لكل الخبراء واللي زار جنوب افريقيا في الصيف

منتدى المسافرون العرب منتديات أفريقيا استفسارات جنوب أفريقيا لكل الخبراء واللي زار جنوب افريقيا في الصيف

Viewing 5 reply threads
  • الكاتب
    المشاركات
    • #14284
      Maktoob
      مدير عام
      السلام عليكم ورحمة الله وبركاته 

      ومساكم الله بالخير 

      الله يسلمكم نحن ناوين السنه نزور جنوب أفريقيا 

      وبعد شهور من قراءة التقارير استقر الرآي عليها 

      ولكن استوقفني التوقيت 

      الكل يذكر الشهور المناسبه لزيارة جنوب أفريقيا ولكن 

      نحن اجازتنا في الصيف في شهر 8 يعني ماعندنا توقيت آخر 

      ضروري اعرف لأني يالسه أرتب الحجوزات 

      هل في هاي الفتره مناسبه أسافر فيها وياأسرتي ؟

      وكم تقريبا تكون درجة الحراره ؟

      البرد ممشكله وايد عندنا ولكن المشكله هي الامطار 

      هل هي من النوع اللي تكثر فيها الامطار في هالوقت بحيث ممكن تعيق رحلاتنا ؟

      وبعض الاخوان ذكروا انه في الشتا في بعض الاماكن السياحيه تتسكر 

      هل تسكر عشان يوم ممطر ولاتسكر في الشتا ع طول ؟

      وشو هي هاي الأمكان ؟

      من فضلكم لاتبخلون عليه بالاجابه ع كل الأسئله 

      ولاتتأخرون لأني لازم أضبط حجوزاتنا خلال هالاسبوع 

      أو الغي رحلتنا لجنوب أفريقيا وأبدأ أفكر في مكان غير

      وابدأ مرحلة البحث من جديد 

       

    • #14285
      Maktoob
      مدير عام
      وعليكم السلام ورحمة الله وبركاته

      ويسعدلي مساك أختي الكريمة أم عيسى

      والله ودي أخدمك بخصوص شهر 8 بالصيف

      قصدك هجري ؟

      يعني بين شهر 6 و 7 ميلادي

      بقولك اللي شفت بعيني وعشته

      اللي هو آخر شهر 10 أكتوبر و بداية 11 نوفمبر

      أجواء خياااالية مع نسبة أمطار بس مو كثيرة تعتبر

      والجو فيه لمسة برووودة

      والبرد للعائلة والأطفال مقلق ( نزلة برد وكذا )

      واجهتني أنا بالرحلة تعب ولدي الصغير تعب برد

      وفيه تقرير أبوعزوز

      رايح بشهر 8 اغسطس

      ذكر إن فيه بررررررد شديد

      وأنا ودي

      تروحين يكون الجو حلووووو

      والدنيا خضراء تفتح النفس

      والإجازة المفصله لذالك ( إجازة عيد الأضحى )

      هذا والله أعلم

      أعذريني ع المشاركة الغير كافيه

      والله يكتبلكم ما فيه الخيرة

       

    • #14286
      Maktoob
      مدير عام
      و عليكم السلام

      هلا أختي هداوة مساء الانوار

      قرار صائب و حتعجبكم كثير
      أنا زرتها بهالوقت و كل شئ كان شغال عدا الملاهي

      درجات الحرارة كانت مناسبة لنا و الاجواء كانت روعة
      بجوهانسبرغ و كيب تاون وقتكم 18 بالنهار و 8 درجات بالليل
      و هذي الدرجات مناسبة جداً
      لأني لما زرتها كانت جوهانسبرغ حول صفر و كيب تاون حول 3 درجات
      و استمتعنا جداً برحلتنا و نفكر بالعودة

      الامطار كانت بكيب تاون بالليل فقط هتان خفيف

      حاضرين لأي استفسار

       

    • #14287
      Maktoob
      مدير عام

      اذا كانت في شهر جون او جولاي والله التأجيل افضل
      لازم تروحون في موسم جنوب افريقيا عشان تحكمون عليها 100%

    • #14288
      Maktoob
      مدير عام

      انا رحتها شهر نهاية6-7-8 ..والله الاجواء جميله وبردهم مو البرد اللي يتعب بالعكس حتستمتعون بالبرد.. وكل شي موجود حتى الراتانجا جنكشن تفتح بعض الايام
      لو ماعندك فرصه غيرها لاتاجلينها وروحي

    • #14289
      Maktoob
      مدير عام

      الملاهي تفتح 27 سبتمبر .. وحتى ابريل تقريباً
      وتفتح في الويكند فقط

Viewing 5 reply threads
  • يجب تسجيل الدخول للرد على هذا الموضوع.