تقارير ماليزيا - استفسارات ماليزيا

  • الكاتب

    موضوع

  • #15279

    السلام عليكم .. رحلتي الى كوالا يوم 1 اوقست

    عندي عدة استفسارات

    لما احجز عن طريق البوكينق .. وخاصية ادفع لاحقا

    هل يعني ادفع في الفندق او ادفع قبل وصولي بيومين

    وتنصحوني احجز ادفع لاحقا او غير مسترد عشان اثبت الحجز

    الاستفسار الثاني

    انا كنت حاجز في لنكاوي ليلتين وكلها في وستن ودفعت فلوسها عن طريق الفيزا
    عدلت ب حجوزاتي واضفت ليله في لنكاوي
    كان وصولي 4 اوقست وصار 3 اوقست

    وش تنصحوني اسكن بالليله الاولى الجديده
    في وستن نفسه ولا اشوف منتجع ثاني
    واذا منتجع ثاني وش تنصحوني فيه ل ليله واحده

    الاستفسار الثالث

    حاجز ثلاث ليالي في فندق لون بين في بينانغ

    والبعض نصحني اغيره

    محتار بين اربع فنادق
    هوليدي ان و قولدن ساندس و فلامينقو و بايفيو
    مع استبعاد الاثنين الاخيره

    الاستفسار الرابع

    في كوالا حجزت 5 ايام

    4 ايام في فندق وستن

    و اليوم الاخير في فندق تريدرز

    اخليها فندق واحد ولا ابقى على التنويع

    اللي يسألني ليش

    اختصر الكلام .. يوم 14 اوقست هو مرور سنه على زواجي وحجزي بالفندق راح يكون هوني موون ..

    والسؤال المهم والاخير ..

    لما احجز في البوكينق .. يكون السعر مثلا 2000

    اتفاجئ ياخذون تقريبا 2200

    مثل ما صار في فندق وستن لانكاوي اخذوا اكثر

    هل هو ضرائب ولا ايش بالتحديد

    نخلص من استسفارات الحجوزات عشان بعدين انزل موضوع استفسارات عن طريقة حجوزات الفعاليات والرحلات اليوميه والتمشيه

Viewing 7 reply threads
  • الكاتب
    الردود
    • #15281 | نشر في: :--0--1
      وعليكم السلام ورحمة الله وبركاتة

      بداية مرحبا بك في هذا الصرح الشامخ


      وان شاء الله نساعدك باللي نقدر عليه


      بالنسبة الى لنكاوي خلي الحجز كله في ويستن 


      نجي الى بينانج 


      فندق لون بين ماعليه كلام ممتاز


      واذا تبي تغير الفندق 


      فعندك القولدن ساندس خيالي الى ابعد درجة


      انا جربته وسكنت فيه ورحلتي القادمة حاجز فيه ايضاً


      اطلالة ع البحر خرافية
      مرافق ممتازة
      افطار متنوع
      نظافة 
      وجود شطاف في بعض الغرف


      نجي الى كوالا 


      فندق الويستن ممتاز
      وفندق التريدرز خيالي يكفيك الاطلالة ع البرجين


      انا نزلت في التريدرز وكان ممتاز


      في عربة قولف تنقلك الى مجمع سوريا ذهابا واياباً


      لكن اذا انت تبي تسكن في شارع العرب


      فخلها 3 ايام تريدرز
      ويومين ويستن


      بالنسبة لي ماحب السكن في شارع العرب

       

