ترتيب المناطق لسفرتي في شهر 6

[Maktoob]

السلام عليكم ورحمة الله وبركاتة

يسعدني ويشرفني أن أكون أحد أعضاء هذا المنتدى الكبير والصرح الشامخ
والذي كان له الفضل من بعد الله في نجاح سفرتي السابقة الى ماليزيا من دون الحاجة للتسجيل
فبمجرد مشاهدتي للمواضيع والاستسفسارات الكثيرة تكونت لدي االصورة الكاملة عن السفر
_______________
خلصنا من الرسمية شوي وخلونا نقط الميانة
بعد مانويت أسافر حبيت أسجل وأتبادل وياكم الخبرات بعد ماقريت مواضيع كثيرة لكني دخت
وبحكم إن السفرة راح تكون لأوروبا فالدعوة يبغى لها مخمخة وترويقة
طبعا النية ان شاء الله فرنسا & وسويسرا
الأشخاص أنا والمدام المصون
وخطتي 3 ليالي في باريس
7 ليالي موزعة في سويسرا

بداية تم حجز الطيران إلى باريس والوصول راح يكون يوم الأربعاء 28 / 05 الساعة 06:10 ص
والعودة من جنيف يوم السبت 07 / 06 الساعة الساعة 15:30 م
خلونا في سويسرا الحين
_______________

قريت مواضيع كثيرة وحفظت عندي روابط عشان ارجع لها واحاول اضبط منها الجدول
لكن احترت في ترتيب المناطق في سويسرا وبعد البحث المبدئي تكون عندي هذا الجدول

السبت31زيورخ
الأحد01زيورخ وزيارة هايدي لاند
الاثنين02انترلاكن
الثلاثاء03انترلاكن
الأربعاء04انترلاكن والذهاب الى لوغانو عن طريق القطار
الخميس05 انترلاكن والذهاب الى ميلانو عن طريق القطار
الجمعة06 انسي الفرنسية
السبت07 زيارة جنيف والعودة إلى أرض الوطن

_______________

رايكم في الجدول مبدأيا
وبعدها إن شاء الله إذا رتبت الجدول راح اختار الفنادق واخذ رايكم فيها
ثم أضبط الجدول وأهم الأماكن الي تتستحق الزيارة واخذ رايكم فيها

تحياتي للجميع =)

[Maktoob]

ما شاء الله عليك يعجبني اللي يقرا ويتابع
انت كذا جدولك تمام
ولو تخلي لوقانو وميلان بنفس اليوم يكون احسن يسير تطلع لهم من بدري
ولو تقدر تسكن بلوقانو يكون ايضا جيد وبعدها تنتقل لآنسي وجنيف
…
ولي عوده ان شاء الله

[Maktoob]

والله من كثر المواضيع الي هنا والي تحمس لازم الواحد يقراها كلها وهو مستمتع وكانه عايش اللحظة

انا كان ودي اسكن ليلة في لوقانو ومنها انزل الى جنيف او انسي بس استثقلت المشوار الطويل بالسيارة او بالقطار

ومن ناحية اني اخلي لوقانو وميلان بنفس الليلة مدري بس احس صعبة لان انا رايح لوقانو عشان الاوت لت واكيد راح اتسوق من هناك

واحس صعبة اخذ الاغراض واطلع ميلان وبرضة بتسوق هناك وارجع وانا محمل معاي اكياس وش كثرها

والا انت وش رايك !

[Maktoob]

شوف حبيبي
احسها صعبه انك تضرب مشوار من انترلاكن الى لوقانو 220وترجع انترلاكن 220 كيلو
واليوم اللي بعده تضرب مشوار من انترلاكن الى ميلان 300 كيلو وترجع انترلاكن 300 كيلو
واليوم اللي بعده تضرب مشوار من انترلاكن الى انسي 260 كيلو
؟؟؟؟؟
صدقني هالمسافات بتكرهك بالرحلة
هي ممتعه في البداية لكن ممللة وتلوع الكبد في النهاية
خاصه انها ورى بعض
…..
لكن اشوف انه هذا هو الحل الافضل .. اللي هو :
انك تطلع من انترلاكن على لوقانو وتتسوق فيها ولما تخلص تروح لميلان 80 كيلو بحكم انها اقرب من لوقانو الى انسي وتسكن فيها
واليوم الثاني تخليه لميلان تسوق وتماشي وتكمل المبيت فيها
اليوم الثالث منها الى انسي من الصباح بدري والمسافة 330 كيلو تقريبا
واشوف انك تكمل من انسي على جنيف وتختم الرحلة هناك
………..
والاختيار لك
رحلة سعيدة

[Maktoob]

شورك وهداية الله
على كذا راح يكون الجدول ان شاء الله
السبت31زيورخ
الأحد01زيورخ وزيارة هايدي لاند
الاثنين02انترلاكن
الثلاثاء03انترلاكن
الأربعاء 04الذهاب الى ميلان مرورا بلوغانو
الخميس05 ميلان
الجمعة06 الذهاب الى جنيف مرورا بانسي الفرنسية
السبت07 جنيف والعودة إلى أرض الوطن

وعندي كم استفسار على السريع

# هل يومين كافية في انترلاكن !
# هل يمديني اخذ جولة في لوقانو او الذهاب مباشرة الى الاوت لت ثم ميلان !
# فيه طريقين من انترلاكن الى لوقانو وش ترشح لي منهم !
# كيف راح يكون الطريق من ميلان الى جنيف هل هو ممتع !

وان شاء الله راح اعتمد الجدول وأبدأ أحجز الفنادق

[Maktoob]

# هل يومين كافية في انترلاكن !
طبعاً دائما الكفاية يحكمها عدد أيام السفر
وبحكم عدد ايامك وضع في السليم
الا اذا تضغط على نفسك وتروح لوقانو وميلان بنفس اليوم بحكم ان المسافة بينهم ساعه

# هل يمديني اخذ جولة في لوقانو او الذهاب مباشرة الى الاوت لت ثم ميلان !
هذا الشي يتحكم فيه ساعات التسوق
اذا كان في وقت مافي مانع تاخذ جولة

# فيه طريقين من انترلاكن الى لوقانو وش ترشح لي منهم !
عندك طريق a2
وفرصه تمر على التلفريك المكشوف

# كيف راح يكون الطريق من ميلان الى جنيف هل هو ممتع !
بصراحه ما جربته
وان شاء الله يفيدونك الشباب

وان شاء الله راح اعتمد الجدول وأبدأ أحجز الفنادق
ان شاء الله ..
ورحلة سعيدة

[الكاتب]

المشاركات