› منتدى المسافرون العرب › منتديات أوروبا › استفسارات بريطانيا › المصروف في لندن
- This topic has 17 رد, مشارك واحد, and was last updated قبل 14 سنة، 9 أشهر by Maktoob.
-
الكاتبالمشاركات
-
-
2017-07-26 الساعة 2 #14121Maktoobمدير عام
السلام عليكم ورحمة الله وبركاته
حبيت اعرف شو رايكم في فندق ذاستل ماربل ارج
وشو الاماكن اللي اقدر اروح لها مشي من الفندق خاصه الاسواق والحدايق
وابا اعرف المصروف لمدة 12 يوم كم يكفي غير شامل (الفندق + التذكرة).
واريد اعرف وين في محلات حلوه اتبيع ملابس شباب اعمارهم من 12 سنه الى 17 .
اتريا ردودكم 🙂
وربي يجزيكم الجنة
-
2017-07-26 الساعة 2 #14122Maktoobمدير عام
وعليكم السلام ورحمة الله وبركاته
هلا وغلا الغالي ..
الفندق هو المفضل لدي للأمانه بسبب ان الغرف حجمها كبير ..
وتقدر أتروح أغلب الأماكن مشي وخصوصاً إذا انت اتحب لمشي فراح تستانس ..
الهايدبارك وشارع اكسفورد وأدجول رود قريبه منك وااااااجد ..البيكاديلي قريبه منك ..هارودز في الطرف الثاني من الهايدبارك وتقدر اتروح له مشي ..الكوفنت قاردن قريبه منك وتقدر اتروح له مشي ..
على مسئوليتي ..أسكن الفندق وانت مرتاح ..
وأي خدمه أحنا تحت أمرك الغالي ..
-
2017-07-26 الساعة 2 #14123Maktoobمدير عام
تسلم اخويه والله ماقصرت بس عندي استفسار تنصحني باي تاكسي اروح من المطار للفندق ومن الفندق للمطار؟
وبغيت اعرف بعد المصروف لمدة 12 يوم كم يكفي غير شامل (الفندق + التذكرة).
واريد اعرف وين في محلات حلوه اتبيع ملابس شباب اعمارهم من 12 سنه الى 17 .
و بطاقة التلفون من وين اخذها من مطار هيثرو ولا من وين؟؟
وشو احسن نوع؟
-
2017-07-26 الساعة 2 #14124Maktoobمدير عام
ليش تبون تاكسي !! التاكسي بياخذ عليكم 55 باوند من المطار لين الفندق :108:
أما الميني كاب بياخذ 35 باوند ..:24:
وتقدرون تاخذون القطار بس يعتمد على عددكم كم :114:
والملابس مابين 12 إلى 17 أنصحج في برايمارك في اكسفورد ..أسعاره روعه ومحلهم كبير واجد:101:
ونفس الوقت شارع أكسفورد كله محلات ويصلح لمختلف الأعمار ..
والمصروف يعتمد على عددكم كم !! ونفس الوقت وين راح ايكون أكلكم:114: هل أكلكم بيكون في السكن او كله في المطاعم !!
وكرت التلفون أخذيه من المحلات الي في ادجول رود ..انا عن نفسي أستخدم فودا فون هناك ..
واي خدمه أحنا في الخدمه ..
-
2017-07-26 الساعة 2 #14125Maktoobمدير عام
الميني كاب لازم احجز قبل بكم يوم وعن طريق شو؟
انا بسير مع اختي واخوي الصغير
الفندق عليه وجبة الافطار فقط
وعن كرت التلفون سمعت عن شبكة 3
شو رايك فيها؟؟
وهل بحصل شبكة تلفون في مطار هيثرو
نحن بنكون هناك انا واختي واخويه الصغير
وجبة الفطور بتكون في الفندق اما الوجبات الثانية بتكون في المطاعم
وعن كرت التلفون شو رايك ف شبكة 3 !
