فنادق جيدة في جنوب افريقيا

Viewing 24 reply threads
  • الكاتب
    المشاركات
    • #14216
      Maktoob
      مدير عام

      السلام عليكم ورحمة اللة وبركاته

      اخوي فوكس او ابو العصافير او اي يشخص يستطيع المساعدة لايبخل علي
      فضلا وليس امرا

      انا حجزت على جنوب افريقيا في الصيف القادم ورحلتي ان شاء الله
      يوم 13 يونيو 13/6 والعوده 27 وانا قرات في المنتدى عن الاماكن الافضل
      فيها ووجدت انه افضلها الكيب تاون والقاردن روت
      فحبيت احجزعن طريق موقع بوكنق الفنادق وياليت تدلوني عن اسماء الفنادق الجيده في
      الكيب تاون وجوهانس بيرق والقاردن روت لان وصولي واقلاعي من جوهانس بيرق
      طبعا حدي في الفندق في اليوم من 500 ريال وتحت اهم شي يكون موقعها امن وكويس
      لاني حصلت في البوكنق بس خفت يكون موقعها مو اامن فقلت انتم اصحاب الخبرة
      وماراح تقصرون معي

      فزعتكم تكفووووووووووون

      اذا تقدرون تعطوني الاسماء بالانجليزي مثل ما هي في بوكنق اكون مشكووووووووور مرررة

      يتشرط 

      سؤال اخير : حجز السيارة ناوي احجز يكون من الكيب تاون ولا من جوهانس بيرق
      وكيف طريقة الحجز لاهنتم

      رحلتي : جوهانس بيرق – الكيب تاون – القاردن روت – الكيب تاون – جوهانس بيرق

      الله يجزاكم خير

    • #14217
      Maktoob
      مدير عام
      وعليكم السلام ورحمة الله

      عندي لك اقتراح افضل ايش رايك تختار الفنادق وتحطها هنا ونعطيك معلومات عنها

      بالنسبة للسيارة احجزها من مواقع الانترنت من الان بالسعر والتامين اللي تبغاه

      ولو حبيت ممكن اساعدك باسعار حلوة للسيارات او الفنادق

      تحياتي

      خبير الزولو

       

    • #14218
      Maktoob
      مدير عام

      اهلا بك
      معلومة .. في شهر 6 يكون الجو بااارد

      على اي طيران يالغالي ؟
      مدينة الوصول ؟
      مدينة المغادرة ؟

      وابشر راح نساعدك خطوة بخطوة

      السيارة امرها بسيط

    • #14219
      Maktoob
      مدير عام

      مرحبا يااخوان الله يجزاكم خير
      سفرتي بتاريخ 6/13 المغادرة والوصول بنفس اليوم الساعه 4 العصر في جوهانسبيرغ
      والمغادرة من جوهانسبيرغ بتاريخ 6/28 الصباح الساعة 10 يعني الرحلة 16 يوم طبعا 16 يوم مع يوم المغادرة

      انا تخطيطي
      يوم جوهانسبيرغ يوم الوصول
      4 ايام كيب تاون
      3 ايام القاردون او ازيدها يوم
      6 ايام كيب تاون
      يوم في جوهانسبيرغ مع يوم المغادرة

      طيران الاتحاد طبعا التذاكر قصيتها مافية مجال لتعديل

      انا الاغلب نصحوني بالكيب تاون والقاردن روت علشلن كذا تم التخطيط

      مانستغني عن نصائحكم طبعا اذا فيه تعديل *

    • #14220
      Maktoob
      مدير عام

      وجهت نظري ..

      13 – 16 صن ستي 
      16 – 23 كيب تاون
      23 – 27 القاردن روت
      27 – 28 مطار جوهانسبيرج

      برنامج شامل

    • #14221
      Maktoob
      مدير عام

      هلا اخوي فوكس يعطيك الف عافيه على التواصل السريع الله يجزاك خير يااااااااااارب
      الصن السيتي يالغالي ما مدحوها الناس ابد وقرات انها غالبا تصلح للاطفال وانا مع زوجتي فقط يعني شخصين بس بعدين الشي الثاني انا من النوع احب الهيصه والعالم فما ادري عن الصن سيتي
      والنقطه الثانية
      كيف طريقة انتقالي من جوهانسبيرغ الى كيب تاون اللي اعرفه انه طيران يعني لازم اذا بغيت ارجع لجوهانسبيرغ لازم اكون في الكيب تاون واكثر الناس في المنتدى او خارجه مدحو الكيب تاون بشكل خااااااااص جداااا
      فما ادري بصراحه
      سالفة اني اروح للكيب تاون مباشرة ممتازه لكن الواحد اذا وصل لجوهانسبيرغ يكون مرهق يبي يركب طيارة ثانية للكيب تاون احس انها متعبه شوي ولا وش رايك يعني مو الافضل اريح يوم واسافر من بكره للكيب تاون
      سؤال 
      متى بالعادة مواعيد رحلات الطيران من جوهانسبيرغ الى كيب تاون علشان اعرف انسق اذا كانت على طول ممكن ما نجلس على طول نطلع الكيب تاون علشان ما يروح علي اليوم الثاني اما اذا كانت متباعده فهذي مشكله
      بصراحه عجبتني فكرة اني اروح مباشرة للكيب تاون مباشره لكن لازم اعرف مواعيد الطيران وهل اقدر احجز الان عن طريق النت علشان ارتاح

