› منتدى المسافرون العرب › منتديات أوروبا › استفسارات تركيا › فزعتكم ياربعي والله ماني عارف شي ..! ابي ترتيب رحلة اسبوع فقط
- This topic has 9 ردود, مشارك واحد, and was last updated قبل 10 سنوات، شهرين by Maktoob.
-
الكاتبالمشاركات
-
-
2017-01-28 الساعة 6 #9168Maktoobمدير عام
بسم الله الرحمن الرحيم والصلاة والسلام على رسول الله محمد
ياربعي
طبعا المنتدى هذا واعضاءه ومشرفينه لهم فضل بعد الله سبحانه وتعالى
في تنظيم رحلتي لشهر العسل
دبي – ماليزيا – اندونيساوكانت اول مره اسافر فيها في حياتي >>>> شفتوا كيف انا مؤدب ياحظ مرتي فيني
المهم يالربع
انا قررت بعد عناء اقل من سنه
اصير رومانصي واسوي ذكرى زواجنا برا السعوديه
مابين عمل واشغال مايعلم فيها الا الله
واللي تعبني اكثر تكملت دراستي مابعد البكالوريس في المساءتخيلوا اطلع الصباح وارجع حدود نص الليل
انا عن نفسي عادي
بس عندي زوجتي اللي اكيد انها طفشت لحالها و اللي واقفه معي من بداية دراستي وهي ماشاء الله تبارك الله دافورهوفاهمه في تكملت الدراسه
وبفضل الله نجحت ثم بوقفتها
المهم قررت وانا جاي من الدوام وعندي رصيد اجازه
اني اسافر تركيا لمدة لاتزيد عن اسبوع
واصير رومانصي واسوي ذكرى زواجنا برا السعوديه
في نهاية شهر مارس بالضبط 29 يزيد يوم يقل يوم
فين اروح تكفون تروا والله احس اني فاغر
ويقولون لاتروح القسم الاسيوي روح القسم الاوروبي في اسطنبول وكيف اروح له
وبورصه وسبانجاالمهم الزبده اني ماادري وش الطبخه
ودي بجدول لاهنتوا يالذيابه كلكياتكن
-
2017-01-28 الساعة 6 #9172Maktoobمدير عام
مادام رحلتك اسبوع يعني 7 ايام 6 ليالي تكون
ليلتين اسطنبول
ليتلين بورصة
ليلتين اسطنبولاسطنبول اول ليلتين تسكن في منطقة تقسيم
بورصة ليلتين تسكن في هيلتون
اسطنبول اخر ليلتين تسكن في السلطان احمدالله يوفقكم يارب واجازة سعيدة ويخليكم لبعضكم
تحياتي
-
2017-01-28 الساعة 6 #9176Maktoobمدير عام
بما انه اول سفرة لك لتركيا ولمدة اسبوع
فاعتقد الافضل لك البقاء في اسطنبول للتعرف على معالمها العديدة
ويمكن تروح يوم ليلوا للتيرمال وترجع بالليل
او تروح لبورصة ليوم وترجع بالليل
تحياتي -
2017-01-28 الساعة 6 #9183Maktoobمدير عامالمشاركة الأصلية كتبت بواسطة hazim bبما انه اول سفرة لك لتركيا ولمدة اسبوع
فاعتقد الافضل لك البقاء في اسطنبول للتعرف على معالمها العديدة
ويمكن تروح يوم ليلوا للتيرمال وترجع بالليل
او تروح لبورصة ليوم وترجع بالليل
تحياتي ودي والله احد يدلني بس كيف اروح لها وش طريقة التنقلتكفون والله احس اني ضايع
-
2017-01-28 الساعة 6 #9184Maktoobمدير عام
حبيب ألبي
شوف هنا
http://travel.maktoob.com/vb/travel557868/
إطلع مباشرة يلوا وبورصة وسبانجا
3 أيام
وكمل الباقي في إسطنبول
السيارة تستاجر ها 3 أيام من المطار وتسلمها في إسطنبول
وسلامة قلبك
لو وافقت راح أرجع لك بالتفاصيل -
2017-01-28 الساعة 6 #9185Maktoobمدير عام
حبيبي ماجد الفهد
على راسي يالغالي
والله ودي بس ياخي ديره مااعرفها اخاف من السواقه فيها
وودي تنورني فيها
هل السواقه والاماكن اللي بروحها تضيع فيها ولا لا
لان الاحظ ان اسماء اللوحات والتوجيهات ماهي بالعربي ولا انجليزي كلها بالتركي
