السلام عليكم أعضاء المسافرون الكرام في هذا المقال راح اشرح لكم كيف تستخرج فيزا بريطانيا بالتفصيل وكل الأوراق الي مطلوبة منكم سواءًا للسياحة أو للدراسة

كيف تستخرج فيزا بريطانيا بالتفصيل

اول استفسار يراود الكل: كم المبلغ المطلوب أنه يكون بالرصيد عشان يقبلون تأشيرتي؟

انا حطيت 20 الف ريال لكن: لما سألت الموظفة قلت كم يحتاج اقل مبلغ يتوفر بالحساب حتى يقبلون يصدرون لي تأشيرة قالت: بفيزا السياحة لا يشترط توفر مبلغ محدد ولا ينظرون له ، الي يشترط رصيد ويشوفونه هي رحلة الدراسة.

الخطوات و المستندات المطلوبة لتأشيرة السياحة:

تروح تحت المكتب حق التأشيرات بالرياض تلقى مكتب يسوي لك الاجراءات بالنت وهي تعبئة الابلكيشن وحجز موعد للبصمة ودفع الرسوم لكل طلب ، ويطبع لك الابلكيشن و ورقة الموعد يعطيك اياه عشان تاخذه معك للسفارة ترفقه مع المستندات الباقيه ( بذكرها الحين).

اتذكر الشخص ب 150 ريال اتعاب المكتب / 450 او 500 ريال قيمة التاشيرة لكل شخص تدفع عن طريق النت للسفارة عن طريق بطاقة الفيزا او الي معه بطاقة صراف تقبل تدفع بالنت.

المستندات: المطلوبة لاستخراج فيزا بريطانيا من السعودية

  • 1- كشف حساب 6 أشهر بالانجليزي
  • 2- تعريف من العمل بالانجليزي
  • 3- تاخذ الابلكيشن وورقة الموعد الي طبعها لك المكتب.
  • 4- صورتين ملونه لكل شخص ( حسب مواصفات السفارة البريطانية ) لما تروح للاستديو تقوله ابي للفيزا البريطانية وهو بيعرف المواصفات المطلوبة واهمها انه راسك مكشوف بدون شماغ او قبعه.
  • 5- لايطلب أي حجوزات لا فنادق ولا طيران ولا تأمين صحي ولا شي.
  • 6- الجواز تسلمه لهم.

وتروح لموعدك بالتحديد ، تعطيهم ورقة الموعد ويعطيك رقم ، ولما تدخل تعطي الموظفة الابلكيشن وباقي المستندات والجواز

ويمكن تعطيك ورقة استبيان تعبيها ثم ينادونك للتبصيم وبتقولك تدفع مبلغ 250 اضن لكل تاشيرة حتى تسرع الاجراءات قل لا.

انا حقتي قدمتها الشهر الماضي قعدت يومين وطلعت ، وبتقولك تدفع 8 ريال رسوم تجيك رسالة ع الجوال اذا طلعت التاشيرة.

انت حر بس بصراحة انا اخذتها ولا استفدت منها لاني شيكت بالنت العصر حصلته طالعه ولما رحت اخذتها وكل شي جتني الرسالة متاخره. 

رسوم الفيزا البريطانية بالتفصيل :

  • فيزا سياحية ٦ اشهر ١٣٣ دولار
  • فيزا سياحية سنتين ٥٠٥ دولار
  • فيزا سياحية ٥ سنوات ٩١٧ دولار
  • فيزا سياحية ١٠ سنوات ١١٥٠ دولار

عنوان مركز التأشيرات الموحد في قوقل ماب :

مركز التأشيرات الموحد في الرياض 

مركز التأشيرات الموحد في جدة 

مركز التأِشيرات الموحد في الخبر

ملاحظة:

اذا كان معاك اطفال لازم تعبي طلب لكل طفل ولازم كل طفل يكون عنده جواز سفر مستقل مو مع والدته. والأطفال لازم يحضروا المقابلة الشخصية.

التأشيرة الدراسية الى بريطانيا:

ما تختلف تأشيرة بريطانيا الدراسية كثير تكون نفس الاجراءات لكن على عكس السياحية تحتاج تجيب تعريف بالراتب و كشف حساب مع بعض و لو طالب ما تشتغل ممكن تجيب تعريف و كشف لقريب من الدرجة الأولى يكون متكفل برحلتك مع صورة من جوازه و خطاب تكفل

في 3 انواع من التأشيرات الدراسية:

  • تأشيرة دراسية لمدة 6 شهور
  • تأشيرة دراسية لمدة 11 شهر
  • تأشيرة تاير فور tire 4 و هذي تكون لو الدراسة اكثر من 11 شهر (جامعات)

اللي يختلف فيهم هو الرسوم – الفيزا السياحية يكون الموعد ب 32 دولار – الدراسية 6 شهور الموعد يعادل 635 ريال – و ال 11 شهر موعدها يكلف 1080 ريال و التاير فور رسوم موعدها 4290
اما رسوم الابليكشن للست شهور تكون 126 دولار
11 شهر 246 دولار و لها تأمين ب 396 دولار

و تزود على الاوراق كمان القبول اللي حصلته من المعهد و يكون الأصل
وتكمل الاجراءات بنفس الطريقة

و تكمل الاجراءات بنفس الطريقة

بالتوفيق

Booking.com