- This topic has 9 ردود, مشارك واحد, and was last updated قبل 10 سنوات، شهرين by .
-
المشاركات
-
-
ناوي اروح تركيا في الصيف الجاي
عندي من 27 يوليو الى 7 سبتمبر
يوافق من بداية شوال الى يوم 10 ذو القعدة تقريباابغى اروح خلال هالفترة 12 يوم او اكثر بحسب ماتحتاجه البلد عاد انتوا رتبوني
.. بحثت اشوي في النت و لقيت عرض حلو من البحرين في يوم 23 اغسطس والعودة 6 سبتمبر.. السعر 1730 على خطوط الاتحاد
هل السعر مناسب ؟ واذا فيه سعر احسن منه ياليت سواء دايركت او ترانزيت بس اهم شي مو طويل الترانزيت ساعتين او ثلاث
تكفون اللي خبره يجيب لي سعر احسن في الفترة المذكورة و فوق
-
-
-
-
-
المشاركة الأصلية كتبت بواسطة ماجد الفهد
فعلا ميتة
المفترض ندوام فيها يا غالي 24 ساعة من أجل عينيك
نحن نعمل بلا راتب
لا نبتغي ذلك أصلا
دعوات صادقة في ظهر الغيب تكفينا
وشعور بالسعادة حين تتطأ أقدام المسافرين أرض طيب الذكر اوردوقان
على كل حال
نعتذر عن التاخير
سأحاول أن أتخلص من بعض مسؤولياتي اليومية من أجل أن أقضي وقتا أكبر هنا
التذاكر مناسب جدا سعرها
واعتقد انه سعر طيب
خصوصا لو علمنا ان الوقت اللي راح تسافر فيه ذروة
وكل التذاكر راح تكون في بحر ال 3000 وربما تصل إلى 4000
أنصحك فقط تزيد المدة
12 يوم ما يمديك تقول بسم الله
والبرنانج كالعادة في هيك وقت
الشمال مباشرة
سيارة خاصة كما في التقرير في توقيعي
لمدة 7-9 أيام بحسب أيامك
والختام في إسطنبول
لو جزمت وحجزت
تعال هنا ونظبط أمورك بدري قبل الزحمة والصيف والضغط على الحجوزات والسكن
موفقما ألومك في أي حرف كتبته و عارف ان ردي كان استفزازي .. حتى لو شتمتني فأنا استحق
وانا وضعته لاجل الغيورين امثالك يردون علي .. ابد يالغالي ماكان قصدي تركوا اشغالكم
لكن شفت فيه مشاهدات و فيه تواجد من الاعضاء في الموضوع لكن دون رد فاستغربت
والعذروالسموحة
..بالنسبة لكلامك حبيبنا الغالي يعطيك العافية
حاب اضيف اول شي اني لقيت اسعار رخيصة على طيران ناس فما أدري وش وضعها ! ناس تقول انها بالرحلات الدولية جيدة وتستحق التجربة بسبب سعرها
غير كذا اتمنى تفهمني انا ما اعرف شمال ولا جنوب في تركيا , كل اللي اعرفه اني ضعت بسبب تنوع الاختيار للاشخاص في المواضيع .. ناس تقول تروح بورصة و يلوا على يومين و ناس تقول تروح وتجي نفس اليوم
ناس راحت ابانت و طرابزون و ايدر و اوزانجول و غيرها من المدن اللي ماعرفها .. ف لقيت ناس تختار مدن و تترك مدن و العكس
فما أدري وين اروح , اهم شي اني اتحاشى التكرار في المدن التي تتشابه من حيث التكوين والتضاريس والانشطة
اما 12 يوم قليل !
