› منتدى المسافرون العرب › منتديات أفريقيا › استفسارات جنوب أفريقيا › لكل الخبراء واللي زار جنوب افريقيا في الصيف
- This topic has 5 ردود, مشارك واحد, and was last updated قبل 11 سنة، شهر by Maktoob.
-
الكاتبالمشاركات
-
-
2017-07-27 الساعة 9 #14284Maktoobمدير عامالسلام عليكم ورحمة الله وبركاته
ومساكم الله بالخير
الله يسلمكم نحن ناوين السنه نزور جنوب أفريقيا
وبعد شهور من قراءة التقارير استقر الرآي عليها
ولكن استوقفني التوقيت
الكل يذكر الشهور المناسبه لزيارة جنوب أفريقيا ولكن
نحن اجازتنا في الصيف في شهر 8 يعني ماعندنا توقيت آخر
ضروري اعرف لأني يالسه أرتب الحجوزات
هل في هاي الفتره مناسبه أسافر فيها وياأسرتي ؟
وكم تقريبا تكون درجة الحراره ؟
البرد ممشكله وايد عندنا ولكن المشكله هي الامطار
هل هي من النوع اللي تكثر فيها الامطار في هالوقت بحيث ممكن تعيق رحلاتنا ؟
وبعض الاخوان ذكروا انه في الشتا في بعض الاماكن السياحيه تتسكر
هل تسكر عشان يوم ممطر ولاتسكر في الشتا ع طول ؟
وشو هي هاي الأمكان ؟
من فضلكم لاتبخلون عليه بالاجابه ع كل الأسئله
ولاتتأخرون لأني لازم أضبط حجوزاتنا خلال هالاسبوع
أو الغي رحلتنا لجنوب أفريقيا وأبدأ أفكر في مكان غير
وابدأ مرحلة البحث من جديد
-
2017-07-27 الساعة 9 #14285Maktoobمدير عاموعليكم السلام ورحمة الله وبركاته
ويسعدلي مساك أختي الكريمة أم عيسى
والله ودي أخدمك بخصوص شهر 8 بالصيف
قصدك هجري ؟
يعني بين شهر 6 و 7 ميلادي
بقولك اللي شفت بعيني وعشته
اللي هو آخر شهر 10 أكتوبر و بداية 11 نوفمبر
أجواء خياااالية مع نسبة أمطار بس مو كثيرة تعتبر
والجو فيه لمسة برووودة
والبرد للعائلة والأطفال مقلق ( نزلة برد وكذا )
واجهتني أنا بالرحلة تعب ولدي الصغير تعب برد
وفيه تقرير أبوعزوز
رايح بشهر 8 اغسطس
ذكر إن فيه بررررررد شديد
وأنا ودي
تروحين يكون الجو حلووووو
والدنيا خضراء تفتح النفس
والإجازة المفصله لذالك ( إجازة عيد الأضحى )
هذا والله أعلم
أعذريني ع المشاركة الغير كافيه
والله يكتبلكم ما فيه الخيرة
-
2017-07-27 الساعة 9 #14286Maktoobمدير عامو عليكم السلام
هلا أختي هداوة مساء الانوار
قرار صائب و حتعجبكم كثير
أنا زرتها بهالوقت و كل شئ كان شغال عدا الملاهيدرجات الحرارة كانت مناسبة لنا و الاجواء كانت روعة
بجوهانسبرغ و كيب تاون وقتكم 18 بالنهار و 8 درجات بالليل
و هذي الدرجات مناسبة جداً
لأني لما زرتها كانت جوهانسبرغ حول صفر و كيب تاون حول 3 درجات
و استمتعنا جداً برحلتنا و نفكر بالعودةالامطار كانت بكيب تاون بالليل فقط هتان خفيف
حاضرين لأي استفسار
-
2017-07-27 الساعة 9 #14287Maktoobمدير عام
اذا كانت في شهر جون او جولاي والله التأجيل افضل
لازم تروحون في موسم جنوب افريقيا عشان تحكمون عليها 100% -
2017-07-27 الساعة 9 #14288Maktoobمدير عام
انا رحتها شهر نهاية6-7-8 ..والله الاجواء جميله وبردهم مو البرد اللي يتعب بالعكس حتستمتعون بالبرد.. وكل شي موجود حتى الراتانجا جنكشن تفتح بعض الايام
لو ماعندك فرصه غيرها لاتاجلينها وروحي -
2017-07-27 الساعة 9 #14289Maktoobمدير عام
الملاهي تفتح 27 سبتمبر .. وحتى ابريل تقريباً
وتفتح في الويكند فقط
-
-
الكاتبالمشاركات
- يجب تسجيل الدخول للرد على هذا الموضوع.