تقارير فرنسا - استفسارات فرنسا

  • الكاتب

    موضوع

  • #14563

    مرحبا اخواني في الحقيقه اذا دخلت الموقع وشفت تفاعل الجميع الي يكتب عن تجربته والي يحط صوره والي يساعد بلاجابات كثير استانس
    من جد الله يعطي الجميع العافيه عشان كذا انا قررت اسجل واحط استفساري
    وحابه اعرف اذا ميزانيه 70 الف ريال سعودي تكفي لخمسه اشخاص في باريس وكان
    3 بنات كبار وولد 15 سنه وطفله 7 سنوات
    مع التذاكر والفندق والروحه والجيه طبعا المده هي 25 يوم مو اكثر والرحله ابيها من
    الرياض باريس وكان ووش تقترحون من فنادق او شقه وصعب طبعا استاجر سياره كيف اسهل ورخص طريقه
    للتنقل وكيف الاكل والشرب هل هو غالي والا مثلنافي السعوديه وفي الخليج
    يعني هل الميزانيه تكفي ومو مشكله لو ازيدها شوي مو كثيييييييير
    واهم شي طبعا نبغا نروح دزني وكم تحتاج
    الله يجزي الجميع الخير وباكون شاكره لكل من يرد على استفساراتي

Viewing 4 reply threads
  • الكاتب
    الردود
    • #14565 | نشر في: 25-05-08

      هلا أختي

      بالنسبه للميزانيه اشوفها شويه للأسف ياليت لو تزودونها شوي

      او انكم تقللون المده شوي وتحذفون كان لأن كان بحد ذاتها غاليه وفنادقها غاليه أغلى من باريس

      وبالنسبه للتنقل اسهلكم وارخص لكم اكيد المترو رخيص ويوديكم اي مكان تبونه

      والمطاعم والقهاوي في باريس يعني أكثر اللي على الشانز غاليه وماتقارن بعندنا في السعوديه بس ممكن بعض المطاعم او القهاوي اللي تكون بعيده من الشانز تكون ارخص

      بالنسبه للسكن اتوقع شقه تناسبكم لأن فندق اكيد راح تاخذون اكثر من غرفه لأنكم كثيرين فاذا حسبنا ان الغرفه بـ 1000 ريال لليله يعني غرفتين 2000 ريال لليله باعتبار ان الفندق على الشانز

      والشقق اللي على الشانز جدا غاليه يعني اقلها 400 يورو يعني تقريبا 2400 ريال فأحسن شقه بعيده عن الشانز في اللاديفانس مثلا يمكن تكون أرخص
      علشان كذا لو تزيدون ميزانيتكم شوي وتقللون المده وتحذفون كان هذا من رائيي الشخصي

      وبالنسبه لديزني انا أشوف اني اروح لها من الصباااح الى المساء وارجع بنفس اليووم انها تكفي ومايحتاج انكم تنامون فيها

      ان شاءالله اكون أفدكم وماأكون اني ضيقت صدرك بالنسبه للميزانيه

    • #14567 | نشر في: 25-05-08

      انا اشوفها كافية اذا نقصتوا من فترة ايام الرحلة .. يعني اشوف 10 ايام كافية

      و على فكرة باريس كل شئ فيها غير حتى هواها غير .. لذلك انا اشوف ان السكن فيها يوم واحد مثل السكن لمدة شهر لاانك ماراح تملين ابد ابد

      المهم خلوا لكم خطة سير تمشون عليها و اعرفوا وين تبون تروحون و وش تبون .. على فكرة اوروبا كلها ديرة نهار يبي لكم تقومون من بدري حدكم 9 الصباح او قبل بعد .. و الشانز كل مامريتوه تمشوا فيه شوي و مروا احد الكوفي شوب اللي فيه و الليل فيه مطاعم كثير حلوة فيه مطعم مره تعشينا فيه اسمه ( انتر كوت ) خاص بالستيك بس و الله شئ يجنن لازم تجربونه و مااعرف وش اسم المكان اللي هو فيه بالضبط لكن اللي يسئل مايتوه ..

      و انا اشوف ان عشرة ايام راح تكون كافية لكم انشالله و بالتوفيق و مثل مااقول لكل واحد اعرفه باريس لازم تروح لها لو مره واحده في حياتك لاانها بالفعل ما في زيها

    • #14570 | نشر في: 25-05-08

      ممكن 70 الف تكفيكم بس قللوا المدة خلوها من 10 الى 14 يوم
      او زيدوا مثلها 70 الف واجلسوا 25 يوم وتسوقوا وانبسطوا
      طبعا شقه افضل لكم … وبرضو المترو راح تستفيدون منه مرررررة
      وان شاء الله تنبسطووووون

    • #14572 | نشر في: 25-05-08
      الله يعطيكم العافيه على اجابتكم لكن السوال هل ال 70 الف داخل معها التذاكر والا مادخلت
      واذا خليتها 7 ايام في كان والباقي15 يوم يعني اسبوعين في باريس
      يالله شفتو قللناالميزانيه عشان خاطركم
      وابي اطلب طلب ثاني
      ال 100 ريال كم تعادل بليورو يعني كيف احسب اذا قالو لي 250 يورو كيف احسبها
      هل سعر التذكره سياحي 3423 ريال الرياض نيس باريس الرياض
      انا مره شاكره لكم انكم علمتنوني بعض ااستفسارات لاني ما رحت لباريس ودي اروح لها وانتم ما تقصرون معانا

       

    • #14574 | نشر في: 25-05-08
      اقتراحي الشخصي :

      ال 70 الف اذا بدون تذاكر ان شاء الله بتكفي بس اذا كان السكن شقه والسوق قليل الزيارات .

      الشي الثاني ممكن انكم تسكنون بنيس وتنزلون الى كان لان المسافه بتكون 20 دقيقه بالقطار .

      وبالنسبه للصرف اذا قالك 250 يورو اضربيه ب 5.7 تقريبا ويطلع بالريال .

      واذا في امكانيه زياده للمبلغ يكون افضل .

       

استفسارات فرنسا
تقارير فرنسا

Viewing 4 reply threads

يجب تسجيل الدخول للرد على هذا الموضوع.