الفيزا كارد

Viewing 3 reply threads
  • الكاتب
    المشاركات
    • #13261
      Maktoob
      مدير عام

      السلام عليكم ورحمة الله وبركاته

      يا شباب انا رحلتي بعد بكرة .. وصارت اليوم مشكلةة !!

      .. طبعا الكل عارف ان في امريكا الواحد مايمشي بكاش كلا بالفيزا كارد .. عشان كذا انا قدمت على الفيزا كارد من بنك ” ساب ” طبعا الفيزا اللي قدمت عليها فيزا تابعه .. لان انا طالب ومايسمحون يطلعون لي فيزا الا اذا كنت موظف 

      المهم انا رحت لهم يوم الاثنين الماضي ( مو امس ) .. ورحت لهم السبت استفسر عن الفيزا قالي راجعني بكرا .. رحت له الاحد قالي مافي شيء بالنظام للحين .. رحت له الاثنين اللي هو امس .. قالي للحين مافي ششيء بالنظام !!

      قلت كذا مايصير .. اتصلت على رقمهم المجاني .. خذو رقم البطاقة الاساسية و رقم الاحوال .. ثم قالي معليش ما نقدر نطلع لك بطاقة تابعه .. لان البطاقة الاساسية بطاقة ” بزنسس كارد ” !!

      المشكلة انا رحلتي قربت وما ادري وش اسوي .. والغريب في الامر ان ولا واحد من الموظفين اللي موجودين في الفرع ” الرئيسي ” عنده علم ان ما اقدر اطلع بطاقة تابعه من بزنسس كارد !!

      .. انا الحين خذيت كاش وهناك عندي اقارب بقعد عندهم ! .. سؤال مافي حل اني اطلع فيزا من هناك .. او اقدم فيزا من بنك ثاني ويوصلونها لي امريكا ؟

    • #13262
      Maktoob
      مدير عام

      مع الأسف بنك ساب وما أدراك ما بنك ساب من أسوء البنوك في التفاعل مع طلبات وشكاوي العملاء انا وهقوني نفس الكلام مع اني مقدم على الفيزا للإحتياط قبل اكثر من 3 شهور ومن أول ماقدمت وهم يقولون لي يومين ثلاثة لين جاء موعد السفر وعملت أكثر من شكوى ولكن لا حياة لمن تنادي!!!

      ولكن احب أطمنك رغم ان أمريكا التعامل فيها بالبطاقات الائتمانية افضل وأسهل كثير من الكاش ولكن تقدر تمشي حالك بالكاش بدون أي مشاكل إن شاء الله المشكلة الوحيدة إحتمال تواجهك بإستئجار السيارة إن كانك ناوي تستائجر ماعدا ذلك جميع الأماكن تقبل الكاش.

      تحياتي

    • #13263
      Maktoob
      مدير عام

      أخوي موسى

      كان طلعت فيزا أو ماستر كارد مسبقة الدفع عن طريق الراجحي ولا الأهلي !!

      اشحنها بالمبلغ اللي تبي ورح اشتر اللي تبيه !!

      عموما … مشيها كاش هالمرة

      دمت بود ،،،

    • #13264
      Maktoob
      مدير عام

      [quote quote=13263]أخوي موسى كان طلعت فيزا أو ماستر كارد مسبقة الدفع عن طريق الراجحي ولا الأهلي !! اشحنها بالمبلغ اللي تبي ورح اشتر اللي تبيه !! عموما … مشيها كاش هالمرة دمت بود ،،، [/quote]

       

      هلا أخوي الأصلي

      أنا الحمدلله عندي بطاقات غيرها بس كنت ابيها للإحتياط ولكن خذلوني مع الأسف بس نفس العيب في البطاقات مسبقة الدفع كثير من شركات التأجير ترفضها

      تقبل تحياتي

Viewing 3 reply threads
  • يجب تسجيل الدخول للرد على هذا الموضوع.

لاتفوت عروض البلاك فرايدي 2022-2023
ينتهي العرض يوم 2022/12/01

خصومات 30% و أكثر