ساعدوني والله لي اسبوعين حايسة بالتقارير

منتدى المسافرون العرب منتديات أوروبا استفسارات المانيا ساعدوني والله لي اسبوعين حايسة بالتقارير

Viewing 14 reply threads
  • الكاتب
    المشاركات
    • #15894
      Maktoob
      مدير عام
      اتمنى تساعدوني لأني لي اسبوعين حايسه بالمواقع والتقارير
      انا رحلتي راح تكون في 12 اكتوبر الى 23 اكتوبر على الخطوط الألمانية
      من الرياض فرانكفورت والعودة مونخ الرياض
      تم حجز الفنادق والاكواخ
      اول يوم راح نوصل بنستأجر سيارة من المطار (تم حجزها) طبعا الوصول بيكون 6 الصباح ونطلع رست على طول بنجلس فيه 3 ايام
      ودي مكان قريب نطلع له بعد مانوصل لاننا بنوصل بدري ان شاءالله وش ترشحون ؟؟ستراسبورغ ولا بادن بادن؟؟واليوم الثاني
      يوم بيكون كامل في يورب بارك
      والثالث طبعا ياستراسبورغ او 
      بادن بادن
      اوت ليت ميتزقين
      أولم
      قصري نيوبيرغ وقلعة الملك المجنون,,,
      اليوم الرابع بنطلع لقارمش وبنجلس فيها 3 ايام بعد واستأجرن كوخ بلوتاش
      اول يوم بيكون في قارمش التمشي في السنتر والتلفريك وبحيرة ايبسي والخوانق المائية
      الثاني بطلع على قرية فوسين وشونغوا
      وبشونغوا بنروح 1
      وبحيرة
      Alpsee – قصر نويشفانشتاين ( Schloss Neuschwanstein )
      اليوم الثالث ايش ترشحون وين نروح؟
      بعدها بنروح لكابرون وبنجلس 4 ايام
      يوم في سنتر كابرون والقمة الثلجية والتلفريك وبننزل على زيلامسي
      ويوم في سالزبورغ والمناطق اللي حولها
      ويوم نطلع على زيلامسي
      ويوم سيفيلد وانسبروك
      واليوم الخامس بنطلع لميونخ وبنجلس فيها يوم وبعدها العودة للوطن…
      ايش رايكم بالترتيب والتخطيط وش اللي يحتاج لتعديل
      ساعدوني تكفون !!
      وعلى فكرة حنا 3 اشخاص كبار
      وشكرا’’’
    • #15895
      Maktoob
      مدير عام

      اول يوم روحوا بادن بادن .. وثاني يوم يوروبا بارك .. واليوم الثالث آوت لت ميتزغن وشتوتغارت

      وثالث يوم في قارمش روحوا القمة ..

    • #15896
      Maktoob
      مدير عام

      حلو وين هذا الاوت لت؟؟؟طيب ودي اروح لستراسبورغ قريبة من الاوت لت؟وشكرا على الرد ..

    • #15897
      Maktoob
      مدير عام

      بحيرة تستسي
      بحيرة المملسي
      فرايبورغ وتلفريكها
      وانتم رايحين اولم على الطريق بيجيكم اوت لت ميتزيقين
      شتوتغارت تبعد عن بادن حوالي ساعه ,,,, تستحق الزياره

      اي شي انا بالخدمة ,,,,, لاتترددي

    • #15898
      Maktoob
      مدير عام

      هلا وغلا بقايد عنادك
      نورت موضوعي,,,
      طيب ودي ادخل كولمار واحذف اولم وشرايك
      وكيف ترتيب المناطق تحسها مرتبة جنب بعض ولا فيها ارهاق
      بالنسبة لروست وقارمش وكابرون
      ومشكووور مقدما
      ساعدني الله يجزاك خيييير

    • #15899
      Maktoob
      مدير عام

      كولمار جميلة و قريبة من رست تقريبا 50 كم تستاهل

      أولم تمرون عليها بطريقكم لقارمش وكابرون آخر حاجة

    • #15900
      Maktoob
      مدير عام

      السلام عليكم و رحمة الله و بركاته

      اهلا saboooo

      الأخوة الكرام ما قصروا بالردود

      اقترح عليك هذا الترتيب

      بادن بادن 2 ليلة
      فرايبورغ 3 ليال
      كابرون 4 ليال
      قارميش 2 ليلة
      ميونخ 4 ليال