هل بحصله في مطار هيثرو ولا وين؟
وشو من شبكات التلفون اقدر اشتريها من مطار هيثرو ؟؟؟
السموحه عالازعاج
-
2017-07-26 الساعة 2 #14126Maktoobمدير عام
نحن بنكون هناك انا واختي واخويه الصغير
وجبة الفطور بتكون في الفندق اما الوجبات الثانية بتكون في المطاعم
وعن كرت التلفون شو رايك ف شبكة 3 !
هل بحصله في مطار هيثرو ولا وين؟
وشو من شبكات التلفون اقدر اشتريها من مطار هيثرو ؟؟؟
-
2017-07-26 الساعة 2 #14127Maktoobمدير عام
وبغيت اعرف عن صندوق الامانات هل موجود في ذاستل ماربل آرج في الفندق ولا بس الغرف
ووين اامن نترك جوازاتنا؟
-
2017-07-26 الساعة 2 #14128Maktoobمدير عام
هلا وغلا أختي ..
وبالعكس أبركها من ساعه ولا فيه أي أزعاج 🙂
الواحد يتشرف انه يعاون معاكم ..
بالنسبه للميني كاب ..أما تتصلين فيهم او ادزين لهم أيميل أو فاكس قبل السفر بيوم او يومين ..وكل ماكان الحجز بدري كل ماكان أفضل ..
وبما أنكم 3 فالأفضل لكم والأوفر هو الميني كاب ..
بالنسبه لشركة 3 جي ..سمعت عنها في سفرتي الأخيره الي كانت في شهر 5 ..الشركه هذي بالذات امدحوا قطعة الفلاش الي تنحط في الاب توب عشان يشبك على النت من أي مكان في لندن ..بس بالنسبه للجوال ماعندي خلفيه عنها ..خلفيتي في هذي الشركه هي القطعه مالت النت ..وماأدري الصراحه إذا كانوا ايبيعون كروت في المطار ولكن اتوقع انهم يبيعون في المطار ..
وصندوق الامانات موجود في الغرف في فندق ثيستل فلاأتشيلين هم 🙂
وخلي الجوازات وأغراضكم في صندوق الأمانات الي عندكم في الغرفه ..
هذا عنوان الميني كابAIRLINE CAR SERVICE
A London P.C.O Registered Company.
Licence Number: 00338/01/01
Phone:+44 020 7433 3330
Fax:+44 020 7794 1780وأي سؤال راح اتلاقينا بالمرصاد :11ight:
-
2017-07-26 الساعة 2 #14129Maktoobمدير عام
السلام عليكم و رحمه الله و بركاته …
شكلي داخل عرض بس حبيت استفسر منج اختي انا شفت لج رد في موضوع ثاني انج حجزتي في ثستل ماربل ارج !!!
ممكن اعرف اب كم حجزتيه و عن طريق النت و لا مكتب و لو مكتب شو اسم المكتب ؟؟؟ لاني ناوي اسير لندن تاريخ 15-7 الى 25-7
-
2017-07-26 الساعة 2 #14130Maktoobمدير عام
اذا تبين محلات حلوه عندك ريجنت ستريت وسليفرجز اللي في اكسفورد
احلا الماركات هناك
بريمارك في اكسفورد مقابل تستل ماربل آرش بس للامانه انا اخذت منه وتراه رخيص مرررره لكن مافيه اي جوده من اول غسله ينعدم -
2017-07-26 الساعة 2 #14131Maktoobمدير عامعليكم السلام والرحمه
حي والله ولد بلادي 🙂
هيه انا حجزت
لشخصين + طفل
شفنا السعر في Booking.com online hotel reservations بدون الضريبه وبدون الريوق
واتصلت للفندق وحجزنا عن طريقهم مباشره ب2184 باوند تقريبا =) مع الريوق والضريبة
لو تبا عن طريق مكتب اتصل زوم للسفريات ف دبي اسعاره وايد زينه اتصل البداله وبيعطونك الرقم ، كلم محمد عبدالرحمن 🙂
واذا بغيت تسال عن شي
لا يردك الا الكيبورد :109:
-
2017-07-26 الساعة 2 #14132Maktoobمدير عام
احنا اربعه اشخاص كم يبغالنا مصروف لليوم الواحد بدون السكن والتزاكراهل الخبره افيدوني وجزاكم الله خييييييييييييييييير
-
2017-07-26 الساعة 2 #14133Maktoobمدير عام
بالنسبه للاكل الوجبه الرئيسيه للشخص بحدود 15 باوند في المطاعم العربيه ولا تنسى اكل ثلاثه يكفي اربعه.