      عطني رايك تكفى واعذرني على كثر الاسئلة ما لي الا الله ثم انتم

    • #14222
      Maktoob
      مدير عام

      اهلاُ اخي
      وجهت نظري الجاردن روت تستحق اكثر 4 ايام خاصة محبي الطبيعه
      الصن ستي حقيقه تستحق الزياره
      اليك بعض الفنادق التي جربتها انا
      كيب تاون
      Harbouredge Apartments
      La Savina – The Island Club

      جاردن روت
      Mes Amis Guest House 
      Knysna Stays

      ولحجز السيارات انصحك بالموقع الرائع RentalCars

    • #14223
      Maktoob
      مدير عام

      بالعكس اخوي الغالي .. نحن بالخدمة دائماً 
      وهي وجهات نظر .. وتختلف من شخص الى اخر 
      انا وجهت نظري كما ذكرت لك سابقاً 
      والصن ستي مدينة جميلة 
      وهي تبعد عن جوهانسبيرج حوالي ساعة و 45 دقيقة
      مكان رائع للاسترخاء بعد عناء السفر

      طريقة التنقل من جوهانسبيرج الى كيب تاون بالطائرة
      وهناك عدة شركات طيران والرحلات كل ساعة 
      لكن يلزمك الحجز المبكر لضمان السعر الاقل

    • #14224
      Maktoob
      مدير عام

      يعطيك العافية اخوي mksf1981

      الله يجزاك خير اخوي فوكس
      طيب اخوي فوكس كيف اذهب لصن سيتي عن طريق السيارة صح لاني سمعت ان المواصلات غالية وانا مخطط استاجر من الكيب تاون واخاف نقلنا للصن سيتي يكون غالي علي من جوهانسبيرغ ذهاب وعودة يكون مكلف وهل يوجد مطار في الصن سيتي علشان الكيب تاون

      كيف انتقل من جوهانسبيرغ للصن سيتي ؟؟؟

       

      علشان ارتب جدولي خلاص لاني تاخرت مرررة

      باقي حجز فنادق وطيارة الكيب تاون وحجز السيارة كل هالاشياء ماسويت فيها شي ودي اخلص وارتاح

      اذا كان المواصلات ممتازة للصن سيتي عطني جدول للرحله بداية بالسكن اول يوم او يومين في الصن سيتي واخر يوم او يومين اذا كانت تستاهل في جوهانسبيرغ للمغادرة

    • #14225
      Maktoob
      مدير عام
      اهلا بك اخوي 

      انت حدد الجدول اللي يناسبك وانا اساعدك في ترتيبه

      وجهت نظري البسيطة ..
      توصل جوهانسبيرج تتجه لشركات التأجير اللي تكون انت حاجز مسبقاً عندهم
      وتأخذ سيارتك وتتجه للصن ستي وعند الانتهاء ترجع تسلم السيارة بالمطار وتسافر بالطيران الى كيب تاون 
      ونفس الطريقة تأخذ سيارة من مطار كيب تاون وتسبمها في مطار جورج بالقاردن روت
      طبعاً تبقى السيارة معاك في الكيب تاون وتسافر فيها للقاردن روت 
      وتسلمها في مطار جورج وتسافر الى جوهانسبيرج
      يوم وترجع للوطن

       

    • #14226
      Maktoob
      مدير عام
      يعطيك العافية اخوي فوكس ادري والله اني تعبتك معي بس معليش تحملني تكفى اخوك ما يدري وش الطبخه

      خلاص انا قررت اكنسل الصن سيتي
      يعني رحلتي تبي تكون في الكيب تاون والقاردن روت واخر يوم في جوهانسبيرغ
      بس ترتيب الايام انا اقول
      تكون كالتالي
      الوصول يوم 13
      الكيب تاون 5 ايام 13/14/15/16/17
      القاردن روت 4 ايام 18/19/20/21
      5 ايام الكيب تاون 22/23/24/25/26
      يوم واحد جوهانسبيرغ يوم 27

      ورحلتي من بكره يوم 28 يعني لاتحسبه الساعه 10 صباحا

      وش رايك علشان ابدا في الفنادق ؟

      كم المسافه بين القادرن روت الكيب تاون وكيب تاخذ من وقت علشان احسبه ؟؟؟

       

    • #14227
      Maktoob
      مدير عام

      حياك اخوي ..

