maktoob
      مدير عام

      السلام عليكم محلات شارع الاكسفورد ستريب فيها كل الاسعار المناسبه وبذات بريمارك سعره مناسبه وفي تنقل الاندرجروند افضل واستخدام شبكه لايكا اوفر في الاتصال .. الله يوفقكم في رحلتكم

    • #14137
      Maktoob
      مدير عام
       المشاركة الأصلية كتبت بواسطة بنت الفيصل مشاهدة المشاركة
      50 باااااوند لمدة 5 ايااااااااام ولوووووو احس قليل جدا

      5 دجاج 10 باوند
      4 كيلو رز 7 باوند
      زيت ا ليتر 3 باوند
      2طبق بيض صغير3باوند
      جبن 2 باوند
      سكر 2باوند
      ملح 1 باوند
      هامبرغر 2 باوند
      قهوه عربيه ربع كيلو 4 باو ند
      هيل 3 باوند
      المجموع 37 باوند يبقى 13 باوند ازا انا تاسي شي:24:

    • #14138
      Maktoob
      مدير عام
      اقتباس المشاركة الأصلية كتبت بواسطة ورد طايفي مشاهدة المشاركة
      الميني كاب لازم احجز قبل بكم يوم وعن طريق شو؟

      انا بسير مع اختي واخوي الصغير

      الفندق عليه وجبة الافطار فقط

      وعن كرت التلفون سمعت عن شبكة 3

      شو رايك فيها؟؟

      وهل بحصل شبكة تلفون في مطار هيثرو

      السموحه عالازعاج

      مرحبا

      اذا كنتي بس سياحة جايه انصحك بطاقة ليبارا ممتازه جدا للاتصال الدولي على الخليج وسعره متوفر 5 باوند او 10 باوند اللي ودك صح مافيه شغلات مثل الواسائط او الاتصال المرئي بس ممتازه اقتصاديا .

      بالنسبة اللمواصلات اذا انتم 3 ما ادري اشوف ااذا تروحوا على القطار السريع من هيثرو الى محطة بتنقتون مره حلو وسريع 15 دقيقة وانتي في المحطه وقريب من شارع العرب اجور رود بس يعتمد على كم شنطه عندك اذا مو كثير انصحك فيه قيمة التذكرة للشخص 23 ياوند والفائده الاكبر تكون العوده مفتوحه وصالحه لشهر من الاستخدام .

      تقبلي تحياتي سفره سعيدة

Viewing 17 reply threads
  • يجب تسجيل الدخول للرد على هذا الموضوع.