مطاعم شعبية

Viewing 7 reply threads
  • الكاتب
    المشاركات
    • #7428
      Maktoob
      مدير عام

      السلام عليكم ومساكم الله بالخير ياهل البحرين
      بغيت استفسر عن المطاعم الشعبيه بالبحرين مثل احسن مطاع حق الجباتي والسمبوسه وبعد لاهنتم خباز هولي حق الخبز مال اول اللي كان بالشرقيه
      واي اضافات منكم تشكرون عليها

    • #7429
      Maktoob
      مدير عام

      مسامحه وبعد مطعم قلقامش وين مكانه ؟؟

    • #7431
      Maktoob
      مدير عام

      وعليكم السلام
      يا هلا ومرحبا بك في البحرين، اماكن السمبوسة والجباتي في البحرين كثيره وما في اماكن محدده بس عندك مثلا في عراد محل سمبوسة عبدالقادر معروفة ومشهورة … وعندك مكانين للسمبوسة بالقرب من جمعية التربية الاسلامية (نادي الخليج سابقاً) وفي محل جديد في منتزه الأمير خليفة اسمه كرك وجباتي… عندك بعد آلو بشير في سوق لمحرق … وترى محلات السمبوسة مثل قلت كثيره في البحرين أغلبها في لمحرق وعراد والمنامة…

      أما إذا كنت تقصد مطاعم شعبية فعندك مطعم زعفران بسوق لمحرق وفي فرع ثاني بالرفاع عند قلعة الفاتح.. ومطعم بن رشدان في منتزه دوحة عراد… ومطعم البادكير في منطقة عراد … ومطعم الليوان في جزر أمواج …

      بالنسبة عن الخباز عندك في منطقة لمحرق بفريج البنعلي وفي منطقة الحجيات بالرفاع الشرقي وعندك خباز مميز في منطقة بوكواره جريب من the walk مب هولي بس يسوي انواع من الخبز عجيبه وغريبه اسمه خباز الأبواب السبعة أو خباز السبعة أبواب..

      بالنسبة مطعم جلجامش ما عندي فكره عنه بس سمعت عن قاعة جلجامش للأفراح في فندق راديسون بلو على ما اعتقد

      من الموبايل
    • #7432
      Maktoob
      مدير عام

      يعطيك العافية اخوي محمد ومساحة على التاخير في الرد

    • #7433
      Maktoob
      مدير عام

      كل اللي تبيه تحصله في سوق المنامة الشعبي (باب البحرين)

      يعني السمبوسة والجباتي والخبز الإيراني والفطور الشعبي تحصله إذا توغلت شوي بالسوق وهلون أما إذا تبي الفطور الشعبي بس بطريقة راقية وعلى طريقة المطاعم ال5 نجوم فعليك أنك تروح باب البحرين وتدخل المول الخاص ( باب البحرين مول ) اللي بيكون على اليمين وتروح محل اسمه زعفران

    • #7434
      Maktoob
      مدير عام

      تسلم اخوي محمد بس سؤال لاهنت باب البحرين ماغيره او في مكان ثاني ؟؟؟ لأني جيته من زمان لقيت فيه محلات عادية بس مافيه شي شعبي

      من الموبايل
    • #7435
      Maktoob
      مدير عام
       المشاركة الأصلية كتبت بواسطة ناوي غرامك 
      تسلم اخوي محمد بس سؤال لاهنت باب البحرين ماغيره او في مكان ثاني ؟؟؟ لأني جيته من زمان لقيت فيه محلات عادية بس مافيه شي شعبي

      من الموبايل

      اي باب البحرين ما غيره … الحين عدلوه وسو مجمع على شكل سوق شعبي (صغير) هاي فيه زعفران واذا تبي الخباز والسمبوسة امش كله سيده من الباب حوالي 200 متر او اكثر وفي هالدواعيس بتحصل الخباز والسمبوسة واسال الهنود اللي اهناك ومن المحلات الشعبية الو بشير / قهوة المسيلة وإلخ

    • #7436
      Maktoob
      مدير عام

      حلو حلو سبق زرته باب البحرين من زمان بس ماعجبني وماطبيته من يومها الحين اشتقت لزيارته من كلامك ماقصرت اخوي محمد يعطيك العافية

Viewing 7 reply threads
  • يجب تسجيل الدخول للرد على هذا الموضوع.

لاتفوت عروض البلاك فرايدي 2022-2023
ينتهي العرض يوم 2022/12/01

خصومات 30% و أكثر