كلموني سفارة البراريل بالرياض ( توهقت )

منتدى المسافرون العرب منتديات امريكا استفسارات البرازيل كلموني سفارة البراريل بالرياض ( توهقت )

Viewing 9 reply threads
  • الكاتب
    المشاركات
    • #12766
      Maktoob
      مدير عام

      السلام عليكم

      اليوم العصر جاني رقم من الرياض غريب :0i1dl: رديت عليه الى صوت وحدة تتكلم عربي مكسر رايح فيها سألتني انت فلان ابن فلان …. قلتلها هو بزاتو …. قالت معاك سفاره برازيل …… قلت اهلا وسهلا بشروا؟؟؟

      قالت حجز السكن في اسم الفندق باقي عنوانه ورقم تلفون ….. قلتلها اولا الف مبروك فوز ريو بتنظيم اولمبيات ٢٠١٦ …. قالت شكرا …… قلت بس حبيت ابارك …….. قالت رقم تلفون وعنوان ناقص حق فندق ……. قلت طيب انا حجزت على النت ماعطوني رقم بس العنوان موجود وش الدبره ؟
      قالت خذ رقم فاكس وأرسلها بكره ضروري …. قلت هاتي 

      وش الدبرة يا جماعه الحجز كالعادة وهمي مثل التذاكر ممكن ادبر رقم الفندق والعنوان بس خايف يتصلون يتأكدون …. وانا ما ابي ارتبط بمكان واحد ونيتي ازرق لبونيس آيرس

      ،والله الوهقة 

    • #12767
      Maktoob
      مدير عام

      احجز بالفندق و بعد ما تجي الفيزا كنسله … بس تأكد أنه ما عليها رسوم و أنه مسترجع 

       

      على فكرة تحتاج إلى فيزا ارجنتينيه 

    • #12768
      Maktoob
      مدير عام

      [quote quote=12767]احجز بالفندق و بعد ما تجي الفيزا كنسله … بس تأكد أنه ما عليها رسوم و أنه مسترجع على فكرة تحتاج إلى فيزا ارجنتينيه [/quote]

       

      الله يعطيك العافية اخوي ليل ونهار على الرد السريع

      دبرت عنوان وقم الفندق الله يخلي غوغل 

      المهم كلمتهم قلت بحجز حااف قالو كلمنا بكره وابشر قلت خلاص ارسلهم عنوان ورقم الفندق بعد ما احجز وانشالله تتزبط الأمور

      وبخصوص الفيزا الأرجتينية ندور لنا مكتب سياحي هناك بريو يزبط الأمور خلال الكم يوم الي راح أقضيها بالمدينة وان ماحصالت فهم الخسرانين 

    • #12769
      Maktoob
      مدير عام

      الحين صارو يعقدون الناس امس تعبى النموذج وتدفع فلوس وتمشى واليوم يسوون مثل الشنقين!!!

    • #12770
      Maktoob
      مدير عام

      ابشركم طلعت الفيزا ومكتوب عليها VISTO

      شرينا التذاكر ونااااااااااسه 

    • #12771
      Maktoob
      مدير عام

      الف مبروووووووك الفيزا

      وتروح وتجي بالسلامه …. 

      وعقبال ما تنزل تقرير الرحله

      {{{{{{{ ياولد ما تبي خوووووي }}}}}} ــــــــــــــــــــــــ} امزززززح

    • #12772
      Maktoob
      مدير عام

      مبروك استخراج الفيزا
      انا كذلك طلعت لي يوم الاثنين الماضي
      سؤال / كم يوم وتنتهي صلاحية الفيزا؟
      وهل تبدأ فعالية أيامها من أول يوم استخراج، أو من أول يوم تسافر؟

      رعاكم الله

    • #12773
      Maktoob
      مدير عام

      [quote quote=12772]مبروك استخراج الفيزا انا كذلك طلعت لي يوم الاثنين الماضي سؤال / كم يوم وتنتهي صلاحية الفيزا؟ وهل تبدأ فعالية أيامها من أول يوم استخراج، أو من أول يوم تسافر؟ رعاكم الله [/quote]

       

      صلاحية الفيزا السياحية 3 شهور من تاريخ الصدور .. و شهر واحد من تاريخ دخول البلاد ..

      يعني عندك من اليوم الى بعد 90 يوم ، اذا ما سافرت تصبح الفيزا لاغية. واذا سافرت وقعدت اكثر من شهر ياويلك 

    • #12774
      Maktoob
      مدير عام

      ما أعتقد أنك تقدر تأخذ فيزة الأرجنتين في البرازيل لازم تاخذها من بلدك وأحسن لك تدق على السفارة الأرجنتينية وتتأكد لأني كنت ناوي اروح قبل 4 سنوات وكانتهم شروطهم صعبة شوي والفيزا تاخذ تقريبا 15 يوم ( ممكن تغيرت الشروط الأن ) وأعتقد سفارة الأرجنتين الي في البرازيل تخدم البرازيليين والمقيميين في البرازيل بفيز اقامة ولا تخدم السياح

      مع التحية

    • #12775
      Maktoob
      مدير عام

      شكرا لك أخي على المعلومة،

      أنا عندي 40 يوم < واسطات 

      طلبت تسعين يوم، لكن قالوا لي بإمكانك تزيد المدة من هناك،
      سؤالي، كيف أقدر أزيد المدة في البرازيل، وين المكان، والمتطلبات؟

      يحفظكم الله

      __________

       

Viewing 9 reply threads
  • يجب تسجيل الدخول للرد على هذا الموضوع.