تقارير قطر - استفسارات قطر

  • الكاتب

    موضوع

  • #7860

    السلام عليكم، اشكركم على المعلومات الي تقدمونها للمسافرين..وانا بحاجتكم في رحلتي لقطر!

    انا مسافر من الرياض الى قطر مع العائله و عندي كذا استفسار لو سمحتو..

    هل المنفذ فيه صراف؟ والا اصرف من الرياض؟ وكم يساوي الريال السعودي بالريال القطري؟
    وكم يحتاج اشيل معي مبلغ مالي؟

    قررت اسكن في فندق Swiss Belhotel Doha قطر، هل الفندق مناسب؟ معي زوجتي و طفل ابو سنتين!

    و قريت هنا عن اهم المناطق السياحيه..

    الاسواق سوق واقف و فيلاجيو و جزيره اللؤلؤه و كتار و المتحف الاسلامي؟ هل فيه شي تنصحوني ازوره؟ عاما بان رحلتي 5 ايام تقريبا..و ابي ازور كل شي مميز في قطر!
    و ابي شي مناسب للعوائل و يستمتع فيه ابني اذا فيه اي اقتراحات؟
    بالنسبه للاسواق فيه اسواق اسعارها مخفضه؟

    الله يعطيكم العافيه..اذا ممكن احد ينظم رحلتي؟ انا مسفر الجمعه الجايه ان شاء الله و راجع الاربعاء، القرار جا فجأه فما حضرت نفسي للسفر بس اعتمد عليكم في هذا ان شاء الله ما تخيبون ظني.۔ سؤال اخير هل يحتاج اجيب عده اكل معي؟ يعني قهوه و شاي مفروغ منها و المطاعم ما نحبها مره وش تنصحوني؟

Viewing 6 reply threads
  • الكاتب
    الردود
    • #7861 | نشر في: 08-10-11

      حياك الله اخوي وانشاء الله تستمتع في رحلتك

      بحاول أجاوب بعض أستفساراتك

      المنفذ طبعاً فيه صراف تابع لمصرف الراجحي ( بس أسحب أحتياط قبل لاتوصل المنفذ)

      بالنسبة لسعر الصرف آخر مرة رحت كان الريال السعودي يعادل 96۔ ريال قطري

      الفندق حلو كنظافه وخدمات بس في فندق كورال شفت تصوير واحد من الشباب يمدحة وفيه حركة حلوة فيه أكثر من تلفزيون في الجناح

      واحد عند غرفة النوم وواحد في غرفة المعيشه

      ومايمنع تخلي 4 ليالي فيه

      وليلة تجرب أحد المنتجعات الحلوة مثل منتجع شرق أو فندق غراند حياة أو الريتز

      جميعهم مميزين > > وخلي المنتجع أخر ليلة (بحيت تكون أخر ليلة أسترخاء وفخامة)

      بالنسبة للأكل نصيحة مطاعم قطر مميزة ونظيفه يعني لاتحاتي

      عندك لوزار وزعفران الهندي موقعهم كتارا

      وعندك شبستان الأيراني شارع السد

      وعندك مطاعم إلي في سوق واقف حلوة بالذات في الليل لما تكون الأجواء حلوة

      وأإتمنى الشباب يفيدونك في الأستفسارات الثانية

      المبلغ إلى تحتاج تشيله معك (أنت وميزانيتك)

      بس كمدة 5 أيام خلك معك أحتياط حدود 4000 ريال غير قيمة السكن

    • #7862 | نشر في: 08-10-11

      مرحبا اخووي الفندق ممتااز جداا وسعره مناااسب المفروض انك تحصله باقل من 400 ريااال ممكن تشيك فندق رتااج الرياان ميزته انه بمنطقه الابرااج وسعره منااسب جدااا۔

      ما شااء شكللك اطلعت على تقاارير اللا عضااء اشوفك ملم بكل شي ….بالنسبه لابنك عندك العااب في فيلاجيو و مجمع السيتي سنتر بس ودي اضيف شي في مجمع بالقرب من فيلاجيو او نقدر نقول ملاصق له اسمه حياااة بلاازا فيه العااب اسمها جنغل زوون مررره روعه حلووة والنصيحه الثاانيه لولدك الله يحفظه وديه حديقة الحيواان منها يشووف الحيوانات ومنها يدخل العااب الحديقه ۔ بالنسبه للمطااعم اذا تبقى خصوصيه شوي عندك مطعم ذا فيلاج بطريق سلوى ومطعم المجلس العربي بالسد ومطعم وافي غورمه باللاندمارك فيهم قسم عوائل وكبائن للعوايل ….۔ بالنسبه للوقت كل مااخرت جيتك كل ما كان الجو افضل يعني انصحك تجي اخر اكتوبر تكون الرطوبه انتهت .

    • #7863 | نشر في: 08-10-11

      الله يعطيكم العافيه ما قصرتو..

      طيب فيه صرافه في المنفذ؟ يعني تحويل من الريال السعودي للريال القطري؟ والا احول من الرياض؟

      وين تنصحوني اسكن؟ اي فندق بحدود 400 الى 600 ريال سعودي و يكون قريب من كل شي ابي موقع ممتاز عشاني اول مره اروح قطر و لا اعرف فيها شي.

      و متى تفتح المحلات و متى تسكر؟ ابي ارتب جدول الرحله لأن 5 ايام مده قصيره و اتمنى فعلا ازور كل شي..

    • #7864 | نشر في: 08-10-11

      نصيحه حوول من السعوديه احسن لك ۔ بس للفناادق اي فندق تختااره مب مشكله لان الدوحه نوعاا ما صغيررره ماراح تحصل صعوبه في التنقل …بالنسبه للمجمعاات من 10 صباحا حتى 10 مسااء ۔ الاسواق الاخرى تقدر تقوول من 8:30 الى 10 ليلا۔ المتحف الاسلامي من 10 صباحا حتى 5:30 مسااء .

    • #7865 | نشر في: 08-10-11

      مرحبا اخوان ابشركم وصلت قطر البارحه، رحت للسيتي سنتر و للمتحف الاسلامي و اليوم طالع لكتارا و يمكن نمر سوق واقف بعد، ابي اسأل وين ممكن الاقي مطاعم راقيه غير الاسواق؟ اذا كان فيه كباين للعوايل يكون افضل والا عادي اهم شي نظيفه و لذيذه، وابي بعد الشواطيء الرمليه الي تصلح للسباحه لاهنتو، ابي اماكن غير السوق و وش تنصحوني اجرب؟ ابي اشياء جديده مب عندنا في السعوديه 🙂 الله يعافيكم

    • #7866 | نشر في: 08-10-11

      رووح فيلاجيووو وجرب سبااق السياارات Go kart Qatar – YouTube

      عندك الحديقة الماائيه اكوا باارك للعياال وحديقة الحيوووان ……..شواطئ للسبااحه عندك بسيلين بمنطقة مسيعيد …وشواطئ الوكرره شاليهات سيلين وشاليهاات الغاريه ….

    • #7867 | نشر في: 08-10-11

      حمدلله على السلامه اخوي كيف الجو وين سكنت وبكم انا جايه بالعيد عطني برنامجكم وش اكثر شئ اعجبكم
      سلامي لزوجتك وطفلك

استفسارات قطر
تقارير قطر

Viewing 6 reply threads

يجب تسجيل الدخول للرد على هذا الموضوع.