مطعم عسيب الرياض

المطعم فخخم وجمييل جددا مساحته كبيره وشررح مره ماودك تطلع اببد وتعامل الموظفين تحس انك بزواج من كثر مايشيلونك

اول ماتدخل يقدمون لك فنجال قهوة ضيافة وتمر وبعد ماتخلص طلبك وكل شي البخور🫡

طلباتنا:

1- مشخول وقرارة دجاج 10/10 تجي نص دجاجة طعمه رهيب جدا وكمية الرز راهية تكفي من ٣ ل٤ اشخاص

٢- جريش ابيض 7/10 حليل لكن فيه كأنهم حاطين روح الليمون طالع حامض مرره وماجازلنا صراحة

٣-تمن 9/10 اعجبنا صراحة وكان شي خيال

٤- بامية باللحم ٨/١٠ مدري ليش كاتبين باللحم وهم حاطين قطعتين صغيره لو مب مكتوب باللحم بقول طايحه منهم بالطوفرية بالغلط😅

تجربة جميله وتنعاد بسبب تعامل الموظفين وجمال المكان

المكان اللي اسرني صدقاً بكل تفاصيله🌟♥️

اول زياره لي للفطور ما امداني اصور الاطباق؛

طريقة التقديم تفتح النفس

الخدمة ممتازة 10/10

الويتر كلهم بشوشين وشكر خاص للويتر يوسف و اكمر🌟

مذاق الأكل 10/10 كل طبق احلى من الثاني💚

الكمية لكل طبق تكفي شخصين الى ٣ اشخاص

الشكشوكه المنظر موش قد كذا بس طلبتها من مدح الويتر لها و للامانه طلعت لذيذه وطلبت تكون بدون فطر لان في المينيو هي اوريدي بفطر

الاسعار متوسطة الى مرتفعة

الجلسات متنوعة و يعجبني تنوع الجلسات في المكان👍🏼

(جميع العاملين في المكان يسعون لخدمتكم و رضاكم طلبت منهم يقفلون المكيف اللي شغال مباشر علينا وعلى طول قفلوه)

الاستقبال ايش اقول و ايش اخلي ما تحسون مثل كل المطاعم اللي تعودنا عليها 😍♥️♥️♥️♥️

مكان يستحق الزياره وبإذن الله لي زيارة ثانيه للغداء او العشاء.

شكراً جزيلاً لكل القائمين على عسيب💚🙏🏼

عسيب تحفة معمارية جمع بين اصالة الماضي وجمال الحاضر متخصص في الأكل النجدي. المكان فيه تفاصيل كثيرة وجميلة. عندهم قسمين. قسم بالعوائل وقسم ممنوع تواجد الأطفال. المنيو متنوع بس الأسعار 🔥🔥. عندك ضيوف خارج المملكة أنصح فيه. المكان ٥/٥ جميل. الخدمة والشباب ٥/٥. الاكل ٤/٥. فيه بعض الأصناف حبيتها وبعضها عادي. كان ودي أجرب الحلى لكن المره القادمة. أنصح فيهم ويستاهلون التجربة وبالتوفيق لهم

مطعم انيق ، عريق ، يعطيك لذاذه الأكلات النجدية من منبعها … فريق عمل متكامل من طاقم الحجز الى الاستقبال إلى مقدم الخدمة بنفس طيبة وابتسامة . شكرا فريق عسيب أخجلتموني بهذا الاستقبال والتعامل الراقي .

انصح في بالسليق بالدجاج المشوي

الحاشي المشوي

ومشوي السعف

مطعم نجدي تصميماً ومذاقاً ، وأجواء جميلة مرة وسرعة بالخدمة ومكان فسيح وأعجبني الطاقم الموجود احترام وادب على اختلاف جنسياتهم ، التكييف والتهوية جعلت المكان رائعاً والغريب على كثرة الموجودين وكثرة الطلبات الا أن المكان ليس به روائح طبخ . وملاحظة بسيطة الأكل كأنه بارد وأعتقد إن المشكلة بكميات الطبخ لكثرة المرتادين . شكرا لصاحب المطعم شكرا للموظفين من دون استثناء . تكرر الزيارة بإذن الله .

لفت نظري جمال الاستقبال بالقهوة والقدوع والبخور .