مع العلم ان عندي ثلاث جوالات فيها نفقيشن
هل تتوقع تفيدني ؟
الشي الثاني هل الطرق فيها امان لاني بطلع بعائلتيوابغى اسالك بعد كم المسافه كلها من اسطنبول الى المدن والى اسطنبول
اجمالي الكيلو
سامحني ياماجد
بتعب معي
لكن عسى الله يقدرني على وقفتك اللي معي اللي فعلا احسستها منك تجاهي
واشكر كل من كتب لي
-
2017-01-28 الساعة 6 #9186Maktoobمدير عامراجع لك يا غالي
بكرا الصباح بحول الله -
2017-01-28 الساعة 6 #9187Maktoobمدير عام
^^^^^^
الله يجعل من جابك في جنات النعيم يالذيب -
2017-01-28 الساعة 6 #9188Maktoobمدير عام
صباح الورد
حياك أخوي
ولا تستحي من شيء طال عمرك
حنا إخوانك وراح نقدم كل اللي نقدر عليه
ما نبي غير دعوة في ظهر الغيب إن عجبك الموضوع
وإن صار العكس 🙂 إنسى ماجد الفهد وربعه 🙂
القيادة خارج إسطنبول ( وحتى داخلها ) لكن عشان ما نضيعك خارجها
سهلة للغاية
الطرق ممتازة جدا ومميزة
الناس يحترمون القوانين
إلتزم بالسرعة المحددة
ما سبق شفت شرطي يحرر مخالفة أويعاقب مخطيء أو يفتش
الناس مشغولة بحياتها
في القرى الأمور أكثر هدوء
والشوارع واضحة
والطرق غير معقدة
ماذا يجب عليك فعله لتستاجر سيارة ؟
حجز من النت وهو أفضل والمواضيع اللي تشرح ذلك كثيرة
أول ما تطلع من المطار ومعاك السيارة طبعا
إبحث عن لوحات يني كابي
وكل الكلمات مكتوبة في موضوعي أعلاه
وهي سهلة جدا
تطلع هناك
راح تجيك محطة العبارات
تروح الكشك وإنت بالسيارة
تسلم وتطلب منه تذاكر ليلوا
وسلامة قلبك
توصل يلوا
المنطقة أصلا صغيرة وواضحة
والطريق نحو القرى يعنمد على لوحة تيرمال
والطريق نحو بورصة مميز لإنه هاي واي ولا فيه غيره 🙂 يعني ما راح تضيع
نفس الحال بالنسبة للبقية
القارمن يفي بالغرض
لكني جربت برام الملاحة في الجوال وكانت مميزة
مثل Sygic
شريته بفلوس طبعا
واللي يبيه موجود عن طريق الجيلبريك
الفعاليات والاماكن اللي تزورها موجودة في معظم المواضيع
المسافات في بحر ال 60 وال 70 وال 100 وكحد أقصى 200 كم
وأصعب شيء عليك كبداية 🙂
إنك تطلع من المطار لميناء يني كابي
لكن زي ما قلت لكم في الموضوع
ميزته إنه على الكورنيش والبحر
يعني متى ما ضعت
خليك جنب البحر وخليه على يمينك
وبعد ما توصل الميناء
إعتبر إنك انجزت 3 أرباع المهمة ( المسافة قريبة 15-25 دقيقة على حسب الزحمة )
لإنه الأمور في الضواحي أخف وأهدى بكثير من إسطنبول 🙂
الديرة أمان والله خير حافظا
وعليك بالاوراد والأذكار سواء أستاجرت أم لا
والربع جربوا قبلك
بعوائل صغيرة
وكبيرة
وسنقل
والأمور عال العال
الخصوصية
الحرية
التوفير
والأهم
توقف على كيفك
وعشفك وأغراضك في الشنطة 🙂
قرارك بيدك
خذ معاك عزبة
إحجز فقط أول ليلة في فندق في يلوا
إسمهLOVA hotel yalova وقد كتبت عنه موضوع
والباقي لا تحجز 🙂 ترى عن جد اكلمك
فقط إحجز في إسطنبول
وأول ليلة في يلوا
ولو حاب ممكن تحجز فيلا في سبانجا
راجعين لك بعد الإتفاق
وربي يوفقك -
2017-01-28 الساعة 6 #9189Maktoobمدير عام
حبيبي ماجد عندي 7 ايام فقط
3 ايام بورصه فقط
هل تكفيني الايام الباقيه بالسياره في باقي المناطق اللي قلتها بالسياره
-
-
الكاتبالمشاركات
- يجب تسجيل الدخول للرد على هذا الموضوع.