مطعم ذا تشيز كيك فاكتوري جدة

مساء الخير

اشارككم تجربتي في المطعم ، كان وجبت عشاء بعد مغرب يوم جمعه الصراحه رحت كان شويه زحمه كان الاستقبال مميز جداً اخذ اسمي ورقم الجوال قالي الانتظار حوالي ١٥ دقيقه بس فعليً كان الانتظار اقل تقريباً ٨ دقايق ورحت للطاوله استقلني محمد الترك والصراحه اعطاني فكره بسيطه وسريعه عن اطباق اليوم واخترت احدهم الي هو السالمون مع البطاطا المهروسه وكان طبق مميز جداً واخذت تاكو اللحم كان لذيذ بس التاكو طري والمفروض يكون مقرمش شويا واخذت ليمونادا كلاسيك وكان اسواء مشروب شربته من ١٠ سنوات تقريباً كان عباره عن مويا وكثير من السكر وقليل من الليمون واخبرت الويتر محمد الترك والصراحه عرض عليا مشروب مجاناً بداله بس انا رفضت ، ع فكره كان فيه قروب في المطعم كبير واخبرنا الويتر ان العشاء راح يتاخر شويا وجاب لنا شربه مجاناً قال عشان الانتظار مايطول ، ع العموم تجربه حلو واجواء جميله جداً جداً ، واحب اقدم الشكر لاداره والعاملين وشكرا كبير جداً للشاب محمد الترك الي قدم كل شي وكان وجعل زيارتنا للمطعم ( لاتنسى ).

انا جربت الاتيه بالفنيلا والقرفة ، و تاكو الستيك ، لقد كانت تجربه غيرت حياتي يا عيااال لذييييذ ، التاكو بالحم الستيك و صوص الجبنة والقواك ملوي وهناك أرز باليمون وفاصليو بالصوص كا إضافة، وانها تجربه تتغير وعيك عن الحياة ، و الموظف عبدالله الجهني طيب وكفوا خدمة ولا احسن ،

هو شوي غالي بس سعره فيه و الاتيه بالفنيلا والقرفة شيء خيال و انا استمتعت في كل لحظة كان فراق التاكو ستيك صعب جدا وهو للان يشغل بالي ، و الاتيه بالفنيلا والقرفة كمان ، عمري ما شربت شيء بهاذي اللذه ، الحمدلله انا صرت شخص سعيد، وتحياتي لعبدالله الجهني والله انسان و لا افضل

مطعم فرع التحلية لوفي اكتر من ٥ نجوم كان عطيتهم بالذات الاخ مشعل يستاهل الشكر لو جيتو اطلبوه بالاسم. الاطباق كبيرة ومليانه الطعم لايعلى عليه

كانت الأنسة وعد مسؤولة عن طاولتي كنت محتارة وشكرا لها اخبرتني عن طبق اليوم المتوفر سالمون بالليمون وصوص الفطر وفطر وفاصوليا وبطاطس مهروسة.

عجبني وطلبته اشكر الشيف الطبق كان أكثر من رائع ملاحظة جدا مهمة أنا عادة لا أكل الفطر ولكن جربته وعجبني جدا الطعم موزون والفطر وصوص الفطر لذيذ والفاصوليا مسلوقة ولكن مع الصوص طعمها كان جدا لذيذ الطبق كان متكامل انصح محبي السالمون تجربته والتلذذ بطعمه.

تشيز كيك سينابون لذيذة أيضا.

الخدمة والجودة ممتازة والاكل مرا يمي.. توفقنا في اختيار الاكل مع موظف اسمه نايف ساعدنا كثير واقترح علينا اطباق لذيذة كان متعاون جدًا وخلوق 👍🏻