بالنسبه للتاكسي المشوار داخل لندن من 5- 15 باوند حسب المسافه
الباص رخيص للشخص الواحد حدود 4 باوند طول اليوم والاسبوع اوفر
والاماكن السياحيه بعضها مجاني والاغلب في حدود 25باوند للكبير و 17 للصغير للدخول
وادا بتتقضون من البقالات العربيه بحدود 50 باون بتكفيكم حق 5 اايام من مجاميعه.
هدا من من واقع خبره وانا الحين في لندن:24:
-
2017-07-26 الساعة 2 #14134Maktoobمدير عامبالنسبه للاكل الوجبه الرئيسيه للشخص بحدود 15 باوند في المطاعم العربيه ولا تنسى اكل ثلاثه يكفي اربعه.
بالنسبه للتاكسي المشوار داخل لندن من 5- 15 باوند حسب المسافه
الباص رخيص للشخص الواحد حدود 4 باوند طول اليوم والاسبوع اوفر
والاماكن السياحيه بعضها مجاني والاغلب في حدود 25باوند للكبير و 17 للصغير للدخول
وادا بتتقضون من البقالات العربيه بحدود 50 باون بتكفيكم حق 5 اايام من مجاميعه.
هدا من من واقع خبره وانا الحين في لندن:24:
50 باااااوند لمدة 5 ايااااااااام ولوووووو احس قليل جدا
-
2017-07-26 الساعة 2 #14135Maktoobمدير عام
اما بالنسبه للمصروف هذا راجع لك اما بالنسبه للفندق -حلو حيل واجزم غرفه اكبر غرف فى لندن انا اتكلم عن الغرف التى ليست استاندر — وبالنسبه للفندق ميه بالميه
فيه بيت شعر فيه هذا الفندق
اكيد زينن دايم ريمه وطت فيه — بنتن تزين كل قاعن وطتها
اتمنى لك التوفيق -
2017-07-26 الساعة 2 #14136Maktoobمدير عام
السلام عليكم محلات شارع الاكسفورد ستريب فيها كل الاسعار المناسبه وبذات بريمارك سعره مناسبه وفي تنقل الاندرجروند افضل واستخدام شبكه لايكا اوفر في الاتصال .. الله يوفقكم في رحلتكم
-
2017-07-26 الساعة 2 #14137Maktoobمدير عام
5 دجاج 10 باوند
4 كيلو رز 7 باوند
زيت ا ليتر 3 باوند
2طبق بيض صغير3باوند
جبن 2 باوند
سكر 2باوند
ملح 1 باوند
هامبرغر 2 باوند
قهوه عربيه ربع كيلو 4 باو ند
هيل 3 باوند
المجموع 37 باوند يبقى 13 باوند ازا انا تاسي شي:24: -
2017-07-26 الساعة 2 #14138Maktoobمدير عام
مرحبا
اذا كنتي بس سياحة جايه انصحك بطاقة ليبارا ممتازه جدا للاتصال الدولي على الخليج وسعره متوفر 5 باوند او 10 باوند اللي ودك صح مافيه شغلات مثل الواسائط او الاتصال المرئي بس ممتازه اقتصاديا .
بالنسبة اللمواصلات اذا انتم 3 ما ادري اشوف ااذا تروحوا على القطار السريع من هيثرو الى محطة بتنقتون مره حلو وسريع 15 دقيقة وانتي في المحطه وقريب من شارع العرب اجور رود بس يعتمد على كم شنطه عندك اذا مو كثير انصحك فيه قيمة التذكرة للشخص 23 ياوند والفائده الاكبر تكون العوده مفتوحه وصالحه لشهر من الاستخدام .
تقبلي تحياتي سفره سعيدة
-
-
الكاتبالمشاركات
- يجب تسجيل الدخول للرد على هذا الموضوع.