      تم توزيع الأيام حسب الأماكن السياحية

      يمكنكم زيارة أوروبا بارك من فرايبورغ افضل و أتمنى تدخلوا على رابط البارك و تحجزوا التذاكر من النت لان احيانا اسعار التذاكر تكون اقل بكثير و يفضل تتأكدوا أنها مفتوحة قبل الذهاب
      Europa-Park – One of the world´s leading themeparks

      من الكابرون يمكن الذهاب يوم لسالزبورج و العودة آخر اليوم

      يمكنكم زيارة قلعة newschawnstein و قصر linderhof من قارميش
      و أيام ميونخ تزوروا قصر نيوفمبرج بالترام من منطقة الhaupbahnhof
      يوم جولة داخل ميونخ بالباص السياحى او لحالكم بالمواصلات العامة ( الاندرجراوند ) يفضل تسلموا السيارة بمجرد وصولكم على ميونخ لان المدينة مزدحمة جداً بالسيارات

    • #15901
      Maktoob
      مدير عام

      مشكوورين على الردود
      بالنسبة للأخ Sheriok انا خلصت وحجزت والمبالغ غير مسترجعة
      انا بجلس برست 3 ايام
      قارمش 3أيام
      كابرون 4ايام
      ميونخ ليلة وحدة
      المجموع 12 ليلة بس انا اقصد المدن القريبة من المناطق اللي بسكن فيها,,,

    • #15902
      Maktoob
      مدير عام

      وانتي برست الاقرب لك 
      فرايبورغ
      الشرق الفرنسي
      بادن
      شتوتغارت
      اولم
      تنازليا بحسب البعد عن رست
      جدولك ترتيبه كويس ,,,,, وانتو في الطريق من قارمش الى كابرون راح تمرون انسبروك راح تكون بالطريق (اخلصو منها بالمره)

      اي شي تبين قولي واحنا حاضرين

    • #15903
      Maktoob
      مدير عام

      الله يعافيك ماقصرت الشرق الفرنسي قصدك ستراسبورغ وكولمار
      ’’’

    • #15904
      Maktoob
      مدير عام

      نعم سترازبورغ وكولمار

      ونصيحه لاتحطينها في الاولويات ,,,,, ( احتيااطيا)

    • #15905
      Maktoob
      مدير عام

      الله يجزاك خير ماقصرت
      طيب قارمش وش ترشح وين نروح ثالث يوم
      اول يوم قلت نتمشى بالسنتر والجبل الجليدي والتلفريك
      والثاني فوسين وشوانغو
      بس الثالث ماعرفت؟؟
      ساعدني

    • #15906
      Maktoob
      مدير عام

      من جد حايسة هههههه

      قارمش بالبداية قلتي

      اول يوم بيكون في قارمش التمشي في السنتر والتلفريك وبحيرة ايبسي والخوانق المائية
      الثاني بطلع على قرية فوسين وشونغوا

      والحين
      اول يوم قلت نتمشى بالسنتر والجبل الجليدي والتلفريك
      والثاني فوسين وشوانغو

      طيب والخوانق وبحيرة ابسي وين راحت 

    • #15907
      Maktoob
      مدير عام

      اشوا انك حسيت انا حاطة في بالي ان البحيرة اليوم الاول بعد ..احس حسافة اخليها يوم لحالها
      او احطها اليوم الثالث بس لازم معها شي بس وشو هذا الشي والخوانق المائية قريت انا تسكر في اكتوبر ..
      وايش رايك بترتيب كابرون

    • #15908
      Maktoob
      مدير عام

      شلال كريمل عندك
      وايضا قرية هالشتات
      اوت لت سالزبورغ لحاله يحتاج يوم كامل ,,,, خصوصا في وجودكم يالحريم

Viewing 14 reply threads
  • يجب تسجيل الدخول للرد على هذا الموضوع.