محتار بين فندقين وابي مساعدتكم يا اهل قطر

[Maktoob]

السلام عليكم ورحمة الله وبركاته

اخواني الغالين واخواتي الغاليات من اهل قطر الحبيبة

(( و أي أحد عنده خبره في الاماكن بـ قطر ))

انا إن شاء الله جآي قطر بعد تقريبا 35 يوم من الآن ( من 21 سبتمبر إلى 24 )

وقاعد ادور سكن حلو وفاخر وبنفس الوقت ما يتعدى 3500 ريال لكامل الاقامة

وضيقت دائرة البحث حتى وصلت إلى فندقين وابيكم الله لا يهينكم تساعدوني بالاختيار

اللي يهمني موقع الفندق (من ناحية وجوده في منطقة ناطحات السحاب و قربه من الاماكن السياحية) وأيضا تهمني اطلالة الفندق

للمعلومية نحن 3 شباب

الفندق الاول: Fraser Suites Doha

ومعروفه سلسلة فريزر بفخامتها واللي شدني له هنا هو ان الفندق مكتوب انه جديد (يعني يكون نظيف وغير مكروف) وموقعه في الخريطة يوضح انه بين المتحف الاسلامي والمطار (للمعلومية انا لا احتاج المطار، رحلتي عن طريق البر)

ميزة اخرى في هذا الفندق . . لو بحجز فيه راح اخذ شقة بغرفتين (يعني مرة بنكون مرتاحين بالوساع)

السعر لكامل الاقامة: 3570 ريال قطري

http://www.booking.com/hotel/qa/fraser-suites-doha.en-gb.html?sid=e115737fd544a944723f6d88a85ffcd1;check in=2011-09-21;checkout=2011-09-24;srfid=5cc64776c7c012fd221efc55c71f482dX15

الفندق الثاني: Renaissance Doha City Center Hotel

اللي شدني فيه فخامته مقارنة بسعره . . واتوقع موقعه خلف الشيراتون . . واذا ماكنت غلطان كأني قريت انه مشبوك مع الستي سنتر

في هذا الفندق راح نآخذ غرفة عادية مع زيادة سرير ثالث (مجاني)

السعر لكامل الاقامة: 2700 ريال قطري

http://www.booking.com/hotel/qa/renaissance-doha-city-center.en-gb.html?sid=e115737fd544a944723f6d88a85ffcd1;check in=2011-09-21;checkout=2011-09-24;srfid=1c37dbf55b1ece2d8695e3a34b5aafa4X24

طبعآ كلآ الفندقين مصنفه كـ 5 نجوم

ساعدوني بالاختيار الله يعطيكم العافية . . ومثل ماقلت لكم يهمني الموقع والاطلالة

ومشكرورين مقدمآ

[Maktoob]

الفندق الثاني توه يديد

هو والماريوت جمب بعض

وماأدري إذا افتحوا الماريوت بعد والا لا

المهم ان الفندق مادخلناه للحين فما أقدر أحكم عليه

والفندق الاول مااعرفه

[Maktoob]

ولو لقيتوا انهم فتحوا الماريوت بيكون أحسن بعد لانه بعد لاصق في السيتي سنتر

ومعروف ان الماريوت أفضل من رينيسانس

[Maktoob]

ماصترت اختي النوري

وحياكم بقطر

[Maktoob]

وش رايك في ريتاج الريان في نفس المنطقة تسكن ليلتين والثالثة مجاناً

 تقبل طاعاتكم وصيامكم وقيامكم

[Maktoob]

اخووي الفندقيين اجداااد وتوني اعرف انهم افتتحووا كنت احسب انهم تحت الانشاااء . اشووف ان ريسنانس احسن مشبووك بالسيتي سنتر وحلوووو من ناحية الموووقع ما يحتااج ريسنانس بمنطقة الابراااج

 

[Maktoob]

 

• اشكركم جميعآ على تجاوبكم

  اخت النوري:

  الماريوت الظاهر انه فتح لأنه مدرج بقائمة بوكينق والصراحة ماينقدر عليه لأنه كذا >> $$$$

  اخ jawan

  شكرآ على مرورك

  اخ غريب الآهـ:

  والله اقتراحك حلو ومغري . . بس هل الفندق فخم ؟ والعرض اللي تقول موجود في بوكينق وإلا من نفس الفندق ؟

  اخ مهندس قطري:

  ترا يمكن الفندقين افتتحن بس مو رسمي . . وشكرآ اخوي على نصيحتك لأن الصراحة تهمني الاطلالة

  الله يعطيكم العافيه جميعا وهذا العشم بأهل قطر

  إن شاء الله اذا احتجت شي آخر بسأل هنا لأن اعرف ان وراي ظهر وسند وماراح يقصرون معي

  شكرآ مليووون

 

[الكاتب]

المشاركات