كم تقترح علي طيب أروح كم يوم ؟! و بعد ماتقترح وزعها عالمدن لاهنتلو افترضنا الوالد والوالدة ماودهم اكثر من 12 يوم .. وش تقترح لي يكون الجدول
ولا تزعل علينا يا سعدهم
-
-
-
المشاركة الأصلية كتبت بواسطة ماجد الفهد 
حياك يا غالي
ولا تعتذر نحن في النهاية إخوان وما يجمعنا إلا كل خير
وراح أمشيها لك عشان الوالدين 🙂 الله يخليك لهم ويعينك على برهم 🙂
شوف حبيبي
فترتك ذهبية ومميزة
أجمل أوقات الشمال التركي في هذا الوقيت
الشمال نقصد فيه طرابزون وما حوله من القرى والضواحي
شوف تقريري في التوقيع وراح تفهم 🙂
ونقصد بيلوا وأبانت وسبانحا
بورصة وما حولها
كلها قريبة منها
يعني لو واحد قال لك روح بورصة يلوا أبانت سبانجا ( تراها قريبة من بعض ) تحتاج سيارة فقط أو عن طريق البحر
ولو قال لك أوزنقول أيدر طرابزون فهو يقصد الشمال التركي وتحتاج طائرة من إسطنبول إلى طرابزون
البرنامج بإعتقادي يجب ان لا يقل عن 14 يوم
8 أو 9 للشمال
وصدقني والديك راح ينبسطوت ويدعوا لك وأتمنى في لحظتها تذكرني وتدعي لي 🙂
تحتاج سيارة هناك لما توصل
تقدر تحجزها من النت وهو أفضل لانه موسم
وكذلك تحتاج حجز السكن في القرى وكل شيء موجود في التقرير
والختام في إسطنبول للتسوق والتمشى والتعرف على هذه المدينة التاريخية
أختم بان طيران ناس جيد إلى حد ما
لو حصلتوا أسعار جيدة كويس
بس إنتبه لهم
ترى أسعارهم في الغالب بدون وزن
ولو تضيف وزن تطلع مثل غيرها
لو صار كذا روح على غيرها
نصيحة ثانية
أحرص على الطيران الدايركت
لإن معاك والديك
مالهم بالتعب والطويلة
وكذلك لا تنسى إنه قدامك رحلة داخلية بعد وصولك ب 4 أو 5 ساعات إلى طرابزون
فماله داعي يتعبون كثير 🙂
حياك ألف وراجعين لك
بس المطلوب
إقرأ الموضوع بحرص وتركيز 🙂
موفقطيب طيب .. ابمشي معك حبة حبة ياجميل
من طيب اصلك يوم عذرتني ياغالي , ابشر بالدعوات ولا راح انساك .. بغثكم في البوابة هنا باذن الكريم لارجعت
بالنسبة لطيران ناس لقيت رحلة سعرها للشخص على 1100 .. لو شناطنا متوسطة كم ممكن تكون مع الزيادة كم؟!
المشكلة في هذه الرحلة انه لو تقدم يوم من هنا او تنقص يوم من هنا يختلف السعر على طول ويزيد 400 يمكن , طبعا بناء على الرحلة هذي راح يكون عندنا هناك 13 ليلة صافية وهذا اللي اقدر عليه .. نقول 8 ايام للشمال ثم 5 ايام في اسطنبول.. و اللي نقدر نروحه من اسطنبول الى القرى والمدن القريبة حولها صد رد مافي مشكلة بحسب اللي يتيسر ..كذا حلو !؟ .. طبعا انا فهمت منك ان الصيف مناسب للشمال اكثر لان الجو حلو وكذا هناك صح ؟طبعا نسيت اقولك الرحلة حقة ناس دايركت
.. انت تقصد اول مانوصل تركيا مطار صبيحة نروح عالشمال مباشرة بدون مانريح يوم ؟ مو مشكلة بس الاربع ساعات اللي بننتظرها للرحلة الداخلية اخاف تتعبنا و تخلينا نمل , مو احسن لو الرحلة الداخلية تكون بعد ساعتين او 3 ؟؟
السيارة اللي تقصدها , مع سواق ؟ ولا احنا نستأجرها لنا ونسوقها وكذا !
راح اقرا تقريرك باذن الله الحين
-
-
- يجب تسجيل الدخول للرد على هذا الموضوع.