    • #15284 | نشر في: :--0--1
      هلابك اخوي بين اخوانك
      بالنسبة لطريقة الحجز عن تجربة احجز مسترد وادفع لاحقا في الفندق
      وماياخذون ولا ريال الدفع راح يكون في الفندق
      وبحصوص زيادة المبلغ بعد الحجز وهو الضرائب والرسوم تخصم مع الحجز
      وبخصوص لنكاوي لاتغير حجزك اجعل كامل المدة في الويستن ممتاز جدا
      اما بينانج شف وانا اخوك هي 5 قنادق وكلها غ شاطئ واحد لو تحجز في أي واحد منهم يعتبر ممتاز
      وهي شانجريلا راسا و قولدن ساندس وبارك رويال وهوليدي ان ولون باين كلها ممتازه
      وبخصوص كوالا والله انت وجوك ومزاجك وش تحب هل المدينه والحياة الليله والتسوق والصخب فهناك شارع العرب
      اما اذا تبي الهدووء واجمل اطلاله في كوالا فلك بمنطقة البرجين انا مانصحك تقسم المدة بين فندقين
      الان المسافة بين البرجين وشارع العرب قريبه جدا
      بالتوفيق لك واي خدة نحن في الموعد
    • #15285 | نشر في: :--0--1
      وعليكم السلام
      اخوي قوانين المنتدى يجب ان تضع جميع استفساراتك في موضوع واحد
      لكن راح اجاوبك
      موقع بوكينج الدفع يكون عند الوصول للفندق إلا إذا كان حجزك غير مسترد او مشروط بتاريخ ( إلغاء قبل تاريخ معين )
      اما عن الدفع لاحقاً او غير مسترد فهو مجازفه
      لو كنسلت السفره لا قدر الله راح تخسر فلوسك
      —-
      بما انك حاجز ثلاث ليالي في الوستن ( منطقة كواه )
      فالأفضل الليله الأولى تحجزها في اشهر شاطئ ( بانتاي سينانج )
      حتى تتعرف على المنطقه و تعرف طبيعتها و محلاتها و مطاعمها
      عندك فندق كاسي ديل مار و فندق بيلانجي بيتش
      اختر احدهما لـ الليله الاولى
      —-
      انا عن نفسي اسكن في هوليداي إن لأنه نضيف و مريح و خفيف و موقعه استراتيجي و اهم نقطه رخيص
      —-
      انا مع تغيير الفنادق في المدينه الواحده و خصوصاً إذا كنت راح اجلس اكثر من ثلاث ليالي في المدينه
      لأنه شي بسيط التنقل و التغيير يعطيك نفسيه جديده
      —-
      المبلغ الزائد هو رسوم خدمه
      كل مدن ماليزيا تاخذ 10% رسوم خدمه
      +
      6% ضرائب
      إلا لنكاوي لا يوجد بها ضرائب
      إلا في لنكاوي فلا يوجد

       

    • #15287 | نشر في: :--0--1

      وعليكم السلام ورحمة الله وبركاتة

      انا انصحك في بينانج انك تاخذ فندق قولدن ساندس لانه فعلا مميز ورائع
      وبالتوفيق

    • #15288 | نشر في: :--0--1

      أنصحك تحجز بخاصية ادفع ﻻحقا وعندما تصل للفندق ادفع بالبطاقة ﻷنها الأوفر فيحسبون قيمة الصرف حسب النت في نفس اليوم أما إن طلبوا منك تأمين فادفع التأمين كاش وخذه عند خروجك أما لو دفعت التأمين بالبطاقة فسوف يتأخر المبلغ حتى يرجع إلى حسابك .
      أنا سكنت في هوليدي إن وهو رائع بمعنى الكلمة واقتصااااادي

    • #15289 | نشر في: :--0--1

      يعطيكم العافيه على الردود

      الحين باقي لي مشكلة بيننانغ

      وياليت اللي سكن الفندقين يفيدني

      احترت بين قولدن ساندس والهوليدي ان

      الفندقين غرفة مواجهة للبحر .. افيدوني اختار ايش
      ابي فندق نظيف وشواطئ نظيفه وفعاليات بحريه حليوه

    • #15290 | نشر في: :--0--1
      شف وانا اخوك دام انك تخيرت بين اثنين
      القولدن ساندس لا يعلى عليه في الباتو فرنجي
      الهوليدي ان ممتاز وارخص من القولدن
      وكلها ع شارع واحد وشاطئ واحد وقريبه جدا من بعض
      اذا اخترت أي واحد منهم ماراح تخسر كلها ممتازه ومجربه
    • #15291 | نشر في: :--0--1

      تقييم قولدن ساندس
      في بوكينج 8.5
      وفي أقودا 8
      وتقييم هوليدي إن
      في بوكينج 8
      وفي أقودا 7.9
      *** وهوليدي ان هو الأرخص طبعاً
      ** أنا جربت هوليدي ان ولكن لم أجرب قولدن ساندس
      وإن شاء الله الذين زاروا الاثنين يفيدونك أكثر .

استفسارات ماليزيا
تقارير ماليزيا

Viewing 7 reply threads

يجب تسجيل الدخول للرد على هذا الموضوع.