      بالنسبة للمسافة من كيب تاون الى القاردن روت 4 ساعات تقريباً

      بالنسبة للتقسيم كما تحب يالغالي 

      موفق,,

    • #14228
      Maktoob
      مدير عام
      هلا اخوي اخوي فوكس
      اوووووف 4ساعات والله كثير يعني لو اروح لها وارجع يبي يروح علي يومين كثير يالغالي والله
      هل يوجد مطار في القاردن روت وياليت تعطيني اسمه الله يخليك علشان اول اما اوصل لجوهانسبيرغ احجز على القاردن روت واحجز السيارة ايضا من القاردن روت واسلمها في مطارالكيب تاون

      ويكون الجدول
      4 ايام القاردن روت
      10 ايام الكيب تاون اليوم الاول راح يكون سفر من القاردن روت الى الكيب تاون (((كيف الطريق من القادرن روت الى الكيب تاون ان شاء الله يكون ممتاز وطرق امنه ؟؟؟؟ )))
      يوم واحد جوهانسبيرغ

      ابي رايك في الجدول انا عدلت بناء على المسافه بين الكيب تاون والقاردن روت والله مسافه كثيرة

      اسف على ازعاجك وتحملني معليش ادري اني كثير اسئلة لكن وش اسوي كل شوي يطلع لي شي واحاول اخذ الجدول المناسب والاوفر 
      الله يجزاك خير
      انتظر ردك واذا كان عندك اقتراح لا تبخل علي تكفى لان فيه وقت اعدل الجدول لاني انتطر اصدار بطاقة الفيزا علشان ابدا بالحجز

       

    • #14229
      Maktoob
      مدير عام

      حياك يالغالي
      وانا في خدمتك
      __

      المسافة ليست بعيدة كما تراها
      المسافة معقولة جداً وممتعه للغاية
      الطريق امن ومافي مشاكل ابداً

      التقسيم الذي اراه :
      جورج او كيب تاون في البداية ما تفرق ابداً

      لنفرض انها كيب تاون :

      9 ايام كيب تاون
      5 ايام في القاردن روت
      اكتب لك وان ودي انك تزور الصن ستي و جوهانسبيرج 
      لكنك رافض الفكرة ..

      مطار القاردن روت اسمه مطار جورج George

      ولازم تحجز الطيران والسيارة مسبقاً

      واي خدمة انا حاضر يالغالي

    • #14230
      Maktoob
      مدير عام
      يعطيك العافية اخوي فوكس خلاص انا قررت 4 ايام قاردن روت — 10 كيب تاون — يوم جوهانسبيرغ 
      الان ابي تعطيني الله يعافيك اسماء الفنادق في المدن اللي قلت لك وتكون اسعارها من ال بين 350 و500 وتكون اامنه اهم شي مثل ما انت عارف انا وزوجتي لازم يكون المكان امن علشان الواحد يرتاح نفسيا 

      بالنسبه للقاردن روت انا قريت ان فيه قرى لوردنس وغيرها ما ادري كيف احجز فنادقي في اي قرية ابيك تكفى تعطيني افضل منطقه والفنادق الممتازة فيها تكفى سواء في القاردن روت او الكيب تاون او جوهانسبيرغ 
      انا راح احجز من بوكينق اذا بالامكان تعطيني الاسماء بالانقليزي افضل ان قدرت او عطني بالعربي وانا ابحث 
      علشان اخلص وندخل في سالفة كيف احجز السيارة والطيران الداخلي من الان ونخلص 

      انتطر اسماء الفنادق الله يعافيك لاني دخلت بوكنق حصلت فنادق كثير بس المشكله المنطقه ما ادري تصلح او لا اتمنى انك تفيدني يالغالي بالاسماء .

    • #14231
      Maktoob
      مدير عام

      ابشر من عيوني ..

      القاردن روت .. انا شخصياً افضل السكن في ويلدرنس 
      لانها تقع تقريباً في المنتصف بين جورج ونايزيا

      الفنادق المقترح :
      Booking.com: Xanadu Guest Villa, وايلدرنيس, جنوب أفريقيا – 100 آراء النزلاء. احجز فندقك الآن!

