نصائحكم ياشباب

Viewing 9 reply threads
  • الكاتب
    المشاركات
    • #8810
      Maktoob
      مدير عام

      السلام عليكم
      صباح / مساء الخير للجميع

      حبايبي قبل شوي قصيت تذكرة على الخطوط السعودية بتاريخ 25/07/2014 بمبلغ ( 2260) ريال و العوده يوم 2 اغسطس كلها تسع ايام مع الذهاب و الاياب

      وباخذ رايكم
      طبعا وصولي راح يكون بأذن الله الظهر يوم الجمعه الساعه وحده وقلت اخذ تاكسي و اتوجه الى بونشاك
      و اقضيها بالجبل و اخر يوم انزل جاكرتا و العوده للوطن

      هل تشوفونها فكره موفقه و بصراحه اول مره اسافر لوحدي هل فيه فيلا مناسبه كشخص لوحده مسافر

      العاده اسافر مع اصحابي بس هالمره وحداني

      مشورتكم و ارئكم تهمني جدا

      واسف على الاطاله

      فمان الله

    • #8811
      Maktoob
      مدير عام

      وصولك يصادف أواخر شهر رمضان وعدد أيامك الفعلية 8 ايام إذا وصولك يوم 25 يوليو والعيد احتمال 27 يوليو .. المهم السكن في الجبل الأفضل فندق لان الفيلا صعبة لشخص واحد ومن رأيي الخوة طيبة ولا أحب السفر وحيدا مهما كانت الأسباب والظاهر حسب السعر التذاكر غير مستردة والله يسهل دربك ويحفظك

      من الموبايل
    • #8812
      Maktoob
      مدير عام
      وصولك يصادف أواخر شهر رمضان وعدد أيامك الفعلية 8 ايام إذا وصولك يوم 25 يوليو والعيد احتمال 27 يوليو .. المهم السكن في الجبل الأفضل فندق لان الفيلا صعبة لشخص واحد ومن رأيي الخوة طيبة ولا أحب السفر وحيدا مهما كانت الأسباب والظاهر حسب السعر التذاكر غير مستردة والله يسهل دربك ويحفظك

      الله يسلمك يالغالي و شاكر لردك
      لكن استفسار لو تكرمت لو سكنت في مجمع فلل غرفة واحده هل تنفع منها حولك ناس وكذا ؟؟ وتوقعاتك للجو العاده باخر يوليو امطار او بدون العاده ؟؟؟؟

    • #8813
      Maktoob
      مدير عام

      سؤال اخير لو تكرمتو هل مبلغ 6000 ريال كافي ؟؟ لمدة 8 ايام شامله + السكن + الاكل+ سياره من المطار للجبل و العكس ( مشاوير ماعندي كل وقتي بالفيلا او انقز بدباب بس )

    • #8814
      Maktoob
      مدير عام

      ممكن السكن في منتجعات مثل شكور ولكن ممكن تكون عرضة للاستغلال والإزعاج والفندق افضل من وجهة نظري وبالنسبة للمبلغ كافي بيومية 200 دولار وممكن يزيد معك .. المهم الحرص وبالذات عند ركوب الدبابات في الجبل فقبل مدة بسيطة سمعنا عن خبر حادث لأحد الشباب رحمة الله عليه بسبب حادث دباب والله يحفظك ويسهل دربك ..

      من الموبايل
    • #8815
      Maktoob
      مدير عام

      جزاك الله كل خير ياحبيبي و ماقصرت و شاكر ردك و تفاعلك معاي

      رحم الله والديك

    • #8816
      Maktoob
      مدير عام

      شباب لو تكرمتوا هل لديكم صور لفيلا لغرفة واحده او غرفتين و تكون قريبه من البقاله السعوديه لاني اذكر فيلا خلف مطعم سينار بس ناسي حتى اسمها

      ياليت اهل الخبره يفيدوني

    • #8817
      Maktoob
      مدير عام

      مازالت انتظر الفزعه ياشباب

    • #8818
      Maktoob
      مدير عام

      الفلل كثيرة جداً ومعظمها قريب من البقالات السعودية ..
      الافضل لك هو الحجز مباشرة من حارس الفيلا بعد المعاينة لان الكثير من اصحاب لفلل يرفض الحجز قبل الوصول لان السياح كثير

    • #8819
      Maktoob
      مدير عام

      الله يوفقك اخوي طارق و ماقصرت

Viewing 9 reply threads
  • يجب تسجيل الدخول للرد على هذا الموضوع.

حمل تطبيق المسافرون

كل هذه المعلومات وأكثر موجودة في التطبيق