مطعم ميدار للأكلات البحرية الخليجية الظهران

اللهم صل وسلم على محمد ❣️

مطعم تكرر التجربة له

خذينا عروسة دفتر فنانة وزبدة ما شاء الله

وربيان مقلي حلو يستاهل الطلب

وسمك صافي جميل

وقطعة كنعد كان ناشف شوي ما كملناه

رز مشخول طبعا ممتاز جدا

الطلب ل ٤ اشخاص

حسابنا كان حول ٤٠٠ ريال

سعر مقبول مقابل كمية الاكل صراحه

مطعم أكلات بحرية مميز

يستحق التجربة

أنواع الأسماك والأرز و القمبري

بالنسبة للسمك بالفرن ممتاز جداً و الصوص مميز أعتقد إنه صويا + باربيكيو خفيف جداً ..

السمك المقلي متوسّط طعماً و بهاراته عاديّة ، مشكلة الصافي في الغالب الأحجام الموجودة كبيرة لكن لذيذ ..

الروبيان المقلي عادي جداً ما يستاهل تجرّبه ، لكن المشوي ممتاز و لذيذ ، حجمه معقول رغم انه روبيان مزرعة ..

الرز تقريباً ٤ أو ٥ أنواع ، الصيادية لذيذ و مضبوط ..

الخدمة سريعة ، شغلهم نظيف و مرتّب ..

جيته مرتين في أوقات مختلفة ، الطعم و الجودة ثابتة ما شاء الله ..

من أفضل الأماكن المختصه بالأكل البحري اللي ممكن تقول عنها شعبيه ،

المكان نظيف و مرتب

الأسماك متنوعه و طازجه و جودتها عاليه

السمك المشوي ممتاز جداً و كذلك الروبيان البهارات موزونه و درجة الطبخ كذلك .

السمك و الروبيان المقلي ممتاز و مقرمش وماشرب الزيت .

الرز عندهم أنواع مابين صياديه و مشخول و برياني وماشاءالله الطبخ لهم ممتاز و موزون و الحبه زينه .

آخر شيء الأسعار جداً جداً مناسبه ومعقولة على مطعم بحري وأعتبرها أقل من السوق .

برغم اني زبون عندهم من فترة طويلة الا ان الاسعار الان اصبحت مبالغ فيها جدا عن السابق ، ومرة طلبت ثلاثه رز سفري ، و تفاجأت في البيت ان الرز اثنين ، و الان في زيارتي الأخيرة كلمتهم في المحل عن النقص و رفضوا يعوضني او يحسب الرز الناقص . لا انصح فيه خصوصا بعد الاسعار المبالغ فيها و يوجد البديل الأفضل و الارخص مثل زاد البحارة و راعيها وان شاءالله انها اخر زيارة له