      Booking.com: Mes Amis Guest House, وايلدرنيس, جنوب أفريقيا – 23 آراء النزلاء. احجز فندقك الآن!

      _____________

      في كيب تاون الخيارات كثيرة

      Booking.com: Premier Hotel Cape Manor, كيب تاون, جنوب أفريقيا – 34 آراء النزلاء. احجز فندقك الآن!

      Booking.com: Lagoon Beach Hotel, كيب تاون, جنوب أفريقيا – 176 آراء النزلاء. احجز فندقك الآن!

      ___________

      بالنسبة لكيب تاون كما ذكرت لك الخيارات كثيرة
      لكن اخترت لك خيارين اذا ما عجبك نشوف غيرهم

      وهي فنادق مجربة ومقبولة
      الاول في السي بوينت منطقة جميلة تبعد اقل من 7 دقائق بالسيارة عن الواترفرنت
      والفندق يقع مطل على البحر (اطلاله جزئية) يفصل بينهم شارع

      الثاني جيد وموقع على الشاطي ولا يبعد عن الواتر فرنت الا دقائق

      بالنسبة للسيارة احجز من موقع ترافل جغيسو مجرب وامان
      يعطيك كيلو متر مفتوح وتأمين شامل والغاء مجاني حتى قبل استلام السيارة بيومين

      هذا رابطهم تأجير سيارات المملكة العربية السعودية بأسعار مخفضة مع ترافل جيغسو

      اي خدمة انا حاضر ومستعد

    • #14232
      Maktoob
      مدير عام
      ما شاء الله تبارك الله

      الله يوفقك يالغاااالي

      وبإذن الله

      راح تكون رحلة ماااااا تنساها ويمكن تعيدها بعد

      مشرفنا الغالي ابوريتال

      رايته بيضاء ما قصر كفى ووفى

      أنا مداخلتي

      أولاً للطريق بين القاردن رووت و كيب تاون

      تقريباً 550 كم

      والطريق حلوووو وأغلبه مسار واحد

      والمحطات والديار عليه موجودة

      ( شف تقريري آخر حلقة مصور الطريق المقصود )

      وبإذن الله اليوم أنزل حلقة وفيها تكملة الطريق

      وأحكم بنفسك

      أنا شخصياً ريحت يوم بينهم

      وأنت شف وضعك وإذا مشيت بدري تاصل بدري عادي جداً

      وبالنسبة لبرنامجك حلوووو بس ودي تزود لو يوم للقاردن رووت

      تراها حلووووه والمزارات فيها كثيرة ومتباعدة نوعاً ما

      أما كيب تاون تقدر تزور أكثر من مزار بيوم واحد والمسافات مو بعيدة

      وجوهانسبرغ ترا حلووووه وخاصة إذا أنتم من محبي التسوق بآخر الرحلة

      فيها مولات كبيرة وخاصة اللي عند ساحة مناديلا وبنفس الوقت عندها فنادق

      بس بعيدة شوي عن المطار…

      والله يسهل أمركم

      ويستر عليكم ذهاباً وإياباً

       

    • #14233
      Maktoob
      مدير عام

      الله يسلمك اخوي محيرهم عز الله ان فوكس ماقصر معي الله يجزاه خير ويرزقه يارب

      اخوي فوكس ابشرك حجزت في القاردن روت الفندق الاول من اللي رشحتهم
      اما الكيب تاون ماحجزت لاني لاحظت انك تميل للاول اكثر من الثاني اما انا فارشح الثاني لانه على شاطئ فاحترت خفت احجز في اللي انا ارغب ويكون فيه مشاكل
      لانك مارشحته بقوة فقلت اخذ رايك يالغالي قبل احجز

      الشي الاخر مارشحت لي فندق الجوهانسبيرغ وهو اهم شي لانه يقولون الامان فيها مش ولا بد اتمنى تعطيني الفنادق اللي مناطقه امنه يالغالي

      اشكرك ثم اشكرك وتعجز الكلمات عن شكرك ياغالي لعدة اسباب واهمها
      تحملك لشخصي وكثرت اسألتي
      البساطه في تعاملك
      سرعة الردود
      ابداء النصح
      و و و و وغيرها الكثير
      الله يعطيك ماتتمنى ياااااااارب ويرزقك من حيث لاتحتسب *

    • #14234
      Maktoob
      مدير عام

      اهلاً بك مجدداً

      هذا واجبي .. يالغالي

      ممتاز انك حجزت الفندق الاول في القاردن روت وهو مناسب وجميل جداً
      بس وش نوع الجناح اللي حجزته ؟

      بالنسبة للكيب تاون الفندق الثاني جميل جداً وعلى الشاطئ
      اهم شي تأخذ غرفة مطله عالبحر ..

      في جوهانسبيرج اذا يوم خله في المطار
      مالك الا هذا الفندق حلو ورخيص
      Booking.com: Premier Hotel O.R. Tambo, كمبتون بارك, جنوب أفريقيا – 39 آراء النزلاء. احجز فندقك الآن!

       

    • #14235
      Maktoob
      مدير عام

      الجناح اسمه جناح Dolphin. تبي الصدق حجزت وبس لانه كان اخر فرصه لي وحجزته وبس الله ان شاء الله يكون حلو

      بالنسبه للفندق اللي في كيب تاون كيف اعرف ان الغرفه مطله على البحر ؟؟؟؟؟؟

      اما جوهانسبيرغ فشكلي بحجز فيه

    • #14236
      Maktoob
      مدير عام

      الدولفين جيد ومناسب 
      انا كان حجزي على دولفين وسوا لي اب قريد (ترفيع) الى جناح رئاسي
      وكان روعة .. 

      بالنسبة لحجز الغرفة المطله عالبحر راح تلقى ضمن الخيارات في الفندق لوقن بيتش 
      غرفة مطلة عالبحر

    • #14237
      Maktoob
      مدير عام
      هلا اخوي فوكس ابشرك خلصت حجوزات الفنادق لكن عندي استفسارات الله يعافيك
      1/ في حجز الفنادق مكتوب لي مشمول ضريبة المدينه وضريبة اخرى ثم مكتوب السعر هل معنى ذالك ان الضرائب ضمن السعر المكتوب ام يكون زيادة غير مكتوبة؟؟؟؟
      2/. انا حجزت عن طريق فيزا لاخوي عادي اوديها معي للسفر واخليهم يسحبون منها قيمة الاجار ام لا (( طبعا الحجز باسمي يعني اخوي البطاقة فقط ))؟؟؟

      بالنسبه لحجز السيارة ماعرفت احجز لاني قمت بتعبئة الفراغات جوهانسبيرغ — جورج — مطارجورج
      وبعدها ضغطت على اسماء الشركات ولا طلع لي شي مدري ليش ؟؟؟؟؟؟
      وش الحل يالغالي ؟؟؟؟

    • #14238
      Maktoob
      مدير عام

      اهلا بك اخوي ..
      1/ نعم السعر اللي طلع لك هو المبلغ اللي راح تدفعه ..
      2/ الافضل والاسلم لك يالغالي .. تحجز ببطاقتك الشخصية 
      اذا ماعندك بطاقة لازم تنقز للراجحي وتطلع بطاقة ائتمانية مسبقة الدفع (تسوق) 
      سعرها 100 ريال وهي بطاقة حلوه وامنه مافيها فلوس انت تودع فيها المبلغ اللي تحتاجه
      والبطاقة اساساً ضرورية جداً وبدونها لن تستطيع استاجر سيارة …

    • #14239
      Maktoob
      مدير عام

      انا طلبت من الفرنسي فيزا قالو تبي توصل خلال يومين لاني من النوع ما احب فيز الشحن لاني احتاج الفيزا وقت الضرورة هل من الممكن اعادة حجوزاتي حقت الفنادق على فيزتي الجديدة او اذا سافرت سددت الايجار من الفيزا حقتي
      سؤال ثاني

      بعد الحجز خصمو من فيزت اخوي لكن مو المبلغ كامل ولا يوم واحد خصمو 1500 راند وسعر الجناح طلع علي بـ 310 ريال سعودي من القيمه الاجمالية لليوم الواحد
      هل السعر هذا حق يوم واحد ولا وش ؟؟؟؟؟؟؟اللي اعرفه وانت اخبر مني انه يتم حجز قيمة اول ليلة والباقي اذا وصلت تسدد كاش او من البطاقه كامل المبلغ
      ولا كلامي فية خطا ؟؟؟؟؟؟؟

    • #14240
      Maktoob
      مدير عام

      عادي تقدر تغير بطاقتك .. وتقدر تدفع لهم اذا وصلت اهم شي تكون البطاقة بأسمك

      بالنسبة للمبلغ قد يكون نسبة من الاجمالي (يعني يمكن يكون 30%) 
      انت شوف سياسة الحجز والالغاء وراح تعرف 

Viewing 24 reply threads
  • يجب تسجيل الدخول للرد على هذا الموضوع.

حمل تطبيق المسافرون

كل هذه المعلومات وأكثر موجودة في التطبيق